مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - ماتريكس 2006 (https://www.masrmotors.com/vb/showthread.php?t=58177)

رد: ماتريكس 2006

اقتباس:

المشاركة الأصلية كتبت بواسطة tham1010 (المشاركة 444759)

:14FEAD~151::14FEAD~151:

ايوة كدة اجابات مميزة. طيب حضرتك اللى اشتريت السيور؟ ممكن تقول لى عن مكان موثوق فيه بيبيع الكورى الاصلى زى اللى فى التوكيل؟ الحقيقة الواحد عاوز يغيرهم بس المهم القيهم اصلى مش مضروبين ويبقى اللى فى العربية احسن منهم. كمان ممكن تقولنا على المكان اللى غيرتهم فيه؟ أكون لك شاكر....

هو فى انواع من الدفندر ولا ايه. واحد زميلى كان شارى من عشم زين بتاع شارع دمش وكان شارى اعلى من كدة. يمكن يكون فى اصناف. اكيد اللى فى شارع شميليون هيكون خامتة اقل من اللى اشترتهم حضرتك. رايك ايه؟؟؟؟؟؟؟؟

باشا انا شاري السيور و البلي من محل فى ميدان بن الحكم فى الحلمية اسمه عصام فراج و دوي ناس اخويا كان بيورد لهم شغل و اعرفهم من زمان عشان كده اشتريت من عندهم و انا واثق فى الحاجة على فكرة التوكيل فاتح مركز بيع لقطع الغيار فى شارع دمشق طقم السيور فقط كان عامل 460 جم من غير الضريبة و من غير طقم البلي و طقم البوجيهات بالنسبة للمكان برضه محل قطع الغيار عرفني على واحد ميكانيكي هم يثقو فيه و غير طقم السيور و البوجيهات و ربط العفشة و رجلاش الفرامل و خد مني 100 جم مصنعية و الموضوع خد مني تقريبا ساعة و نصف
بالنسبة للدفيندر بتوع شارع دمشق اغلي من وسط البلد بـ 50 او 70 جم على الاقل

رد: ماتريكس 2006

معلش فى سؤال كمان. هو السيور والبلي بتاع الكاتينة كله بيكون واحد مع كل العربيات. أم إنه لكل عربية الحاجة بتاعتها بمقاسات مختلفة؟ أنا هسأل عندنا فى المنوفية الأول ولو مش لقيت أوشكيت فى الحاجة يبقى أنزل مصر افضل وهى الحلمية مش بعيدة عن رمسيس.

هو حضرتك الدفندر بتاعك فيه قطع كوتش أسود شفت بعض الديفندر فى حتت كوتش وفى كلة معدن بدون كوتش.

حضرتك غيرت فلتر التكيف قبل كدة؟ أنا سمعت إنه بيكون خلف الدرج الموجود امام الكرسى جانب السواق. صح؟؟ عاوز أنضفة او أغيرة

رد: ماتريكس 2006

الف مبروك على العربية وربنا يبارك فيها ويكفيك شرها

رد: ماتريكس 2006

اقتباس:

المشاركة الأصلية كتبت بواسطة tham1010 (المشاركة 444841)

معلش فى سؤال كمان. هو السيور والبلي بتاع الكاتينة كله بيكون واحد مع كل العربيات. أم إنه لكل عربية الحاجة بتاعتها بمقاسات مختلفة؟ أنا هسأل عندنا فى المنوفية الأول ولو مش لقيت أوشكيت فى الحاجة يبقى أنزل مصر افضل وهى الحلمية مش بعيدة عن رمسيس.
لو قصدك بالنسبة للماتريكس اه كله واحد
هو حضرتك الدفندر بتاعك فيه قطع كوتش أسود شفت بعض الديفندر فى حتت كوتش وفى كلة معدن بدون كوتش.
لا بدون قطع كاوتش الراجل قال لي ان القطع الكاوتش بتقع و انا اقتنعت بكلمه لاني شفتها فى اكثر من عربية فعلا مش موجودة
حضرتك غيرت فلتر التكيف قبل كدة؟ أنا سمعت إنه بيكون خلف الدرج الموجود امام الكرسى جانب السواق. صح؟؟ عاوز أنضفة او أغيرة

لا مغيرتوش بس نظفته مرتين و هو فعلا موجود خلف درج التابلوه بتفتح التابلوه بتلقي فيه فى اقصي اليمين و الشمال كاوتشة هي اللي ماسكة الدرج بتلفها عشان الدرج يفتح لللاخر و بعدين بتلقي ورها باب بتفتحه تلقي الفلتر خرجه و نضفه بالهوا و رجعه مكانه لو عايز تغييره هتلقيه تقريبا عامل 70 جم
الرد فى الاقتباس

صيانة ال 40 كيلو فى غبور

يا جماعة انا روحت غيرت طقم سيور وبلية الكاتينة وعملت صيانة ال 40 كيلو فى غبور امبارح يوم الخميس يعنى
انا دخلت جوة واخذت دور وبعد كدة جة المهندس وقالى التكلفى كلها
تغير السيور ها يدخلوة فى حدود 700 جنية وعمل الصيانة ها يدخلوة فى حدود 700 كمان
وفعلا عملت دة كلوة ب 1375 جنية دخلت العربية الساعة 11 طلعت على الساعة 3
وانصحكم لو ها تغيرو سيور غيروها فى التوكيل وباذات سير الكتينة ولو ها تعملو صيانة اعملوها برررة التوكيل
اخدو منى 550 جنية مصنعية بسسسس

رد: صيانة ال 40 كيلو فى غبور

اقتباس:

المشاركة الأصلية كتبت بواسطة madhot007 (المشاركة 445357)

حرمية تمام. لو بالمعدل دة هندفع ثمن العربية من جديد فى الصيانة.

رد: ماتريكس 2006

يا أستاذ عمر،، حضرتك عارف بالضبط الدفندر دة بيتلحم فى أى منطقة من العافشة. ممكن حضرتك تبص بصة وتشوف هو ملحوم فين بالضبط. أصلى هجيبة من القاهرة ,اركبة فى المنوفية. فكنت عاوز أعرف أقول للراجل يلحمه فين بالضبط فى العربية من تحت....