رد: مقارنة بين نوبيرا 2 وماتريكس
 

كلام سليم 100/100
طيب معروض على النوبيرا 28 والماتريكس 37 الف اشترى ايه وانه الاحسن
وشكرا

رد: مقارنة بين نوبيرا 2 وماتريكس
 

نوبيرا 28 الف تبقى نوبيرا 2 مش 1 لان واحد بتكون فى حدود 20 الف. النوبيرا 2 فانوسها زى عيون الضفدعة.. ودى بتكون أوسع وأحسن من نوبيرا 1. وكمان أنا قرأت أن فى 28 عيب تم تلافيهم فى نوبيرا 2 عن نوبيرا 1. ممكن تكون معظم العيوب هايفة ولكنها عيوب. أسواء عيب كان عزل الماتور..

النوبيرا لو بتبعها دلوقتى هتبيع بحوالى 45 ألف لو 2002 وحالة كويسة والماتركس هتبعها بحوالى 53 الف.

بص أنا لو منك ومعايا فلوس الأثنين وماليا هبكون معايا اعمل صيانة وأشترى قطع غيار يبقى أشترى الماتركس الأوربى بس يكون فيها ABS

لو لسة مش متعلم السواقة والحال على القد ودخل محدود ومش عاوز مصاريف يبقى أجيب نوبيرا 2 أوروبى برضوا وتكون حالتها نضيفة جدا ولو حتى أشترتها 30 الف

فى النهاية بعد خمس سنين لو الحال فضل على ما هو علية أبقى بيع اللى معاك وأنت فى الأخر كسبان 10 الاف على الأقل.

أنا شخصيا جبت الافيتا لان كانت قعدتها كويسة ومريحة فى الدخول والطلوع بالنسبة لى ولكن لو كان مش هيفرق معايا كنت جبت نوبيرا 32 الف حالة جيدة جدا والفرق كنت صرفت بيه على العربية. الخلاصة كل واحد وظروفة ولو مش يفرق معاك القعدة يبقى النوبيرا تكسب لان لها سوق لان فى ناس مش بتحب العربيات العليا زى الماتركس رغم إنها أغلى....

رد: مقارنة بين نوبيرا 2 وماتريكس
 

اقتباس:

المشاركة الأصلية كتبت بواسطة tham1010 (المشاركة 440049) نوبيرا 28 الف تبقى نوبيرا 2 مش 1 لان واحد بتكون فى حدود 20 الف. النوبيرا 2 فانوسها زى عيون الضفدعة.. ودى بتكون أوسع وأحسن من نوبيرا 1. وكمان أنا قرأت أن فى 28 عيب تم تلافيهم فى نوبيرا 2 عن نوبيرا 1. ممكن تكون معظم العيوب هايفة ولكنها عيوب. أسواء عيب كان عزل الماتور.. النوبيرا لو بتبعها دلوقتى هتبيع بحوالى 45 ألف لو 2002 وحالة كويسة والماتركس هتبعها بحوالى 53 الف.

مشكور والله وتعبتك معايا
لا ازاى القعده تفرق معايا كتيييييييييييييير انت ناسى انى معاق
بس الشيئ ال انا مستغربله ان الماتريكس 2005 عندنا هنا بتتكلم فى الستين وكمان النوبيرا 2005 بتتكلم فى الستين لو نضيفه
طيب كدا انا لوجبت النوبيرا يبقى هتفرق معايا صح فى فرق اعادة البيع
يعنى لو النوبيرا جبتها 28 وجيت ابعها اقل حاجه هاتعمل 45 صح؟
لو جيت ابيع الماتريكس برضه هتعمل معايا زى 50 ومتنساش ان 2005 60 مع فرق المويل طبعا اكيد هتنزل 7 او 10 الاف جنيه
معنى كدا النوبيرا ممكن تعمل معايا لحد 17 لاكن الماتريكس هتعمل 11 او13
ارجوا التوضيح وشكرا من كل قلبى اخى الحبيب

رد: مقارنة بين نوبيرا 2 وماتريكس
 

النوبيرا 2001 تعمل فى حدود 45 الف
واللافيتا 2001 تعمل فى حدود 54 لو حالة كويسة

هى تقريبا زى بعضها الإعفاء 20 الف فتحط حوالى 17 الف على الثمن تعرف ثمن السوق.. طبعا البيع شطارة والعربيات حالات. يعنى ممكن تكون ماتركس نظيفة وموديل 2002 مثلا تعمل معاك 55 او 56 الف. الخلاصة ان القيمة متساوية وسعات وحدة بتغلى شوية لظروف السوق والعرض والطلب وطبعا السيدان الناس بتحبة اكتر من عربية فان زى اللافيتا

رد: مقارنة بين نوبيرا 2 وماتريكس
 

رد: مقارنة بين نوبيرا 2 وماتريكس
 

......................... ........

رد: مقارنة بين نوبيرا 2 وماتريكس
 

العربيات زى البطيخ يا تطلع قرعة يا تطلع حمرة. أنت وبختك بس زى ما فى ناس بتمسك البطيخة تخبط عليها تعرف إذا كانت حمرة ولا لا وكلمهم بيطلع سليم 80% يبقى فى شوية نصايح هقول لك عليها ومعظمها نصائح من أعضاء المنتدى

أهم حاجة بالنسبة لى كانت الماتور. ومعظم الكورى اللى جاى بيكون كويس ولكن مفيش مانع تطلع على بنزينة تقيس كبس الماتور ولازم مش يقل عن 75% لو عاوز حاجة نضيفة

حد لازم يبص على العافشة من تحت ولو رفعتها فى بنزينة يكون أحسن

الباروما بتكون مشكلة فى المستورد لطبيعة الجو بتاعهم شوف البارومة كويس والصداء فى العربية من تحت وكمان من داخل العربية تحت الكراسى

هل مرشوشة ولا دهان الفابريكة وها بيكون واضح لو قارنت اللون الخاجى بلون زى بتاع الشنطة عند الأستبن أو فى حوض الماتور.

أتأكد أن كل حاجة شغالة فيها ( النور - التكيف - راديو ومسجل التدوير ثلاث مرات متتالية)

وأخيرا من خاب من أستشار يعنى خد واحد وأثنين معاك علشان تسمع منهم


أطلع على النصائح دى كمان

http://www.masrmotors.com/vb/showthread.php?t=47377

http://www.masrmotors.com/vb/showthread.php?t=6399
http://youm7.com/News.asp?NewsID=192113

بالتوفيق. ابقى قولنا لما تشترى