رد: ما هو تقييمك لوكيل جيب و مراكز الخدمه
 

انا بصراحه لسه بفكر اشترى ليبرتى وتكون ف حدود من 100 ل 150 ومعنديش فكره كويسه عنها وعاوز اعرف نظام الوكيل والسعر وكل حاجه عنها

رد: ما هو تقييمك لوكيل جيب و مراكز الخدمه
 

توضيح بخصوص موبر mopar
النوع دا افضل نوعية في السوق المصري والكويتي وهل الثانية بعد الاصلي سيام كان كرايزر او جيب
وفي نوعية ثانية اسمها كراون نفس الموضوع وتعادل موبار فالاداء والعمر الافطرادي لها
حبيب قلبي الجيب
اما بخصوص الوكيل فمصر فانا معرفش عنه حاجة لاني مش فمصر اما عن وكيلة فالكويت فهو واسف في اللفظ زفت ولا عندهم اي حاجة وممكن موجودة ويقول مش موجوة وتختلف من موظف لموظف واحد عاوز يشتغل والثاني لاة بس
لكن عن السيارة نفسها
لا جيب الا جيب

رد: ما هو تقييمك لوكيل جيب و مراكز الخدمه
 

ايه ياترىايه ياترىايه ياترىايه ياترىايه ياترى

رد: ما هو تقييمك لوكيل جيب و مراكز الخدمه
 

الاستاذ مينا احب اوضح نقطة ناس كتير متعرفهاش بس بما اني شغال في قطع غيار الجيب من سنين و عندي محل قطع غيار للسيارات الامريكية و بستورد قطع غيار من امريكا موبار و مركات عالمية اخرى وليا خبرات من تعاملاتي مع وكلاء الجيب في مصر (ابوغالي - عز العرب - الطارق اسماعيل "اسكندرية" - النيل الهندسية "الغردقة" - الهيئة العربية للتصنيع

شركة موبار مش بتصنع كل قطع الغيار بنفسها بمعني ان في بعض قطع الغيار شركات اخري بتصنعها تحت اشراف شركة موبار او بمعني اخر بتصنعها بمواصفات معينة مخصوص لشركة موبار وبتنزل في كرتونة موبار وعليها لوجو الشركة المصنعة وعليها ايضا الرقم المسلسل لموبار و احيانا بيكون في اختلاف كمان بين الرقم المسلسل لموبار اللي علي الكرتونة و اللي علي القطعة نفسها لان بعض قطع الغيار بتكون مكونة من اكتر من قطعة زي طقم الدبرياج بيكون عبارة عن دسك و اسطوانة و بلية وبلية دريك و كل قطعة غيار فيهم بينزل عليها رقم محدد لكل قطعة ودي من المشاكل اللي بتقابلنا مع العملاء عند توضيح المعلومة ده طبعا بخلاف المشكلة الكبيرة اللي بنقابلها مع العملاء في موضوع المنشأ وان مش كل قطع الغيار بتكون MADE IN USA لان MOPAR بتصنع في بلاد كتييييييير اووي منهم كندا والمكسيك والبرازيل اليابان وبلاد اخرري و اخيرا في حاجات بتتصنع في الصين ودي المشكلة الكبرى

وعلي سبيل المثال اليك بعض قطع غيار جيب لبيرتي 2008 حتي الان (KK) وانا اخترت العربية دي بالذات لانها جديدة و ممكن تسأل اي حد معاه العربية دي وللتوضيح اكتر العربية متقفلة في الهيئة العربية للتصنيع.
لو حضرتك جبت العربية زيرو و فكيت البوجيهات بتاعتها ( اخترت البوجيهات عشات تكون من الحاجات السهلة اللي تقدر تشوفها بنفسك ) هتلاقي مكتوبة عليها NGK و عليها رقم الموبار ZFR6F11G وطبعا شركة NGK اليابانية غنية عن التعريف للجميع خصوصا في البوجيهات.
مثال اخر .. لو حضرتك فكيت فلتر التكيف بتاعها هتلاقي مكتوب عليه VALEO وده فيديو ازاي تقدر تفك الفلتر بنفسك اللي موجودة في التبلوه http://www.youtube.com/watch?v=Xyo7Y3ZiJqY

و بالنسبة لتجربة حضرتك مع طقم الدبرياج اللي من جوه VALEO اللي كان في ابوغالي وعز العرب وطقم الدبرياج اللي من جوه MOPAR اللي كان في الهيئة العربية للتصنيع
ده السبب فيه الانتاج لان في حاجات موبار كانت بتصنعها و بعد كده فوضت شركات تانية تصنعها ليها و ايضا احيانا بيكون في قطع غيار موبار بتصنع منها عدد معين وده طبعا بيكون من نصيب الشركات اللي بتقفل العربيات زي الهيئة العربية للتصنيع اللي بتقفل تقريبا كل العربيات اللي بتتقفل في مصر ودي بتبقي تكلفتها اغلي من قطع الغيار MOPAR اللي بتتبقي متصنعة عن طريق شركات تانية و الباقي علي شركات اخري وانا ارجح ان السبب في ده خطوط الانتاج او التوفير في التكلفة

اتمني اكون قدرت اوضح المعلومة قدر المستطاع وانا جاهز لاي اسئلة بخصوص قطع الغيار الاصلية "موبار" والمركات العالمية الاخري اللي تخص كل السيارات الامريكية من " جيب , دودج , كرايسلر "