المشاركة الأصلية كتبت بواسطة yasser taha (المشاركة 25738)

شكرا يا استاد ابو نورا على الاهتماموبس انا ليا سؤال:
هل حضرتك بتتكلم على العربية الايرانى ام عن خبرتك السابقة بالعربية الكيا برايد الكورى
انا كمان ليا ملاحظة من متابعتى لاسعار السيارات المستعملة على النت ,و هى ان العربية البرايد الايرانى اللى نزلت سنة 2006 (السابا) بتتعرض بسعر قليل (مثلا 36000 للعربية 2006) و هو ما يقارب سعر البرايد القديمة موديل 99 مثلا, طب لية...........

المشاركة الأصلية كتبت بواسطة yasser taha (المشاركة 25760)

شكرا يا استاد ابو نورا
انا مقتنع بكلام حضرتك جدا ,و انا طمعان اسال حضرتك سؤال فى موضوع شراء عربية مستعملة
هل اسعار المستعمل المعروض على النت مبالغ فيها شوية ,اصل انا سمعت من اصحابى اللى لسة شاريين من سوق الجمعة اسعار اقل من اللي بنسمعة من على النت,

بص يا باشا المستعمل زى ماقولت لحضرتك عرض وطلب وطبعاً اللى بيحط اعلان على النت ممكن اوى يكون عامل حساب الفصال بعدين غير السعر اللى ممكن يخلص بيه فعلاً
وظروق كل واحد واحتياجاتة بتحكم على النت ناس كتير بتبيع بيع (غناوة) يعنى راجل طالب سعر جالة يبيع مجالوش مش خسران حاجة غير اللى واخد عربيتة ونازل بيها السوق وعايز يخلص

حاجة تانية لازم تاخد بالك منها ان فى السوق فيه تجار بيشغلوا العربيات ويبيعوها ودول ربنا يكفيك شرهم فمتتغرش بالسعر

كمان اية راى حضرتك لو معايا 30 الف اشترى برايد مستعملة اقعد بيها فترة و بعدين انقل على حاجة اكبر ولا اشترى برايد ايرانى جديدة و ااسط الباقى(و الحمد للة مرتبى يسمح) و فى الحالة دة حرام ابيعها قبل فترة كبيره

تشترى زيرو هتخسر فيه من اول يوم تشتريها فيه حتى لو معلقتش نمر فعلشان تاخد من العربية راحتها فى اول 40 - 50 الف كم (سنتين) حرام تبيع قبل سنتين
ولو عايز عربية تتعلم عليها مش مستحب تجيب زيرو برضو خليك فى كسر الزيرو افضل واريح من الاقساط


و على فكرة انا لا املك عربية لكن احيانا باتسنكح على اخواتى و اركب عربياتهم.......ز
و جزاك اللة كل خير