|
رد: رابطة ملاك الكيا برايد
السلام عليكم
اولا احب اشكر صاحب الموضوع لأني من ملاك البرايد سيدان وكنت بالاحظ انها بالفعل مش واخدة حقها ثانيا بالنسبة لموضوع تخبيط الأبواب أنا برده عندي نفس المشكلة في الأبواب والتابلوه فيه زنه غريبه |
رد: رابطة ملاك الكيا برايد
يا مرحب بيك يا joophy فى الرابطة
بالنسبة لصوت الزنة فى التابلوه ده أنا مش لاقيه عندى أو ممكن مكنتش واخد بالى منه فأنا حاحاول اركز كده واشوف الحاكية دى وياريت لو بقية الملاك يقولولنا لو عندهم نفس المشكة ولا لأ . |
رد: رابطة ملاك الكيا برايد
مرحب بيك يا مناور باشا
بصراحة قطع الغيار مفيش احسن وارخص من الجندي اللي في شارع دمشق |
رد: رابطة ملاك الكيا برايد
نفسى من فترة اجيب من عنده بس بكسل اروحله لأن حلمى سليمان جنب بيتى
|
رد: رابطة ملاك الكيا برايد
علي فكرة تقريبا دي من مشاكل البرايد لأني كان عندي نفس المشكلة وجبت سلك زي بتاعها مفيش كام شهر ورجعت المشكلة تاني
|
رد: رابطة ملاك الكيا برايد
يشرفني الانضمام للرابطة .عندي كيا برايد 2002 اوتوماتيك.سيارة جميلة خاصة انني اشتريتها بعد 11سنة من استعمال الفيات .الاول 127 لمدة 7 سنين.ثم شاهين 3 سنين بس بصراحة عربية مش حلوة من ناحية النعومة والرفاهية.انا بعتبرها سيارة اجرة فقط مع احترامي لمالكي الشاهين.ثم اشتريت 128 لمدة اسبوع وحسيت بفرق لانها كانت 1100 سي سي وبيعتها علي طول.ولما قراءت عن الكيا حبيتها وربنا كرمني بالسيارة اللي معايا والحمد لله.السيارة اقتصادية للبنزين.جراية وصلت بيها لل150 بس بعد كده ندمت لان بحب السرعة 100 مش اكثر.ناعمة .صالون واسع .واهم حاجه انها عالية عن الارض.ويا رب يبارك فيها خاصة اني مكنتش احلم اركب سيارة كوري.الحمد لله.وشكرا
|
رد: رابطة ملاك الكيا برايد
اهلا وسهلا بيك يا استاذ محمد والجروب نور بيك وربنا يبارك لك في العربية ان شاء الله
|
| الساعة الآن 08:20 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017