رد: عايز اعرف الفرق بين الدهانات الميتالك و الفرن
 

دهان السيارات ينقسم الى نوعين
دوكو او اكريليك
الدوكو زى البويات بتاعت العربيات الادا والفيات القديم
الميتالك او الاكريلك هو دهان يحتو ى على ماده فى تركيبه شبه بودره الذهب تعطى له لمعه معدنيه زى اللى بنشوفها فى كل العربيات الجديده
لاكن من عيوب الاكريلك انه مينفعش ترش حته صغيره بيه يعنى لو عندك خربوش فى باب لازم ترش الباب كله بعكس الدوكو اللى ممكن ترش على قد الخبطه بالظبط
اما الفرق بين الدهان الميتلك والفرن
مفيش حاجه اسمها دهان فرن او دهان ميتلك
الفرن ده طريقه شغل يعنى انت بترش العربيه جوه فرن علشان الدهان يجف بطريقه صحيحه
وميسيلش او تقف حشرة على البويه وهى طريه وتلصق عليها او شويه تراب لاكن فى صنيعيه بيوفرو تمن الفرن ويرش فى الشارع ويكبر دماغه لان ايجار الفرن بالساعه ويبقى غالى
والبويات الميتالك اللى هى الاكريلك يستحسن انها تترش فى الفرن علشان الشغل يطلع صح
اما بالنسبه لسوال البويه المط فانا مش بنصح بيها ومعظم الناس بتجيب استيكر مط وتلزقه وتقدر تشيله فى اى وقت بدل ماترش العربيه

رد: عايز اعرف الفرق بين الدهانات الميتالك و الفرن
 

طب هو لازم العربية تكون سوده ولا اي لون
وهل للمط اوان ولا اسود بس

رد: عايز اعرف الفرق بين الدهانات الميتالك و الفرن
 

موجود كل الالوان بالنسبه للبويه المط اما الاستيكراعتقد هيكون الالوان الاساسيه فقط اى اسود احمر ابيض يعنى هتلاقى تشكيله من عشرين لون او اكتر انما البويه درجات زى البويه الميتالك
وعلى فكره اسعار البويه المط نفس اسعار البويه الميتلك
هو الاختلاف بيبقى فى الورنيش من حيث الشكل مش من حيث السعر طبعا
يعنى الل بيدى للبويه اللمعه وبيحميها هو الورنيش يعنى انت لو جربت ترش العربيه بويه ميتالك فقط من غير ورنيش هتلاقى لونها مطفى بس طبعا لازم تترش ورنيش علشان البويه لوحدها مش هتستحمل
انا فى واحد قالى على حاجه بس بصراجه مجربتهاش
قالى انه صنفر البويه عند بصنفره ناعمه صنفره دوكو 1000
طفى البويه يعنى وبعدين رشها بورنيش مط
بس ده كان بيجرب وكان راشش الاكصدام بس وانا لسه مشفتوش

رد: عايز اعرف الفرق بين الدهانات الميتالك و الفرن
 

هل رش الاكصدام يقلل من سعر العربية ؟؟؟

ولو العتب اليمين بس رش يقلل من سعر العربية ؟؟؟

وهل لو فيه حكات اتردت على البارد تقلل من سعر العربية ؟؟؟

ولك جزيل الشكر

رد: عايز اعرف الفرق بين الدهانات الميتالك و الفرن
 

رش اى جزء من العربيه اكيد بينقص من تمن العربيه بس فى الاول وفى الاخر اسعار العربيات مش ثابته وكل واحد وشطارته فى البيع والشراء انت ممكن تبيع عربيه رشه بسعر اعلى من اللفبريكه لان موضوع البيع والشراء مش ثابت فى اسعار المستعمل وشوف اسعار العربيات فى الوسيط هتلاقى اسعار متفوته