رد: ازاى تظبط كهرباء عربيتك
 

اخى الكريم بوينتر
الموضوع هو طريقة واحدة وليس طريقتين
2- جرى العرف ان ظبط الموتور لازم يكون على البستم رقم واحد من الامام بدليل ان معظم مصممى المحركات بيعملو علامات على جسم المحرك مع طنبورة الكرنك وعند تقابل العلامات دة بيكون النقطة الميتة العليا للبستم رقم واحد وليس اى بستم او بوجية تملك انك تفكة
هل صادفت ان ميكانيكى عشان يظبط الموتور بيفك البوجية اللى يقدر يفكة ولا بيكون حريص على فك البوجية رقم واحد
3- الموضوع لا يستدعى فك وش الاسبراتير وخلينا نتفق ان كل اما خطوات الظبط قلت كل اما نسبة نجاح الموضوع اكبر
4- حضرتك بتقول بعد اتمام الخطوات لف الاسبراتير يمين او شمال الى ان تصل الى الصوت المثالى وحرق جيد .........طب وانا اعرف منين ان دة الصوت المثالى او حرق جيد وانما الخطوات اللى انا كاتبها لا تدع مجال للاجتهاد من العضو او حتى الميكانيكى
5- كلام حضرتك بيعتمد على التجربة والخطاء وانما الخطوات المشروحة تمثل التوقيت الامثل للاشتعال
6- حضرتك تتدخل زى منتا عاوز لاننا بنتعلم منكم فى النهاية

رد: ازاى تظبط كهرباء عربيتك
 

طب شوف الفديو دة يا كبير
http://www.youtube.com/watch?v=f9jh7...layer_embedded

رد: ازاى تظبط كهرباء عربيتك
 

ما هو ده اللي بقوله و كويس ان حضرتك فتحت الموضوع ده لان فيه مدارس و فكر
و فكرتني بايام ال 128 من يجي 10 سنين و الورشه اللي كنت فاتحها ههه

رد: ازاى تظبط كهرباء عربيتك
 

اخى الكريم pointer مشكور على التواصل الجميل والبناء لكن دعنى اوضح بعض الامور
العلامة وهاقتبس من حضرتك الجملة التالية
" العلامة معمولة عشان ظبط التقسيمة بتاعة الموتور مش الكهرباء "
فعلا كلامك صح ان العلامة اللى على طنبورة الكرنك عند تطابقها مع الدليل الموجود على جسم المحرك دة الهدف بتعنا الموتور دلوقتى بقى فى النقطة الميتة العليا وتقدر تركب عامود الكامات على الوضع مقفول لكل من الصبابين ( السحب - العادم) وايضا دة الوقت المثالى لانتاج الشرارة .... يعنى يجب فى التوقيت دة تحديدا ان يكون شاكوش الاسبراتير اتجاهه على البوجية رقم واحد
الخلاصة ان فعلا العلامة الموجودة بتاعة تقسيمة الكرنك مع الكامة وايضا توقيت الاشعال اللى هو موضوعنا المثار
اقتباس من كلامك"طب هاتعرف تظبط كهرباء ازاى وانت مش عارف انهى بوجية اللى هايدى اسبارك دلوقتى "
زى ما قلت لحضرتك ان اما يكون البستم رقم واحد فى النقطة الميتة العليا بمدلول الزنبة على طنبورة الكرنك بيكون البستم رقم واحد هو اللى هياخد الشرارة مش اى بستم اخر
اقتباس " معرفتش اية موضوع اللمبة "
اللمبة هنا هى ترجمة ان الشاكوش وصل كهرباء الى البوجية رقم واحد بمعنى اما تنور يبقى الشاكوش على نحاسة وش الاسبراتير اللى بتوصل للبوجية رقم واحد ..........انا معرفش انت شوفت الفديو ولا لأ بس لو شوفتة اكيد هاتعرف
اقتباس " لو هتشتغل على المكبس ودة عاوز فهم وخبرة معاك "
فعلا انا بعرف اسمع مواتير كويس جدا واقدر احدد المكنة مقدمة او ماخرة او مرتلة بس مش هو دة هدفى ...كان هدفى الاساسي مع الموضوع ان اى عضو ملوش خبرة كبيرة يقدر يعمل الشغلانة دى بنفسة والنتايج بامر الله انا واثق فيها جدا .......وبعدين بلافعل ممكن اى اتنين يختلفو المكنة دى مظبوطة ولا مش مظبوطة اعتمادا على الصوت ولون العادم والحاجات دى انما لو ركب جهاز تحليل عادم يقدر يقيس ثانى اكسيد الكربون وبخار الماء فى العادم دة المظبوط مية فى المية وبيضاهيه بالظبط الطريقة المشروحة فى اول الموضوع وبدون اى اجهزة

اقتباس "ما هو ده اللي بقوله و كويس ان حضرتك فتحت الموضوع ده لان فيه مدارس و فكر
و فكرتني بايام ال 128 من يجي 10 سنين و الورشه اللي كنت فاتحها ههه"
صراحة مش قادر افهم المقصود من الجملة

رد: ازاى تظبط كهرباء عربيتك
 

شوف يا كبير
كلامك برضو صج
وياريت تقترح مواضبع و نتكلم فيها انا وانت وندردش مع بعض
بس هي المشكله بتاعه العلامه دي ان الطنبوره لازم هتبقي متغطيه
وحسب طراز السياره ممكن تكون الحته ديقه و ممكن لا
طالما الحاجه ممكن تكون اسهل بطريقه اخري يبقي هي اولي
طريقه المفك و وضع المكبس دي لازم تكون في شوط القدره علي شان المكبس ممكن يبقي فوق في الاربع اشواط
و الاحسن من كل ده المسدس
بس اسهل طريقه بتاعه الصباع و مجربها ولا ميت مره
و موضوع الاسبراتير ده انا اقصد وضعه هو مش وضع البساتم
يعني احنا ضبطنا البساتم خلاص علي النقطه الميته في السلندر الاول تمام
ازاي نضبط الشاكوش علي السلندر ده من غير ما نفك غطاء الاسبراتير
انا شفت الفيديو ما فهوش لميه خالص
بس انا قصدي هو هيقوا ان المفروض ان البوجيه يشتغل بس انهي بو جيه فيهم
ازاي اعرف ان الشاكوش ده هيدي البوجيه ده من غير ما نفك الغطاء
الفقره الاخيره دي
لشكرك فيها ان حضرتك فكرتني بالذي مضي ايام ال 128 اللي كانت معايا
شكرا يا كبير

رد: ازاى تظبط كهرباء عربيتك
 

مشكور على التواصل اخى الكريم pointer

رد: ازاى تظبط كهرباء عربيتك
 

طيب مفيش طريقه للسيارات الانجكشن؟