مصر موتورز مجتمع السيارات - حد عنده فكره عن درجة اللون

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - حد عنده فكره عن درجة اللون (https://www.masrmotors.com/vb/showthread.php?t=53109)

رد: حد عنده فكره عن درجة اللون

درجه اللون موجوده فى اللانوس موجوده على باب فتحة تنك البنزين من الداخل
وطالما انت كده كده هترش العربيه يبقى تاخد العربيه وتروح لبتاع البويه وتخليه يجرب البويه على صاج العربيه لحد لما يجيب اقرب درجه للعربيه لان البويه مع الوقت درجه اللو ن بتتغير يعنى لو جبت نفس ارقام البويه هتلاقى اللون مختلف عن السقف علشان كده لازم تجيب اللون والعربيه معاك

رد: حد عنده فكره عن درجة اللون

بص بقى يا جدعان
الموقع اللي في الرابط ده يبين درجة لون عربيتك
خد عندك
http://www.automotivetouchup.com/choosecolor/nomodels.htm

أو

http://www.paintscratch.com/paint-colors.html

وفي الجنب اليمين حتختار السنه وتحتها الموديل وكما الاتي

Order Car Paint

Select Your Vehicle's Year:

Make:

Model:

http://www.paintscratch.com/images/go1.jpg

واللانوس 2000 نبيتي حيبقى عندك رقمه

74U Spinel Red Prl Exterior

اي خدمه

رد: حد عنده فكره عن درجة اللون

اخى الكريم انا لسة راشش عربيتى حزام من اسبوع نظافة
بص بقى اولا اللون النبيتى موجود رقمة 74uوطبعا انت عربتك موديل 2000 يعنى 11سنة فى الشمس اللون بيتغير واللمعة كمان بتططفى هتعمل الاتى هتروح لاقرب محل بيعمل البوية وتجرب اللون عندة على الكبوت مثلا فى الشمس مهم جدا وجود الشمس
علشان تقدر تجيب درجة اللون ولما توصل لدرجة اللون وتمام وتتاكد ان اللون هو هو مش فاتح درجة او غامق درجة هتجيب شوية ورنيش علشان الكبوت والشنطة وتخلى الصنايعى يموت اللمعة اللى فى الكبوتوالشنطة بسنفرة 1000 وترش الجنبين وبعد كدة تاخد العربية بالورنيش كلها ماعد السقف (علشان مايبنش فرق اللمعة وتبقى العربية شكلها غريب)بعد ماتسيب العربية تنشف من الدهان خلى الصنايعى يمسح السقف ببولش ويلمع بكمبون وان شاء الله العربية هتطلع زى الفل ومش هيكون فى فرق لون وطبعا الورنيش ميعتبرش دهان انما هيضيف اللمعة للعربية وربنا يكرمك

رد: حد عنده فكره عن درجة اللون

اقتباس:

المشاركة الأصلية كتبت بواسطة sikonsadek (المشاركة 519178)

ياريت حضرتك تقولنا التكلفة كانت كام

رد: حد عنده فكره عن درجة اللون

اقتباس:

المشاركة الأصلية كتبت بواسطة Mido_Vip (المشاركة 519976)

ياريت حضرتك تقولنا التكلفة كانت كام

والله هى كلفتنى فى حدود 850 ج
مون فى حدود 350
مصنعية 350ج( والصنيعى معرفة)
100ج كابينة رش السيارات

رد: حد عنده فكره عن درجة اللون

اقتباس:

المشاركة الأصلية كتبت بواسطة بدر بسيونى (المشاركة 405926)

درجة اللون بتبقى فوق او جنب الاستبن او فى حوض الموتور او فى درجة التابلوه على حسب نوع العربية فالانوس مش عارف فين تحديدا

انا شوفت فين درجة اللون مكتوبه
جنب السيرفو شمال في الحوض يعني لما تفتح الكابود وتبص في نص العربيه فوق فلتر البنزين
وتحت رقم الموتور مطبوعه على معدن زي رقم الموتور

رد: حد عنده فكره عن درجة اللون

اقتباس:

المشاركة الأصلية كتبت بواسطة basosi (المشاركة 525277)

انا شوفت فين درجة اللون مكتوبه
جنب السيرفو شمال في الحوض يعني لما تفتح الكابود وتبص في نص العربيه فوق فلتر البنزين
وتحت رقم الموتور مطبوعه على معدن زي رقم الموتور

قصدك تحت رقم الشاسيه صح :fun_36_1_30[1]: