|
رد: عايز اطلع الرخصة .............!!!
اقتباس:
لما كنت بشوف او بسمع الكلمه دى ومصاحبها دايما اقتباس:
هل الثوره دى تعنى بالنسبه لينا دخول الاسلام ؟؟؟ يا جماعه الرشوه رشوه قبل وبعد 25 يناير وربنا حرم دا من زمان مش من بعد الثوره بس الراشى والمرتشى فى النار طيب السؤال التانى .... هل لما ابطل ادفع رشوه هل مصالحى هتمشى فالاجابه تيجى بان المصالح مش هتمشى من غير رشوه غير لما الموظف نفسه مايبقاش عايز ياخد رشوه وهنا يجى السؤال التالت .... طيب وامتى الموظف مش هيقبل ياخد رشوه فتيجى الاجابه لما تبتدى الدوله تديله مرتب محترم يقدر يعيش بيه هو وبيته من غير ما يتزل لحد انا يا جماعه مش بشجع على الرشوه او حتى بعيب على اللى بيدفعها انا بس بفكر معاكم بصوت عالى واسف انى خرجت عن الموضوع الاصلى ياريت فعلا حدج يقولنا عن اوراق مدرسه المرور ايه والتكلفه كام ؟؟ |
رد: عايز اطلع الرخصة .............!!!
شكراً يا جماعة لإهتمامكم
انا روحت امبارح مرور محرم بك و سحبت من الخزنة ملف رخصة قيادة خاصة بـ 12 جنية و مليتة بالبيانات المطلوبة و حطيت فية الأوراق المطلوبة كشف باطنة و كشف عيون و فصيلة الدم و علي الكشفين صورتين شخصية و 3 صور شخصية إضافية و 3 صور للبطاقة الشخصية بعدين قدمتة في شباك و اخدوا مني الملف و طلبوا وصل بـ 3 جنية و ورقة بروفا دفعتهم و رجعتلها تاني بالوصل و ورقة البروفا ، اخدت نسخة من الوصل و عطتني نسخة و عطتني صورة شخصية من اللي عطتهملها مكتوب علي ضهرها رقم و قالتلي تعالي النهاردة الإمتحان و النهاردة روحت الساعة 9 دخلت و كتبت بياناتي ع الكمبيوتر و بعدين طلعتلي امتحان الكمبيوتر 12 سؤال كل سؤال بـ 30 ثانية جاوبتهم كلهم و جبت لائق الحمدلله و قالتلي تعالي امتحان السواقة يوم السبت إلي الآن الحمدلله الأمور ميسرة و لكن اللي بيدخلوا مدرسة القيادة مش بيعدوا بالإجراءات دي و لكن اللي شايفة إن اللي بيمشي عادي ، مش بيكلعوهالو طالما قادر يعدي بنفسة و اللي عايزها من غير تعب بيروح ع مدرسة القيادة بالنسبة لتكاليف مدرسة القيادة .. سمعت من الناس اللي كانوا واقفين معاية مصاريفها 370 جنية دعواتكم اعدي امتحان السواقة علي خير بإذن الله :) |
رد: عايز اطلع الرخصة .............!!!
بــاقي الأخبار
الحمدلله بفضل الله ، طلعت الرخصة امبارح روحت إمتحان السواقة الحمدلله الناس متفاهمة جداً و محترمة و الراجل اللي ركب معاية العربية حد محترم جداً بعد ما خلصت إمتحان السواقة دفعت وصل رخصة خاصة بـ 25 جنية و بعدين روحت ع الأرشيف أخد الملف بتاعي و بعدين روحت في مبني الإدارة سلمت الدوسية و دفعت وصل بـ 30 جنية و بعدها إستلمت الرخصة مؤقتة بـ 5 شهور عشان التصوير بالكمبيوتر فية مشكلة و متوقع يتصلح في خلال فترة قريبة و مضيت الرخصة من ظابط المنطقة و روحت أختمها بختم النسر من مرور القباري ملحوظة .. من أول اجراءات إستخراج الرخصة لغاية إستلام الرخصة مدفعتش اي مبلغ نهائياً رشوة عشان ورقي يمشي الحمدلله . |
رد: عايز اطلع الرخصة .............!!!
الف مبروك عليك الرخصة و ان شاء الله ربنا يستر طريقك و بالتوفيق GIFT4U
|
رد: عايز اطلع الرخصة .............!!!
الف مبروك الرخصه عقبال ال بى ام ياباشاGIFT4U
|
رد: عايز اطلع الرخصة .............!!!
الله يبارك فيكم :)
تسلم يا سمسم ربنا يا يخليك :) |
رد: عايز اطلع الرخصة .............!!!
انا رحت اشتركت فى المدرسة البطيئة
|
| الساعة الآن 09:16 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017