|
رد: حسبى الله ونعم الوكيل
الواضح ان مركز القطامية واقع فى مشكلة كبيرة ... والمشكلة دى ها تخلى الثقة تنعدم بينة وبين العميل ... ودى اخطر حاجة ممكن يقابلها اى توكيل ...
والمشكلة باختصار هى عدم متابعة المهندسين للفنيين ... وعدم متابعة رئيس القسم للمهندسين ... ودى ممكن تخرب عربيات كتيييييييير ... والله الموضوع مهم ومش سهل انة يعدى كدة من غير متابعة وعقاب من المسئولين الكبار بالمركز ... ولا انكر جهد الانسة داليا والاستاذ عماد لحل مشكلات العملاء ومتابعتهم ... لاكن الانسة داليا والاستاذ عماد مش شغليين جوة فى الورشة .... ومش معقول ها نوجع دماغهم ونحرجهم فى كل مرة نروح للصيانة .... انا مش بقول الكلام دة لاى هدف غير انى عايز اطمئن على عربيتى وانها تكون فى ايدى امينة ... ومش بقول الكلام ده من فراغ ... انا كتبتة بعد ما تعددت المشاكل على لسان العملاء ... والمطلوب حاجة بسيطة جدا ... هو متابعة الفنيين جيدا ... وده من خلال المهندسين ... ومتابعة المهندسين من خلال رئيس القسم الخاص بهم ... يعنى باختصار كل واحد يشوف شغلة وبس ... لا اكثر ولا اقل ... ومش مطلوب تفرشو الارض ورد للعملاء ... انا عايز احس بالامان على عربيتى .. وشكرا لمركز الامل اللى انا عارف ومتأكد انهم فى المركز بيحاولو يكونو الافضل ... وربنا يوفقهم ... ولاكن ودائما هناك من يجب متابعتة جيدا وهم قلة ان شاء الله وعلى فكرة انا ماكنش عندى مشكلة فى صيانة ال 1000 كم بتاعتى .... ولاكنى امتلك السيارة وبعتبرها حبيبة قلبى وهى ال byd |
رد: حسبى الله ونعم الوكيل
اقتباس:
ركب البلى الأمامى من غير مكبس _ لكن المهندس مصطفى قال لازم تتركب بمكبس ولازم العربية تبات وكمان طلع بلية واحدة اللى بايظة مش بليتين وخلانى إشتريت بلية زيادة من غير لازمة لكن بصراحة دور الأنسة داليا والأستاذ عماد إيجابى جدا جدا _ لكن المشكلة فى المهندس ومتابعته مع الفنيين جوه الورشة |
رد: حسبى الله ونعم الوكيل
مثل الكثير من المشاركين المشكله ليست فى الادارة
يعنى ان شايف انه فى متابعة دقيقة وسريعة سواء من الاستاذ/ عماد اوالاستاذه / داليا ان كتبت شكوى بسيطه على المنتدى يوم الاحد كان فى متابعه من استاذ/ عماد واتصال من الاستاذ/ داليا التى استمعت على المشكله بدون تعليق حتى انتهيت من سرد المشكله واعتذرت عنها ولكن المشكله الاساسية فى فريق العمل داخل الورشة او بمعنى ادق الصنعية وفريق المهندسين المتابعين للصنيعية انا لاحظت عدم وجود مهندسين بعدد كافى داخل الورشة وان الصنعية وخدين راحتهم على الاخر انا عارف جيدا ان شركة الامل تتابع المشاكل الموجوده على المنتدى وتعمل على حلها ان شاء الله تحل موضوع الوقت واقتراح ان يتم اعداد جدول زمنى لكل سيارة يكتب على امر الشغل من وقت وصول السيارة ودخولها الورشة والوقت الذى استغرق فى صيانه واصلاح السيارة ووقت خروجها حتى ييسنى للادارة معرفة سبب التاخير والله الموفق |
رد: حسبى الله ونعم الوكيل
اقتباس:
الحمد لله انك عرفت العربية فيها اية .... والحمد لله انها اتصلحت على خير ... وعايز اقول حاجة مهمة .... الناس دى لازم تعرف اننا بنروح لمركز الصيانة محبة فى عربياتنا وفية ناس بتحب العربية كانها احد اولادها ... وانا عارف الكلام ده كويس .. واى حد بيروح المركز وبيدفع اكتر من اى ميكانيكى برة المركز علشان ياخد شغل كويس وحلو ... على الاقل لو الوقت زاد شوية ... يعوضها الاهتمام بالعربية والصيانة الصح .... ودة اكيد اللى يخلى واحد زى حضرتك ييجى من السويس للقطامية ... وواحد زى الدكتور المناهرى بييجى من المنيا ... تصدق ؟؟؟؟ فربنا يوفق مركزنا بتاع القطامية ويكون افضل وافضل من كدة ... |
رد: حسبى الله ونعم الوكيل
اقتباس:
والأستاذ عماد قاللى بنفس النص إنه جزا المتسبب فى المشكلة وإعتذرلى وقاللى تيجى بكرة الصبح تاخد تمن البلى اللى إشتريته وركبته بره من عندنا تجيب الفاتورة وتصرفها من المرتجع يعنى هيعوضنى تمن الخسارة وكمان قاللى لو فيه حاجة عاوزها تانى هنعملهالك وبصراحة أنا مقبلتش راجل زوق بالطريقة دى لأنى سافرت واهتم بالموضوع وهو اللى دور عليا ربنا يصلح له حاله ويبارك فى أصله وإن شاء الله هسافر بكرة ولما أرجع أحكيلكم عاللى حصل |
رد: حسبى الله ونعم الوكيل
كان لازم تروح تعمل محضر فى القسم وتشتكى فى جهاز حمايه المستهلك وترفع قضيه تعويض ومتسيبش حقك انت كده كده صلحتها بره التوكيل يبقى لازم تاخود حقك منهم وان كان صاحب التوكيل ميعرفش اللى بيحصل ده تبقى لما تعمله قلقل يعرف غصبن عنه ويهتم بيك وبغيرك صدقنى هو احنا كده لما يمون مفيش رقابه يبقى نام ونسوق فيها ولما الدنيا يخرب تلاقى اكبر راس فيهم فى استقبالك وماسك ورده وضحكته هتبقى فى وسع نفق شبرا لما يشوفك
يا اخوانى لازم مانسكتش على الغلط انت دافع ثمن خدمه يبقى لازم تاخده كما ينبغى لو ماختهاش يبقى تاخدها بالقانون والف شكر والحمد لله انت صلحت عربيتك والمدام والاولاد مبسوطين |
رد: حسبى الله ونعم الوكيل
والله حضرتك وأنا بطلع على تقريرك ,وماحدث مع حضرتك وعلى وجه الخصوص ان حضرتك من خارج محافظة القاهرة ,وده وضع استثنائى لأنه المفروض التعامل لايفرق ,ولكن يجب ان يكون هناك نوع من الأهتمام ببزل اقصى مجهود لقضاء حاجة الزبائن من اصحاب السيارات,ولكن واضح انه للأسف ان من يقومون بأمتهان مهنة رجال الأعمال هم دائما لصوص ,ولاينتموا لأصحاب الضمائر سواء ضمير حى او ميت لأنهم ليسوا بنى ادمين على الأطلاق ,لأنك عندما تقدم على شراء سيارة اول شىء يجر رجلك اليه هو خدمة مابعد البيع ومراكز الصيانه الى على أعلى مستوى ,وان هدفنا هو ارضاء العميل ,واواوا,كلام بس ,لكن اهتمام بلعمل والأرتقاء والأتقان ده شىء لايعرفوا عنه شىء لأنه لاوجود له فى قاموس حياتهم ,اهم حاجه عندهم هو الكذب والسرقه وتقليب جيوب الخلق ,وهما مفكرين ان دى شطارة ,مش عارفين ان هذا السلوك,انما هو بداية النهاية لهم لفقدانهم اى رصيد من الأحترام ممن يعرفهم,كل الى اقدر اقوله,خسارة ان يكون هؤلاء اصحاب هذه التوكيلات أن يمثلوا رجال سوق محترمين اورجال يفهمون يعنى إيه اقتصاد ويعنى إيه تسويق ,خسارة والف مليون خسارة,لك الله يامصر!!!!
|
| الساعة الآن 09:34 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017