رد: صوت طقه هيجننى فى الالنترا
 

ربنا يخليك و يبارك فيك على اهتمامك و ادينى مستنى حد يقوللى على عفشجى كويس خصوصا يكون فاهم فى العربيات الحديثه و معلش انا ليا سوال تانى فى واحد قاللى دى ممكن تكون الاسكترا انا معرفش ايه الاسكترا دى و هل ممكن يكون فعلا عيب اسكترا وواحد تانى قال ممكن تكون الصليبه الداخليه بتاعة الكبالن معلش انا تقلت عليك

رد: صوت طقه هيجننى فى الالنترا
 

العفو يا استاذ فيكتور ده كفايه زوق حضرتك

و كل شىء جايز
بس انا برشح يا حتطلع على قد غسيل و تشحيم او بيض مقصات لان حضرتك قولت الطقة مش على طول
و بالذات موضوع الاصوات يستحسن الواحد يسمعه بنفسه علشان يقدر يحكم على المصدر فمهما وصفتلى حيبقى ردى او رد الاعضاء مش دقيق زى العفشجى

رد: صوت طقه هيجننى فى الالنترا
 

يبقى خلاص انا هستنى كام يوم كده لغاية ما اشوف عفشجى كويس اروح له و هبقى ابلغك بالنتيجه و فى الفتره دى انا هروح البنزينه اغسل العربيه و ارش WD40

رد: صوت طقه هيجننى فى الالنترا
 

الاخ فيكتور
السلام عليكم ورحمة الله وبركاته
اعتقد ان حل المشكل دى فى صقر قريش بمركز متخصص فى الكورى فقط والهيونداى خاصة ويملكه مهندس / خالد ممكن تسأل عليه فى صقر قريش معروف جدا ومحترم جدا جدا وان شاء الله حايعرف العيب فين:THUMBS~220:[

رد: صوت طقه هيجننى فى الالنترا
 

شكرا على اهتمامك بس صقر قريش دى بعيده اوى لو حد يعرف حد فى الحرفيين يبقى تمام اوى

رد: صوت طقه هيجننى فى الالنترا
 

السلام علبكم ورحمه الله
انا كان عندى نفس المشكله دى بس الموضوع كله طلع من البطاحات الموجوده اعلى المساعد وهى بتدور مع دوران المساعد مع دوران الدركسيون شمال او يمين .
يوجد بهذه البطاحات رولمان بلى يجعل دورانها سلس ولكد عندما يتلف هذا البلى يصدر صوت التكه هذه والموضوع بسيط جدا ويمكن تغيير البطاحات فى التوكيل اوعند اى شخص اخر لان الموضوع مش محتاج صنيعى.
وبالتوفيق ان شاء الله