مصر موتورز مجتمع السيارات - حل عملى لمشكلة انخفاض الالنترا

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - حل عملى لمشكلة انخفاض الالنترا (https://www.masrmotors.com/vb/showthread.php?t=52258)

رد: حل عملى لمشكلة انخفاض الالنترا

فكره جميله:01FDAB~189:

رد: حل عملى لمشكلة انخفاض الالنترا

فكره ممتازة جدا
تصدق بالله انا كنت عايز اشتري النترا وكل ما اشوف عربية الاقيها نايمة على الارض وكنت خايف اشتري عشان الموضوع ده
وفكرت اني اجيب كوتش علاية مساعد يركب فوق السوستة بس مسألتش العفشجي لسه
انت كده قصرت عليا السكة وخليتني افكر بجد اجيب الالنترا

رد: حل عملى لمشكلة انخفاض الالنترا

انا بصراحة خفت انى اعمل كده المساعد يتقطم او العفشة تتبهدل ... علشان كده انا غيرت اليايات (السوست) الخلفية فقط وجبت 2 غيرهم نفس الطول بس السمك مختلف تقريبا الضعف .. العفشجى قالى ده سوست المانى (استيراد) بتركب للمرسيدس وهو عمل التعديل اللازم علشان يبقوا فى نفس الطول والشكل البداية والنهاية .... وركبتهم وطلعت جربت العربية بعد ما قعد فى الكرسى الخلفى 3 اشخاص من الحجم العائلى ومشيت على مطب عالى والعربية والحمدلله مالمستش المطب وكنت مش مصدق نفسى ... اللى عرفته ان السوسست اللى بتنزل فى العربية بتكون ضعيفة بالاضافة الى المطبطات اللى عندنا مش طبيعية.
وجربت العربية لغاية سرعة 160-170 والحمدلله مافيش اى تأثير على الثبات وبالنسبة للتكلفة سعر السوستيين 200 +50 جنيه مصنعية التعديل والتركيب.
على فكرة بيقت فى المطبات ناعمة جدا عكس ماكنت منعتقد.

رد: حل عملى لمشكلة انخفاض الالنترا

اقتباس:

المشاركة الأصلية كتبت بواسطة Atef Abdelzaher (المشاركة 617465)

ياريت ياباشا تكتبلنا عنوان العفشجي اللي عملك الحكايه دي ورقم تليفونه علشان الناس تستفيد ومنين اشترتهم أو اشتراهملك العفشجي.نرجو الرد ولك جزيل الشكر

رد: حل عملى لمشكلة انخفاض الالنترا

اقتباس:

المشاركة الأصلية كتبت بواسطة esam_ayad (المشاركة 620479)

السلام عليكم اخى العزيز ... العفشجى هو اللى اشتراهم وعلى ما اظن انه عنده استك من السوست علشان ما اخدتش وقت لما روحت عنده ... العفشجى اسمه الاسطى عثمان ومكانه بعد ركن حلوان تقريبا ب2 كيلو (بعد مصنع مفكو حلوان للاثاث) وتليفونه 01200666749