مصر موتورز مجتمع السيارات - استفسار من مصري مغترب ناوي أنزل أجازة بعربيتي .. الوضع شكله ايه ؟

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: استفسار من مصري مغترب ناوي أنزل أجازة بعربيتي .. الوضع شكله ايه ؟

والله انا من رأي متنزلش بيها خلاص الدنيا لسه فيها قلق نصيحة لوجه الله انزل من غيرهم واجر عربية تقعد معاك فترة الاجازة وريح دماغك من القلق

رد: استفسار من مصري مغترب ناوي أنزل أجازة بعربيتي .. الوضع شكله ايه ؟

بلاش تنزل احسن علشان البلطجية :3mla:منتشرين بشكل كبير فى البلد فى ظل وجود الغيلب الامنى واهلا بيك فى ام الدنيا AHLNWSHALN

رد: استفسار من مصري مغترب ناوي أنزل أجازة بعربيتي .. الوضع شكله ايه ؟

مبدأيا أنا من المحلة ومفيش عندنا هنا فلتان أمنى والحمد لله بس المشكلة فى الطريق اللى هتسافر عليه عموما صلى إستخاره وسيبها لله وأعتقد أنت لما تيجى هتبقى محتاج تخرج بالعربية برة المحلة فهتتخنق بالعربية بص أنا رأيى حضرتك تيجى المحلة وتأجر عربية طول مدة جلوسك فى مصر أرحملك وأحسنلك وأنا عمى بيعمل كده بس تكون مأجرها من عند واحد محترم وثقه

رد: استفسار من مصري مغترب ناوي أنزل أجازة بعربيتي .. الوضع شكله ايه ؟

انا اخوك تامر ومقيم فى الامارات وكنت ناوى انزل السنة دية يالعربية انا واتنين صحابنا كل واحد بعربيته كلنا كنسلناها السنه دية وحجزنا طيران وبعدين لا قدر الله لو ااتسبت بيها فى المحلة مش حيسبوهالك ولو حلفتلهم 100 يمين ان عليها اقساط اساسا اى عربيه مهما كان نوعها عليها لوحة جمركية بتكون مطمع وبلاش حتى تأجر عربية علشان ممكن اللى حيأجرلك العربية يسرقها منك تانى يوم بالمفتاح الاسبير ويشتكيك انك انت اللى سرقتها

رد: استفسار من مصري مغترب ناوي أنزل أجازة بعربيتي .. الوضع شكله ايه ؟

اقتباس:

المشاركة الأصلية كتبت بواسطة Tammer (المشاركة 390187)

مع إحترامى لحضرتك إحنا فى عز الثورة المحلة كان فيها دودج تشارجر وكانت فى أسوء حتت المحلة العباسى القديم وسوق اللبن غير كده عندنا فى المحلة ويا ريت المحلوية اللى هنا يأكدوا كلامى مفيش عربية ملاكى جرالها حاجة إلا بعض عربيات الظباط غير كده الحمد لله عدت على خير طب ما أنا بسهر كل يوم بالعربية مع صحابى حصل إية يعنى هما يدوبك شوية البلطجية اللى بيمسحوا العربيات زى مهما قبل الثورة زى بعدها حضرتك لو عايز تنصحة مينزلش يبقى مينزلش بالعربية عشان الطرق السريعة النظلمة ودى فعلا اللى مليانه بلاوى وده برضه من قبل الثورة غير كده نقطة الإيجار أنا واحد صاحبى كانت عربيته عامله حادثة وفى التوكيل أجر أول إمبارح عربية من واحد ثقة ومحترم الراجل خده ولف معاه حولين العربية ووراه كل خربوش فيها وسمعه صوت المكنة ومضى العقد فقط دون حد أقصى للكيلو مترات ولم يمض على أى وصولات أمانة وده أنا كنت محذرة من كده والراجل قالوا انت رايح فين قولنالوا إسكندرية قال طيب حط 30 ل40 لتر بنزين 90 وربنا يجبكم بالسلامة 444546 يعنى مش كل اللى بيأجروا حرميه والحرامى منهم معروف فى المحلة إنه حرامى

رد: استفسار من مصري مغترب ناوي أنزل أجازة بعربيتي .. الوضع شكله ايه ؟

اقتباس:

المشاركة الأصلية كتبت بواسطة xabi (المشاركة 389970)

اولا اهلا بيك فى وشرفت ونورت المنتدى

ثانيا:انت كلامك صح انزل اجازتك من غير عربيه احسن بدل ما تتخبط خبطه مالهاش اى لازمه وهيا واقفه وتدخللك فى مشاكل نت فى غنى عنها..وبعدين العربيه مش هتلاحق عليها بنزين وخصوصا مع ارتفاع اسعار البنزين هنا فى مصر.

ثالثا:انا اسمى محمود..ومن المنصوره..جيران يعنى..وحمدلله على السلامه مقدما وتنور مصر فى أى وقتGIFT4U

يا أهلا بيك أخى الكريم / محمود
وأنا يشرفني أني أتعرفت عليك
وأهل المنصورة أهل كرم وواجب
بيني وبينك أنا عندي جراش يعني مش هاركنها في الشارع
لكن بصراحة أنا هافكر في الموضوع ده كتير قوي
وخايف والله أنزل بيها خصوصا بعد ماسمعت قطاع طرق
والبلاوي دي
تحياتي لك أخى الفاضل

رد: استفسار من مصري مغترب ناوي أنزل أجازة بعربيتي .. الوضع شكله ايه ؟

اقتباس:

المشاركة الأصلية كتبت بواسطة جهاز العروسين (المشاركة 389975)

في قطر وعاوز تنزل مصر
دا انا لو منك منزلش مصر خالص، كل حاجة في مصر دلوقتي بقت زفت الطرق مكسرة و المحلات منهوبة
والشرطة مش موجودة و البلطجية في الشارع اغلبية
دة معظم اقاربي سياراتهم زجاجها اتكسر من حدف الطوب و الظلط مش عارف جابو منين كل الظلط والطوب دة كلة
يا اخي شوف اسعار السيارات في قطر وقارنها بمصر هتلاقي فرق بالعبيط يعني في مصر بتدفع 400%علي ثمن السيارة الاصلي جمارك و رسوم و ضرائب
يعني شوف انتا جبت الهامر بكام في قطر وشوف الهامر في مصر بكام
اذا كان انا جايب عربية سوزوكي ماروتي زيرو السنة الي فاتت ب38 الف جنية
شوف في قطر العربية دة اكيد هناك محدش بيجيبها وعملنها لعبة للاطفال هناك:crazyW14:

صحيح هو الهامر في قطر بكام علشان نبقي عرفين الاسعار في كل بلد عربي؟
بقولك صحيح انا خريج اعلام ومش لاقي شغل متشوفلي شغلة هناك ونبي:k_crying77[1]::w6w200504112220146b:070 104~242:

شوف ياغالي
كنت قبل ما أسافر كنت بلعن في مصر وبسب فيها وأشتمها
لكن والله صدقني مش هاتعرف قيمتها فعلا إلا لما تتغرب عنها
" ماشربتش من نيلها بقي - شيرين " هههههخخخخ

لكن والله العظيم بجد هاتحس فعلا أن ليك وطن ترجعله
ومطمن أن ليك أرض مستنياك ومسيرك هاترجع لبلدك
مهما طال بيك الزمن ، وماتطيقش حد يشتمها غيرك انت ههه

بخصوص سعر الهامرH3 فهو أرخص بكتيييييييير طبعا بالمقارنة بأسعار مصر اللي تجيب الجلطة وتودى المورستان
الهامر في قطر يمكن مايعديش ال 120 ألف ريال
يعني بحسبة بسيطة كده ممكن حوالي 180 ألف مصري
والمستعمل حوالي 70 ألف ريال يعني 100 ألف جنية مصري
في مصر طبعا ثمنها معدي المليون أو أكتر
لكن عاوز الحق هنا الهامر " مرطرط " وماحدش بيشترية ولابيجيبة لأنو أمريكي وشفاط بنزين
بالرغم من أن البنزين هنا 97 السوبر الممتاز الليتر ب 1 ريال واحد بس
شوف أكتر حاجة بيحبوها وبيتجننوا عليها " التويوتا اللاندركروزر " بيعشقوها جدا وبيتنفسوها بغباء
وممكن القطري يبيع بيته عشان يشتري العربية دي أو التويوتا بشكل عام خصوصا النوع VXR - v8

الدايو لانوس والسوزوكي " مستعمل " مثلاً موديل 2010 بيتباع بحوالي 15 ألف ريال يعني 20 - 23 ألف جنية وفيه موديلات بتتباع مستعملة
لاتتجاوز ال 5 ألالاف ريال يعني 8 ألالاف جنية مصري بس

بس اللي عاوز أقولهولك أن العربيات هنا أكتر حاجة بيركزوا عليها " ماشية كام " يعني قاطعه قد ايه مسافة ؟؟
وعلى أساسها بيتحدد السعر دا بالنسبة للمستعمل

" بخصوص الأرزاق مقسمها الخلاّق "
يعني والله رزقك هايجيلك ولعلمك الصبر جميل - الكلمة دي لو
تعرفها الناس بحق وتصدقها مشاكلها فعلا هاتتحل

بلاد الخليج عامة أصبحت بتوظف مواطنيها يعني
بقوا يحددوا نسب في كل مؤسسة وشركة ووزارة
تكون مخصصة فقط للقطرين وبعديها بيتخلصوا من المقيمين
خلال السنوات الجاية
وهما فعلا مخططين لدة
سيبها على ربك وربنا هو العاطي
خالص تحياتي واحترامي لك