رد: مروحة التكييف
 

طالما أنت فى الضمان

يبقى يفضل التوكيل

أعمل محاوله معاهم وأقنعهم بتواجد مشكله عندك فى المروحه

رد: مروحة التكييف
 

الحمد لله الصوت راح لوحده شكلها كده كان فيها تراب وخرج لوحده

رد: مروحة التكييف
 

انا معايا نفس العربيه LS بس موديل 2011 و ماشيه بقى 39 الف كيلوا و متستغربش من الرقم بس يا سيدى لو انت مش بتشغل التكييف كتير فتوقع انك يا باشا خليت السير نشف و اصبح تالف و لو انت بتشغله كتير بس بتغطى فتحات التكييف بمناديل ورق احيانا فده ممكن يكون السبب برضه و حاجه دخلت جواه و لو لا كده و لا كده يبقى انت بعد ما بتشغل التكييف و تتمزج منه لما بتطفيه بتطفيه كله و الصح انك لازم تطفيه لكن تسيب المروحه شغاله لحد ما تلاقى من الهويات بتاعه التكييف ميه خارجه منه ساعتها اطفى المروحه و ربنا يباركلك فى عربيتك اللهم امين :fun_36_1_39[1]:

رد: مروحة التكييف
 

بتحصل كتير ان فيه ورقه شجر بتدخل من التربيدو و من التربيدو الى المروحه الداخليه و تعمل صوت مع المروحه و مع الوقت الورقه دى بتتزنق فى ثلاجه التكييف و يروح الصوت حااول تقفل على طول البوابه البتجيب هواء من الخارخ لان للاسف العربيات اللانوس مافيهاش فلتر هواء تحت التربيدو مكانه موجود لكنه غير موجود و الحل الاخر انك تفك التربيدو و من تحته فى الجنب اليمين هاتلاقى فتحه دخول الهواء من الخارج سدها بسفنجه او قماشه خفيفه بس ثبتها كويس من فوق عشان ماتدخلش جوه فى المروحه و الافضل انك ماتستخدمش البوابه دى اساسا و حاول كل سنه مثلا فبل الصيف تروح لواحد بتعاع تكييف يفكلك المروحه و ينزل اى حاجه محشوره بالداخل و بنفخلك السربنتينه الداخليه بالهواء و على فكره الموضوع ده بياخد ربع ساعه و مروحه اللانوس بتتفك ب 3 مسامير تحت التابلوه من جوه يعنى الموضوع سهل و مبروك على العربيه الجديده يا فندم :).

رد: مروحة التكييف
 

ممكن اعرف يعنى اية توربيدو ومكانة بالظبط عشان اقفلة خالص وكمان عاوز اعرف فين المروحة التانية اللى جوة التابلوة من باب العلم بالشئ ولا الجهل به وشكرا

رد: مروحة التكييف
 

التربيدو دى القطعه البلاستيك الموجوده تحت تحت المساحات بين الزجاج الامامى و كبوت السياره هاتلاقيها بعرض العربيه كلها و فيها ريش تهويه كتيره كده و لما تفكها هاتلاقى تحتها فى حته مزنوقه كده فتحه مفتوحه مباشره على مروحه التكييف الداخليه الموجوده داخل التابلوه و المفروض دى بيقفلها بوابه انت بتتحكم بزرار من داخل السياره لما تفتحها تدخلك هواء من الخارج عشان تجدد الهواء داخل الصالون ااثناء تشغيل التكييف و طبعا هنا فى مصر فى الطرق المزدحمه لو فتحتها هاادخلك تراب و هوادم سيارات من الخارج دى بتستخدم فى الطرق السريعه فقط و فى معظم السيارات الفتحه دى بيكون فيها فلتر زى فلتر الهواء كده لعدم دخول الاتربه داخل التكييف لكن للاسف مش موجوده فى اللانوس هاتلاقيها فى النوبيرا.

بالنسبه للمروحه التانيه الموجوده فى التابلوه انت لو نظرت على التابلوه من الاسفل تحت درج التابلوه كده هاتلاقى حاجه مدوره راكبه ب 3 مسامير و راكب فيها فيشه بسلكين فك المساامير و الفيشه و شد الداايره دى لتحت هاتلاقى دى مروحه .

رد: مروحة التكييف
 

شكرا ليكو جدا