رد: غيرت جوان وش السلندر وقلقان
 

هو انا لاحظت ان الميه منسوبها بييجى لحد معين ومش بينقص بعدها
وبالنسبه للقربه لحظة التدوير لو سليمه ايه اللى هيحصل ولو مش تمام ايه اللى هيحصل واعرف درجة الخطورة ازاى
وبالنسبه لنشع الزيت ده محتاج مشوار ولا عادى بيبان من غير مشى لان انا يادوب مشيت حوالى 10 كيلو تقريبا بعد تغيير الجوان
وبالنسبه لظبط التاكيهات لو تقدر تفيدنى المفروض انه يظبطها على مقاس كام فى الفلر علشان ما تكونش محملة
وحاجه تانيه لاحظتها وهى انى لما بدوس فرامل العربيه صوتها بيوطى وساعات بتبطل مش عارف ليه ودى حاجه جديده مع العلم ان الفرامل سيرفو
واخيرا متشكر جدا على اهتمامك ويا رب ما اردهالك فى اى عطل واردهالك فى الفرح ان شاء الله

رد: غيرت جوان وش السلندر وقلقان
 

انا اسف علي التأخير
كويس ان المية مبتنقصش
و لحظة التدوير لو المية نفخت يبقي معناها ان في تهريب من كبس السيلندر الي شميز الميه و ده بسبب تلف الجوان او عيب في الوش او غلط في رباط الوش او تلف بوش البلوك

اما نشع الزيت ف 10 كم قليلة و الموضوع نسبي
و الفرامل محتاج يظبط كاربيراتير سلانسيه و هواء
و التاكيهات مش عارف

رد: غيرت جوان وش السلندر وقلقان
 

الميه رجعت تنقص تانى والزيت عمل طحينه تانى يا ترى كده يبقى الجوان ضرب تانى ولا اتركب غلط ولا المسامير عاوزه ربط ولا اييييييييييييييه مع العلم انى مشيت عليها حوالى 300 كيلو بعد تغيير الجوان وكتركب جوانين مش واحد

رد: غيرت جوان وش السلندر وقلقان
 

و راقب حوالين الجوان من بره لو فى اثار نشع زيت
و لازم يظبط تاكيهات تانى فعلا احتمال تكون سبب السخونية و قلة السحب


هو علشان يكون موضوع النشع خطر يبقي ايه؟؟؟؟ اصل انا عندي النشع دا ولما سالت الميكانيكي قالي انه تعريق وميخوفش وبشوف دايما المقياس بتاع الزيت بلاقيه سليم والزيت علي الMAX
تظبيط التاكيها بيقعد يلعب ويقولي تمام وانا مش فاهم حاجه اعرف ازاي انه صح

رد: غيرت جوان وش السلندر وقلقان
 

السلام عليكم
الاخ الفاضل صاحب الموضوع والاخوة الافاضل المشاركين
انا عارف ان الموضوع بقالة فترة طويلة
لكن انا عندى نفس المشكلة بنفس التفاصيل
عربيتى نيسان 83 وبعد كل اللى حصل الميكانيكى بيقوللى يمكن البلوك يكون فية شرخ وهو اللى موصل المية للزيت لان مافيش اى علامة على تلف الجوانين اللى ركبهم ولا علامة تلف وش السلندر نفسة
غير المية اللى بتنقص والزيت المطحن ومافيش نفخ فى الرادياتير ولا طحينة فى المية ولا حرارة بتزيد والسحب ممتاز
كنت عايز اعرف من الاخ صاحب الموضوع لو لسة متابع حصل معاة اية بعد كدة
او راي الاخوة المجربين وياريت ماتسيبونيش حيران لان الموضوع معكنن عليا وعلى شغلى وعلى البيت ويمكن على كوكب الارض هههههههههههه (احتمال يكون السبب فى حروب ومجاعات وعواصف وزلازل وربنا يستر )وكل عام وانتم بخير بمناسبة عيد الاضحى اعادة الله عليكم باليمن والخير والبركات