مصر موتورز مجتمع السيارات - عايز اعرف ايه رايكم من التقسيط من عبد اللطيف جميل

مصر موتورز مجتمع السيارات (https://www.masrmotors.com/vb/index.php)

- تقسيط السيارات (https://www.masrmotors.com/vb/forumdisplay.php?f=62)

رد: عايز اعرف ايه رايكم من التقسيط من عبد اللطيف جميل

اقتباس:

المشاركة الأصلية كتبت بواسطة ahmed1981 (المشاركة 386466)

عبد اللطيف جميل هنا في مصر
فتح شركة إسمها العالمية
هذه الشركة تبيع سيارات بالقسط
وجميع تلك السيارات مملوكة له بالكامل

من فين معلومات حضرتك إنه لم يمتلكها

هي العربيه مش موجوده عنده في المعرض وهيشتريها من الشركه بس قبل ما هيشتريها عايزني اوقع علي العقد والشيكات يبقي انا كده اشتريت العربيه قبل ما تيجي عنده وقبل ما يمتلكها هو ده اللي مخليني قلقان وانا هدفع 50% وعلشان كده مفيش تامين

رد: عايز اعرف ايه رايكم من التقسيط من عبد اللطيف جميل

ممكن موقع العالميه ..... عشان نشوف .... أنواع الاقساط .... والفوائد

رد: عايز اعرف ايه رايكم من التقسيط من عبد اللطيف جميل

اقتباس:

المشاركة الأصلية كتبت بواسطة ahmed1981 (المشاركة 386470)

أنا رحت لشركة العالمية بتاعت عبداللطيف جميل لتقسيط السيارات

وكنت برضه رايح أشوف نظام النيسان صني الأوتو سعرها 90 ألف تقريباً

الخلاصة إنك بتمضي على شيكات وكمبيالات بتمن العربية مرتين
والضامن اللي بتجيبه بيمضي شيكات وكمبيالات بتمن العربية مرتين

يعني عبداللطيف بيه بيخليك تمضي على تمن العربية أربع مرات بأربع أضعاف تمنها عشان يامن نفسه

والتأمين إجباري لو دفعت مقدم أقل من 50%

المهم لو عايز تفاصيل أكثر بتروحلهم

لكن أنا شخصياً بعد ما قعدت مع الراجل هناك
قاعد يقوللي إسلامي

إسلامي إيه اللي أوقع فيه على أربع أضعاف تمن الحاجة ؟؟؟؟؟؟؟؟؟ !!!!!!!!!
هو كل واحد بيتاجر بالإسلام على مزاجه ؟

الحقيقة قلت لنفسي ومالها العربية المستعملة
تغور الديون مع العربية الجديدة

اللي انا فهمته من كلامهم لاني رحتيلهم مرتين اني بمضي علي شيكات لكل شهر وكل 6 شهور كمبياله والضامن بيمضي علي نفس الشيكات والكمبيالات مش غيرهم يعني كده هو بيمضي علي تمن العربيه مرتين بس الشيكات والكمبيالات ......... بما ان حضرتك كنت هتجيب نفس العربيه فا ايه رايك فيها من مجال خبرتك وهي ولا النيو اكسنت وشكرآ جزيلا لردك

رد: عايز اعرف ايه رايكم من التقسيط من عبد اللطيف جميل

اقتباس:

المشاركة الأصلية كتبت بواسطة خالداعزالناس (المشاركة 386682)

ممكن موقع العالميه ..... عشان نشوف .... أنواع الاقساط .... والفوائد

الشركه العالميه المتحده لتجارة السيارات
165 ش السودان المهندسين...(احدى شركات عبد اللطيف جميل)

فرع المعادى : 25200008

فرع اسكندرية فى سموحة تليفونه 4250334/4250338

وارقام تليفوناتهم :
37498316
33379321
37602723

رد: عايز اعرف ايه رايكم من التقسيط من عبد اللطيف جميل

اقتباس:

المشاركة الأصلية كتبت بواسطة eyooo (المشاركة 386286)

شكرآ جدآ لحضرتك علي الرد
بس انا ليا استفسار هل يعتبر العقد بيني وبين المعرض قبل شراء السياره
هو وعد بالشراء وما هي الفايده الاسلاميه ؟

استاذي الفاضل حضرتك لازم تقرا العقد ومنه هتقدر تحدد ان كان عقد بيع
او وعد بالشراء ومن ناحيته الشرعيه انه لا يجوز بيع ما لا يملك بناءا علي
كلام حضرتك ان السيارة مش عندو اصلا ___ لانه لو عقد بيع يبقي انت اشتريت
حاجه من واحد هو ما يملكهاش وهذا منهي عنه شرعا ....
لكن وعد الشراء هو بيضمن انك هتشتري السيارة بس في حاله بعد ما يتملكها
هو لكن لو السيارة ما تملكهاش تبقي ما عليك انت اي شئ .

رد: عايز اعرف ايه رايكم من التقسيط من عبد اللطيف جميل

اقتباس:

المشاركة الأصلية كتبت بواسطة eyooo (المشاركة 386675)

كده بيغير كلامه عن الكلام الذي سمعته منه منذ حوالي ستة أشهر

لو العربية مش عنده ومش ملكه يبقى متشتريش منه
لأنها هتبقى سكة مش مظبوطة شرعاً

أتذكر إني وقتها لما راجعت نظامهم إتخذت قرار بالإبتعاد عنهم

رد: عايز اعرف ايه رايكم من التقسيط من عبد اللطيف جميل

اقتباس:

المشاركة الأصلية كتبت بواسطة eyooo (المشاركة 386687)

اللي انا فهمته من كلامهم لاني رحتيلهم مرتين اني بمضي علي شيكات لكل شهر وكل 6 شهور كمبياله والضامن بيمضي علي نفس الشيكات والكمبيالات مش غيرهم

لأ غيرهم
وأنا تأكدت من هذه النقطة منهم
لكن أنا كنت ناوي أدفع أقل من 50 % من الثمن

يمكن هذا هو السبب ؟؟

اقتباس:

المشاركة الأصلية كتبت بواسطة eyooo (المشاركة 386687)

بما ان حضرتك كنت هتجيب نفس العربيه فا ايه رايك فيها من مجال خبرتك وهي ولا النيو اكسنت وشكرآ جزيلا لردك

الحقيقة أنا كنت بفكر فيها لأنها أرخص سيارة ذات أصل ياباني في هذه الفئة الأوتوماتيك

لكن واضح إنك عايزها فتيس عادي

عموماً أنا حالياً رأيي إختلف شوية
لأني سمعت إن بها مشاكل متكررة في نقطة إستهلاك البنزين

ويمكن تستغرب
لكن أنا شايف إن البريليانس FSV الصيني أفضل من الصني وأرخص كمان
وأرشحها لك تروح تتفرج عليها يمكن تعجبك

النيو أكسنت عيبها الوكيل بتاعها غبور
والحقيقة المثل بيقول:
تغور من وش غبور