مصر موتورز مجتمع السيارات - هل يمكن الاستغناء عن الادا؟

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - هل يمكن الاستغناء عن الادا؟ (https://www.masrmotors.com/vb/showthread.php?t=50759)

رد: هل يمكن الاستغناء عن الادا؟

لانسر عيون & سكودا فيليشيا & فيات تمبرا
بس دول حياخدوا العيله على مرتين لو مصر على نقل ال 8 مع بعض هات ميكروباص هههههه

رد: هل يمكن الاستغناء عن الادا؟

طالما مطبات والاسره كتير خليك فى اللادا بدل ماتتعب مع العربيات الحديثه واطيه على الارض وحتتعبك فى المطبات على اعتبار العربيات دى معموله لناس الشوارع عندهم ناعمه....وبعدين ياراجل حد يسيب اللادا ويبص لغيرها برده؟؟؟؟!!!!

رد: هل يمكن الاستغناء عن الادا؟

طيب ايه مشكلتك مع اللادا يا استاذ ايمن
اللي فهمته من كلام حضرتك انك مرتاح معاها
يبقى تغير ليه
واللي هيجي مستعمل اكيد فيه مشاكله ولسه هتتعود عليه

ولو على نعومة العربية
فممكن حضرتك تراجع الموضوع ده وتشوف رأيك فيه ايه
http://www.masrmotors.com/vb/showthread.php?t=49787

اقتباس:

المشاركة الأصلية كتبت بواسطة didos (المشاركة 375733)

السلام عليكم
من ساعة ما بعت عربيتى وانا بفكر فى كام اختيار ومنهم اللادا ولكونى من اسكندرية حيث التاكسى = لاد فانا بحب ادردش مع سواقين التاكسى دايما عن الصيانة والصنايعية والافتكاسات ولفت نظرى شوية حاجات ممكن تفيد حد هنا
كنت راكب احد التاكسيات ولقيت عفشته خيالية ولا كاننا ماشيين على مطبات ولا حاسس بالطريق بصورة غير عادية فسالته حضرتك مركب عفشة ايه قاللى دول مساعدين ورا وقدام برازيلى - طبعا نطت فى دماغى البرازيلى دى وافتكرت واحد صاحبى معاه تاكسى ايام ال 125 قاللى احسن عفشة للعربيات القديمة هى البرازيلى - طيب بكام دول يا حاج قاللى جوز المساعدين ب 180ج واليايات ب 35 ومريحين العربية قوى
واحد تانى راكب معاه وكان بيجرى جرى عبيط فى شارع زى الزفت والعربية ماشية دكر بثبات مالهوش حل فكالعادة قعدت الوك معاه توتوتوتو لحد ما وصلنا للعفشة قلتله بصراحة اللادا عربية ناشفة قوى قاللى طيب ايه رايك فى اللى معايا قلتله ما شاء الله قاللى انا مركب مساعدين ورا 132 وقدام عفشة يابانى تقريبا بتاع تويوتا او دبابة قلتله بس مشكلتها برضه انها طارة ناشفة قوى قاللى لا بيركبلها علبة دركسيون بتاعة ميكروباص مازدا بتكون نفس المقاس بالظبط وتخليها حرير قلتله يا عم ما التعديلات دى كلها غلط قاللى شغالة معايا زى الفل بقالها كتير وبتركب مكان الاصلى من غير خرط ولا قص
واحد تانى عجبنى قوى شكل التابلوه 2107 منور ابيض زاهى والمؤشر تحس كانه منور بشكل جميل غير الشكل بتاع شرايط النور الغبية لما دايما تلاقى التاكسيات بتركب شريط نور بالعرض فوق العدادات وطبعا لوك لوك لوك قاللى ان دى شرايط نور برضه بس الصنايعى فك التابلوه ومشى بالشريط على الدورانات بتاعت كل دايرة من الداخل سرعة وار بى ام وزيت والخ فطبعا النور متوزع صح واللمبات مش ظاهرة

حاجات تانية متنوعة خلاصة مناقشات ولك لك
الفتيس ال 4 غيار يفضل تغييره ب 400ج احسن كتير من تصليحه
بخصوص السمكرة والدوكو والعفشة اجمع كل الناس ان صنايعية الارياف زى دمنهور وكفر الدوار وفوه بالذات اسعارهم حنينة وشغلهم نضيف احسن ميت مرة من اسكندرية والقاهرة
عداد الاربى ام ابو 100 و 150 ج زبالة زبالة زبالة
المروحة تا4 ريشة لما بتغير ب 6 او 8 ريشة بتخلى الصوت بتاع الموتور اهدى

ارجو ان اكون قد افدتكم باى حاجة من ال لوك لوك ده كله

رد: هل يمكن الاستغناء عن الادا؟

اقتباس:

المشاركة الأصلية كتبت بواسطة ايمن عبدالحميد (المشاركة 384558)

ايوة بجد والله انا باخد رأيكم؟ وكمان بالنسبة للشاهين عربية مصنعها اتقفل وكرونتها بتون والدفرانس بتاعها ب 7000ج جديد مفيش استعمال ، والانوس مفيش حاجة كويسة اقل من 40000ج ومتشكر جدا لإهتمامكم ومتابع معاكم لغاية ما نوصل لحل

كرونة مين دى اللى ب7000 حضرتك بتهزر دى كرونة المرسيدس العيون ب 2000ج وبعدين تغيير ترسين كرونة الشاهين بحوالى 850 او دفرانس كامل جديد واستيراد بيلعب من 1500 لحد 2200 ولو الموضوع مقرف قوى ممكن كرونة البولونيز تركب ب 500ج او 700ج حسب الظروف ومعاك فى موضوع الكرونة بس مش زبالة للدرجة دى كل عربية وفيها عيوب واللانوس ممكن تجيب حاجة كويسة ب 30 بس تشوف موديل قديم شوية يكون تسعينات وحالته كويسة لان السعر ده يجيب موديل عالى وحالة وحشة و برضه زى ما الاخوة قاللو لو اللادا مريحاك وفاهمها كويس خليها معاك وظبطها انما لو حابب تغير شوف حاجة تانية مناسبة
وعلى فكرة اقتراح تانى لو العيلة 8 افراد هيحل كل المشاكل اشترى ميكروباص تمناية سوزوكى 7 راكب لو نضيف هايكون فى اوائل العشرينات و معاك مبلغ زيادة تظبط لو محتاج حاجة وكده ضربت شجرة عصافير بحجر
واسع 7 راكب
استهلاك بنزين كلام فارغ
قطع غيار مرمية
عفشة متينة

رد: هل يمكن الاستغناء عن الادا؟

تصدق يا استاذ ايمن عبد الحميد انا هازعل منك

رد: هل يمكن الاستغناء عن الادا؟

اقتباس:

المشاركة الأصلية كتبت بواسطة mrastra (المشاركة 384972)

تصدق يا استاذ ايمن عبد الحميد انا هازعل منك

يا احبائى : حقكم علية والله هى فكرة راودتنى بقوة ، ولكن فعلا ان اللى مربى قرد عارف خلتة ، دا انا عندى كل قطع غيارها والله فى البيت ، عموماً تبت وانبت واللى يفوتة الادا يفوتة النفع وشكراً لكل المشاركينGIFT4U

رد: هل يمكن الاستغناء عن الادا؟

كويس لحقت نفسك .....كنا هانهدر دمك