رد: عربيتى اتسرقت
 

لا حول ولا قوة الا بالله..

حسبنا الله ونعم الوكيل في السارق و اللي بيشتري منه و اللي بيشتري قطعة شاكك انها مسروقة...

مش عاوز أزود همك... بس بصراحة انت غلطان برضه.. ده انا اعرف واحد عربيته اتسرقت بنفس الطريقة مع فارق بسيييط: كانت المدام وابنه في الكنبة اللي ورا!!!!!!!
طبعاً فييين على ما استوعبت الموضوع و بدأت تصوت وتضرب في الحرامي اللي الظاهر مكانش واخد باله منها.. طبعاً ساب العربية وجري...
انا فاهم طبعاً الانسان ما بيتوقعش الشر والبجاحة دي لكن احنا في زمن ربنا يلطف بينا فيه!!

رد: عربيتى اتسرقت
 

عموماً أنا طبيعي بركز مع أي جين2 بشوفها و أكيد ححط موضوعك في دماغي..
ربنا يردها عليك ويستر على الجميع...

رد: عربيتى اتسرقت
 

اعمل اعلان في نفس المنطقة بمكافئة كبيرة جداً... و أهو تقرب الخسارة شوية حتى ولو حتدفع للكلب اللي أخدها....
بس ياريت بسررررعة قبل ما يتصرفوا فيها..

عربيتى اتسرقت
 

ماركة :- بروتون جين 2 – اتوماتيك – موديل 2009



يوجد على الكابوت الأمامى أثار معجون دوكو أبيض كما يوجد على الشنطة الخلفية استيكر أبيض مكتوب عليه (al tarek)
من يجد السيارة أو يتوصل اليها يرجى الإتصال ب : 0196527722 /0165517598

بسم الله الرحمن الرحيم
يا جماعه انا هاحكيلكوا اتسرقت ازاى:
انا ركنت عربيتى جنب كشك على رصيف بشارع فيصل الرئيسى ونزلت من العربيه علشان اشترى حاجه وكنت سايب المفتاح لأنى كنت جنب الكشك بالضبط والموضوع هياخد اقل من دقيقه وفجأه جيت ارجع للعربيه مالقتهاش بصيت على الطريق لقيتها بتجرى من بعيد. حد يقدر يتخيل المنظر.أنا فضلت واقف مش مصدق. هوا احنا عايشين فين
الغريب ان الموضوع ده اتكرر اكتر من مره بنفس الطريقه حول نفس المكان تقريبا وده اللى انا عرفته من الناس اصحاب المحلات. الأغرب ان مباحث قسم الهرم ومباحث مكافحة سرقة السيارات فى المديريه عارفين الكلام ده كله لكن محدش بيعمل اى حاجه.
ياريت تساعدونى وتخلى بالكم من مواصفات العربيه
العربيه لسه عليها سنتين اقساط والتأمين رفض التعويض علشان المحضر مكتوب فيه ان المفتاح كان فى العربيه لما اتسرقت


انا رحت اماكن ما انزل الله بها من سلطان
أماكن بيبدلوا فيها العربيات بالمخدرات. أماكن بيبعوا فيها العربيات المسروقه. اماكن لبيع القطع اللى مالهاش ورق
الأماكن ديه كلها الحكومه عارفها

اديت فلوس لضباط وامناء وحراميه

عمار يا مصر

رد: عربيتى اتسرقت
 

ربنا معاك وباذن الله ترجع لك

رد: عربيتى اتسرقت
 

لاحول ولا قوة إلا بالله

وبغض النظر عن كونك مكنتش حريص

وأنت سايب العربيه دايره جنب الكشك

وعينك مش عليها كمان

( لأن إللى حصل حصل للأسف )

مقدرش أأقولك

غير ربنا يعوض عليك

منظر صعب الصراحه

رد: عربيتى اتسرقت
 

منظر صعب بصراحة
الله يكون في عونك
ياجماعه أرجو من كل واحد
أنو لو نزل من عربيتة عشان يشتري أو يجيب حاجة من بيته أو يشوف حتى شنطة عربيتة
مايسيبش المفتاح جواها أبدا

ربنا يعوض عليك
اللي مجنيني ازاي شركة التأمين
ماترضاش تديك التعويض
عشان المفتاح جوه العربية ؟ !!!!
فعلا حاجه تحيّر