رد: مواصلات حلوان عبود وموقف العاشر ...ارجو المساعدة
 

انا عايز اروح الزقازيق ومحتار بين اى طريق منهم اسرع بالمواصلات العاشر ولا عبود لانى اخر مرة ركبت من حلون لعبود قعدت ساعة وربع ياترى انهى واحد اسرع ؟؟؟


معلش تاعبكوا

رد: مواصلات حلوان عبود وموقف العاشر ...ارجو المساعدة
 

موضوع وقت الوصول مرتبط بالوقت الي هتتتحرك فيه
لو الطريق فاضي الوقت من حلوان لعبود يفرق من حلون لموقف العاشر حوالي 10 دقائق بس


من حلوان لموقف العاشر 30 -45 دقيقة
من موقف العاشر للزقازيق ساعه
يبقى الوقت كله ساعة ونص او ساعتين الا ربع

من حلوان لعبود حوالي 45 -60 دقيقة
من عبود للزقازيق ساعه وربع
يبقى الوقت كله تقريبا ساعتين - ساعتين وربع


الكلام ده لو الطريق رايق

لو ركبت من موقف العاشر الزقازيق 3 او 3 ونص لانك هتوصل مفارق بلبيس الساعه 4 تقريبا وده توقيت عودة الاتوبيسات من مصانع العاشر والمسافة دي من عند ميدان الطيارة لغايه الزقازيق 32 كيلو تقريبا بتاخدها في التوقيت ده في حوالي ساعه لوحدها تضيفها على الوقت المتوقع

لو ركبت من عبود الزقازيق الطريق لو رايق بتاخد ساعه وربع الا لو خرجت من عبود الساعه 4- 5 هتاخد حوالي ساعتين ونص طبعا لو الطريق وقف في الكورنيش ضيف الزمن ده فوق الوقت كمان

الزقازيق نفسها يفضل انك تنزل في الاول عند مفارق المرور وتاخد من هناك مواصلات مكان ما تحب لان الدنيا في الزقازيق بقت زحمة جدا اكتر من القاهرة
الا طبعا لو رايح المحطة او ناحية الجامعة خليك وتكمل مع العربية للأخر


لا ينصح بالسفر يومي الاربعاء والخميس بعد الاسعه 2 على الاطلاااااااااااااااااااق هتوصل في 7 ساعات الا بقى لو روحت محطة القطار والتزمت بالمواعيد

وعلى ما اذكر فيه ميكروباصات بتطلع من حلوان الزقازيق على طول يوم الخميس بس
بس مش عارف لسه بتتعمل والا لأ


توصل بالسلامة

رد: مواصلات حلوان عبود وموقف العاشر ...ارجو المساعدة
 

الف شكر ليك بجد ربنا يكرمك

بس لو سمحت انا اسف والله والله اخر سؤال

انا معاد تحركى من حلون هيكون الساعة مثلا 7الصبح وخروجى من الزقازيق للعودة هيكون 3 او 4 يبقى احسن طريق ايه ى الاوقات دى ايه ؟؟

رد: مواصلات حلوان عبود وموقف العاشر ...ارجو المساعدة
 

مفيش ما يدعو للأسف احنا هنا كلنا اخوات وبنساعد بعض بقدر علم كل واحد

ان شاء الله طريق موقف العاشر يكون افضل
7 الصبح مش هتواجه اي زحام في الطريق من حلوان لموقف العاشر غير في الوصلة اللي قدام جامعة حلوان وطبعا الزحام في طريق بلبيس بيكون في الاتجاه العكسي يعني مش هيأثر عليك
يعني ممكن الطريق ياخد نص ساعه ومن موقف العاشر للزقازيق ساعة يبقى كله على بعضه ساعة ونص او ساعتين الا ربع تقريبا
العودة من الزقازيق الساعه 3 او 4 مشكلتها في الجزء اللي على طريق مصر اسماعيلية اول لما تخرج من طريق بلبيس لان الجزء ده بيكون واقف لغااااية العبور فلو لقيتها واقفة ممكن تنزل تتمشاها هيا كلها على بعض 500 متر او اكتر شوية
ومن موقف العاشر تاخد حلوان برضة هتبقى واقفة شوية عند كوبري الحرفيين لكن هتمشي على طول ان شاء الله

ممكن في العودة تركب عبود وتنزل كلية الزراعة وتاخد المترو
او تأخر ميعاد العودة شوية للساعه 5 مثلا من الزقازيق توصل 6 السلام هيكون الزحام خف كتير

توصل بالسلامة

رد: مواصلات حلوان عبود وموقف العاشر ...ارجو المساعدة
 

بجد الف الف شكر ليك انا فعلا هعمل بكلامك وانا رايح الصبح هروح عن طريق موقف العاشر وانا راجع هركب عبود وشكرا ليك اوى