|
رد: أسس القيادة الرياضية - الجزء الثانى : السيطرة على السيارة فى المنحنيات (منقول بتصرف)
ptmnlo123per171موضوع جامد وتعليقات لذيذه
شكرا للمنتدى واعضاؤه اللي دمهم زي العسل بس انا عايز جزء تالت يكون فيه الدريفتينج بالدفع الخلفي ومحاكاته لحد ما بالامامي وشكرا يا فادي وماتخفش من الغرامات اعمل بس الجزء التالت |
رد: أسس القيادة الرياضية - الجزء الثانى : السيطرة على السيارة فى المنحنيات (منقول بتصرف)
اقتباس:
و ده غير القيادة الرياضية, و هحاول ان شاء الله أجمع مصادر حول القيادة الاستعراضية و أنظمها فى مقالة. |
رد: أسس القيادة الرياضية - الجزء الثانى : السيطرة على السيارة فى المنحنيات (منقول بتصرف)
اقتباس:
هو مفيش لخبطه و لا حاجه ... مهندس فادي بيتكلم عن الاندر ستيرنج اللي بيحصل نتيجه الضغط القوي على دواسه البنزين مع الملف ... وده معناه ان العربيه داخله الملف تحت تحكم السائق و تقبل زياده السرعه وبالتالي بيتم زياده البنزين لحد الاندر ستيرنج ... فيحصل انزلاق امامي وممكن ساعتها تفرمل بسيط او تشيل رجلك من على البنزين لكن اللي كنت بحاول اقوله في حاله دخول الملف بسرعه كبيره عن السرعه المفروضه و الكسر المفاجئ للدريكسيون.... بيحصل انزلاق خلفي خصوصا مع الفرامل وكل ما قوه الفرامل زادت كل ما زادت درجه الانزلاق علشان بس الشباب ميتحمسش اوي و يدخل الملفات على السريع و يلاقي ما لا يحمد عقباه او يعمل زي استاذ حازم و مهندس فادي ... القصد ايه سرعه دخول الملف معادله ... لو داخل بطيئ نسبيا تقدر تزود السرعه لحد الاندر ستير وبلاش تدخل سريع .... بلاش و طالما طريق جديد يبقى الواحد ميجريش فيه لحد ما يحفظه ويعرف ايه السرعه المناسبه لدخول المنعطف ولو حصل لا قدر الله يبقى زي ما مهندس فادي قال .. وامشي عدل يحتار ملفك فيك |
رد: أسس القيادة الرياضية - الجزء الثانى : السيطرة على السيارة فى المنحنيات (منقول بتصرف)
موضوع هايل والله وجزاك الله خيراااا
|
رد: أسس القيادة الرياضية - الجزء الثانى : السيطرة على السيارة فى المنحنيات (منقول بتصرف)
el mawdo3 gaamed gedan we shokran el maghodak el 3azem ya fady
|
رد: أسس القيادة الرياضية - الجزء الثانى : السيطرة على السيارة فى المنحنيات (منقول بتصرف)
تسلم ايدك يا فادى لسه واخد بالى ان ده الجزء التانى ptmnlo123per1127
بصراحة تكنيك الفرامل بالشمال ده عايز واحد اشول غير كده مينفعش بجد لان الرجل الشمال عمرها ما هتبقى بدقة الرجل اليمين فى المقابل انا بستخدم كتير كعب رجلى اليمين عل الفرامل وطرفها على البنزين بس برضو ده تكنيك خطر |
رد: أسس القيادة الرياضية - الجزء الثانى : السيطرة على السيارة فى المنحنيات (منقول بتصرف)
موضوع شيق جدا ومفيد فعلا ويحتاج قراءة بتأني لاستيعاب الأمور الفنيه المقترحه
أما بالنسبة لتجربة "حازم خضر" الكوميديه فكرتني باحد التجارب التي حدثت لي ولكنها كانت تراجيديه للأسف من حوالي 9 سنين كنت في طريق الأوتوستراد في الاتجاه إلى مساكن شيراتون متجها من عباس العقاد وبالتحديد من بنزينة مصر إللي في أوله وكان معايا والدي وكنت أنا إللي سايق عربيه بيجو 305 موديل 81 على ما اتذكر وبما أن والدي معايا وانا دخلت البنزينه فطبعا هافول العربيه على آااااااااخر الأخر عشان هوه إللي هايدفع طبعا مايصحش أني ادفع وأبويا معايا دا حتى يبقى عيب في حقه المهم فولت العربيه تقريبا كده أخدت 40 لتر غير إللي كان فيها وأتكلت على الله واتجهت إلى مساكن شيراتون وبعد ما عديت النادي الاهلي لقيت 2 بيشدوا مع بعض بعربيات مش فاكر ماركاتهم دلوقتي المهم هما عدوا من جنبي و كأنهم قالولي تعلى ورانا وأنا مامكدبتش خبر قومت شادد أنا كمان وراهم يداوب على ما والدي حس أني بدأت أشد وقبل ما ينبهني او حتى يديني بالبونيه عشان أهدى شويه لقيت الملف إللي اتعمل عنده كوبير دلوقتي (ماكنش فيه كوبري ساعتها) قبل بنزينه "كالتكس" والملف ده بقى بعيد عنكم لحد دلوقتي العربيات بتتكسر فيه بسبب سرعتهم العاليه وبسبب الانحراف الشديد للملف المهم أول ما دخلت الملف وتقربا كده كانت السرعة 130 أو 140 مش فاكر بالظبط حاولت أهدي وانا في الملف لقيت العربيه بتتطوح ناحية الرصيف اليمين (على فكره الملف شمال وللأسف كنت واخده على واسع)) وهاتطلع عليه قمت لامم الدريكسيون أكثر ناحية الشمال بعنف ودي كانت الغلطه الكبيره لان العربيه فقدت أتزانهعا اكثر وأكثر وأنا فقدت اعصابي أكثر وأكثر أنحراف العربيه ناحية الشمال قوي خلى العربيه تعرض وكانت هاتتقلب قمت لامم تاني ناحية اليمين لكن كنت خلاص طلعت فوق الرصيف (الجزيرة إللي في النص) وبعد محاولات مستميته للسيطره على العربيه لم أتمكن من عمل اي شيء سوى الانحراف مرة أخرى ناحية اليمين وأنا فوق الرصيف !!!!!!!! يعني نزلت من على الرصيف وبالسرعه العاليه إللي ماعرفتش أهديها نهائيا وهوب طاخ دب بووووم لقيت العربيه أتقلبت وأستقرت على ظهرها و زحفت شوية لحد ما وقفت خالص بعد لحظات بسيطه من الدوخة والصدمة إللي حصلتلي حاولت أخرج بسرعه من الزجاج الامامي إللي خلاص مابقاش له وجود لكن مانفعش لأن الفتحة كانت خلاص بقت أضيق من أنها تعديني حاولت أخرج من الباب إللي جانبي لقيته معجون مش هايفتح حاولت أخرج من الزجاج إللي جانبي لقيت الفتحة صغرت برضه المهم لقيت إللي بيديني أيده من الشباك الخلفي الشمال قمت ماسك ايده ورجعت لورا لقيت فتحة الزجاج تعديني لانها كانت ماتطبقتش الهم خرجت بسرعه وانا كل همي أخرج والدي من العربيه لانه اتأثر كتير بالصدمه وتقريبا كان شبه فاقد الوعي وإللي جنني أني لقيت البنزبن بيخر من الفتحة التنك ونازل سايل على الأرض ورايح ناحية مقدمة العربيه(فاكرين موضوع البنزينه والتفويل ؟) ولقيت شبه لهب طالع من العربيه من قدام ناحية الموتور وتقريبا كده الكاربراتير أو حاجه زي كده ولقيت ناس بتصرخ وتقول العربيه هاتولع العربيه هاتولع بسرعه بسرعه ومن رحممة ربنا بينا إن ولدي خرج على أخر لحظه لأن بعد ما الناس خرجوه بثواني بسيطه جدا مشي فيهم كام خطوه العربيه أنفجرت أنفجار ما شوفتوش في حياتي إلا في الأفلام الأكشن بس والقصة دي كلها كانت بسبب ملف أدخلته بسرعه عاليه وحاولت أدوس فرامل بعنف |
| الساعة الآن 10:49 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017