|
رد: الله عليكم يا مصريين حاجة تفرح
[quote name='Ahmed Anwer' timestamp='1300566130' post='714271']
رجعت تاني علي الساعة خمسة و نصف ،، نفس اللجنة و الطابور قل حاجة بسيطة ،، قلت اشطه و أديي صور الطابور الساعة خمسة و نصف http://sub5.rofof.com/img3/03deuva19.jpg http://sub5.rofof.com/img3/03flqyc19.jpg http://sub5.rofof.com/img3/03igscv19.jpg http://sub5.rofof.com/img3/03lgyum19.jpg قلت ما بدهاش بقه ،، اضطريت اقف ،، و تأكدت من كلام الناس إن كل اللجان بنفس الوضع و المدام وقفت في طابور النساء ،، المدام مفيش نص ساعة و لقيتها خلصت العبد لله الحمد لله خلص الساعة 8 و نص ثلث ساعات طابوووووور !!!! السبب كمية كبيرة جدا من عمالة البناء و التشييد ،،، أكبر بكتير من سكان التجمع الخامس اللي عايز اقوله باختصار أخلاق ميدان التحرير في عز الثورة كانت هيا أخلاق الاستفتاء تقريبا التنظيم يعتبر أهلي ،، الوجود الأمني لا يذكر ،، الناس واقفة كلها سعيدة و مبتسمة و مستحملين الطابور علي قلبهم زي العسل و كله بيقول أول مرة أروح انتخابات و محدهش بيتكلم علي لأ أو نعم ،،، دي حرية شخصية (( أخلاق الثورة )) و الطابور منتظم و سريع و متعاون ،، كمان ناس راحت اشترت كارتونة ماية و وزعتها علي الناس الواقفة !!! اللي قبلي و اللي بعدي و أنا صوتنا ب لأ ،، و ده لأنت في الآخر مكنشي فيه ستارة سوداء ،،، الموضوع مش مستحمل من الزحمة طلعوا الصناديق و الملفات بره السرداق في حوش المدرسة عشان ينجزوا و القاضي قاعد و كله تمام ،، علي الهامش ،، ((هأخرج عن أخلاق الثورة)) بس بجد بعد اللي شوفته النهاردة ،، نفسي النتيجة تكون نعم ،، الراجل المستشار طارق البشري ده فعلا فاهم كويس و مالهوش طموحات شخصية لو حصل انتخابات برلمان ،، دلوقتي ،، هتجيب أنضف برلمان ممكن يجي في مصر و الناس بأخلاق و مبادئ الثورة كده ،، لسه متلوثوش و رجعوا لريتم الحياة الطبيعي عارفين لو الانتخابات بعد فترة طويلة ،، كله هيضبط ورقه و يعيد حساباته [/quote] |
رد: الله عليكم يا مصريين حاجة تفرح
1 مرفق
اقتباس:
بص يا احمد انا مش بقول كده عشان اغيظك و لا حاجة بس بجد انا رحت المدرسة اللي جنب البيت عندنا فى روكسي لقيت طابور تقريبا زي اللي انت جايبه فى الصورة رحت مدرسة تانية على بعد 500 متر فى شارع بيروت انا و المدام بالظبط 10 دقائق بالظبط طبعا انا بضحك معاك بس بجد حاجة تفرح و انا متفق معاك تمام بعد اللي شوفته النهاردة |
رد: الله عليكم يا مصريين حاجة تفرح
عارفين بجد ايه ابلغ تعليق ممكن يتكتب بعد اللي حصل النهاردة
صورة صورة صورة كلنا كده عايزين صورة صورة للشعب الفرحان تحت الراية المنصورة |
رد: الله عليكم يا مصريين حاجة تفرح
ربنا يعدي المرحله ديه علي خير الواحد نفسه يشوف البلد ديه في مكانتها الحقيقية ام الدنيا
|
رد: الله عليكم يا مصريين حاجة تفرح
لقد طفرت الدموع من عينى وأنا أشاهد الطوابير التى لا تنقطع أمام كل اللجان ياسلام على المصريين هو ده الإنتماء الذى إختفى من حياتنا ، رجال الشرطة والجيش يعاملوك بمنتهى الأدب والذوق والكل واقف فى الطابور بمنتهى السعاده والتعامل فيما بيننا بغاية الحب ، لقد صحبت معى أسرتى ووقفنا جميعنا فى الطوابير حتى حفيدى الصغير الذى لم يتجاوز الخامسة من عمره أخذته معى ليشهد هذه التجربة الديمقراطية التى تحدث لأول مرة وقد انتابنى شعور بالفرحة تماماً كشعورى عند بدء ثورة 25 يناير
وفوجئت بأن ضابط الشرطة المسئول يخرجنى من الطابور ويقول لى اتفضل ادخل اللجنة مباشرة ،عندها أحسست بأن كبر سنى أصبح له إحترام فى بلد قل فيه إحترام بعضنا لبعض ... ألف مبروك ياشعب مصر العظيمGIFT4UGIFT4U |
رد: الله عليكم يا مصريين حاجة تفرح
انا بأه روحت حوالى 3 لجان لحد لما لقيت واحدة بيقولوا عليها فاضية شوية
كل لما اروح واحدة الاقى الناس واقفة وكأنها فى عيد ولا هممها زحمة ولا طابور طويل اوى اوى اوى اوى اوى يا عالم يخلص امتى بس فرحانين وكوميديا من القلبك يحبها ولا كأنه لما يوصل حيدولوا 100 الف جنية لكن الكل حاسس انه حر اوى يقول الهو عايزة والجيش بأه والشرطة يا سلام ولا كأننا كلنا رتب معاهم اتفضلوا نورتوا الله عليكم يا سلام يا شباب كلام جميل اوى يخليك تحس انك بنى آدم . الله عليكى يا مصر دائما الى الامام |
| الساعة الآن 02:13 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017