رد: طلب تعديل شاهين , فيات 131 , 128 , 127
 

متشكرليك جداً
بس طلب تاني بس ازاي اعمل تعديل للموضوع

رد: طلب تعديل شاهين , فيات 131 , 128 , 127
 

ودي شوية عن الاسعار للتعديلات الشكلية

الفرش
فرش عادي وجلد صناعي يبدأ من 300- 1500 على حسب الخامة والعربية نوعها ايه
فرش جلد طبيعي من 1500- 3000 وكذلك الفرش المطعم جلد مع شمواه في نفس السعر تقريبا
كراسي ريكارو 1450 للكرسيين وممكن السروجي يوضبلك الكراسي العادية تبقى قريبة في الشكل من الريكارو بحوالي 800
فرش الارضية كلها جلد صناعي من 200- 300 على حسب نوع العربية

التابلوه على حسب حالته ونوعه وعاوز تعمل فيه ايه هتعدل اللون بس ممكن علبة سبراي ب 7.5 لو عاوزة جلد يبقى هتكسيه جلد في حدود 200 جنية لو هتغير هعلى حسب التغيير والنوع اللي هيجي فيه حاجة ب 500 وفيه حاجة ب 1000
نور التابلوه لو عاوزة ابيض بيكلفك في حدود 50 واجرة الصنايعي
الطارة الاسبور150 - 250
الدهان والسمكرة من 2500- 3000 على حسب النوع والعربية
الجنوط 900-2000 على حسب النوع والشكل والحجم
الكاوتش 1000-2000 على حسب النوع والنقشة
اسبويلر وعتب وكساحات على حسب انت عاوز تعمل ايه وهتعمل فيبر والا صاج وتدهنه


وهكذا
طبعا احنا هنا بنبيع سمك في ميه
ليييييييييييه
لان مفيش عربية محدده بنتكلم عليها
ومنعرفش حالة العربية اللي ان شاء الله هتيجي علشان نقدر نقولك اعمل ايه ومتعملش ايه وسعر كل حاجة هتتعمل كام وهتعملها فين وازاي

رد: طلب تعديل شاهين , فيات 131 , 128 , 127
 

لو لسه الموضوع مفاتش عليه ساعه هتلاقي ايقونه في اخر الموضوع اسمها تعديل اضغط عليها وقوم بالتعديل
لو الموضوع اتعمل بقالهاكتر من ساعه يبقى مش هتقدر تعدل فيه
الا لو بعت رسالة للمشرفين بنص التعديل اللي انت عاوز تحطه وهما يشيلو الموضوع القديم ويحطوا الكلام الجديد


لو ان حصل اقتباس اصلا للكلام ومبقاش له لازمه التعديل لان كل الناس شافته وهتشوفه في الاقتباسات
وانا شايف انه من الافضل يفضل زي ما هو كده علشان كل ما تفتحه تفتكره ( اي نعم هتبقى ذكري سيئه ليك ) لكن هتفكرك بعد قدام ازاي تتعامل مع الناس وكيفية طلب الخدمة من حد
واعتبره اول درس ليك في الحياه زي ما قلنا

رد: طلب تعديل شاهين , فيات 131 , 128 , 127
 

رد: طلب تعديل شاهين , فيات 131 , 128 , 127
 

مش عارف اشكرك ازاي GIFT4U

رد: طلب تعديل شاهين , فيات 131 , 128 , 127
 

تشكر المنتدي كله مش تشكرني انا لوحدي
انا زيك كده دخلت المنتدي ده لا افقه شيء في السيارات ولا اسعار ولا ميكانيكا ولا الكهرباء ولا اي حاجة خالص
والحمد لله النهاردة الي حد ما فاهم كتير قوي
ولو مش فاهم او مش عارف اقدر على الاقل اوجه الشخص اللي تايه او داخل جديد على مكان المعلومة فين يلاقيها