رد: تحذير من اصلاح الكاوتش في بنزينة مصر للبترول أول عباس العقاد
 

يا جماعه انا مخنوق من بنزينه مصر ديه ... انهارده كنت ماشى بالعربيه و لقيت سيده شابه وشايله طفل على ايدها وواقفا بتصلح كاوتش عربيتها" كورولا الشكل قبل الاخير " فى البنزينه ديه . انا فكرت انزل واروح اقولها على الموضوعكله بتاع البنزينه الفاشله ديه ..... بس قلقت احسن هيه تقلق منى او ماتقبلش كلامى .... بس والله كانت صعبانه عليا جداااااااا و كان نفسى اعمل اى حاجه .. اى تصرف . حرام الناس الى بيتنصب عليها ديه وتطلع من البنزينه دافعه 100 : 120 جنيه .

ياترى فى حل .. ممكن مثلا نبلغ عنهم مثلا ؟ " معلش ساعات بحلم ان فى قانون " .

رد: تحذير من اصلاح الكاوتش في بنزينة مصر للبترول أول عباس العقاد
 

نفس الموقف حصل معايا الاسبوع اللي فات كنت معدي من هناك و شفت سكودا أوكتافيا و صاحبها راجل كبير و مبقتش عارف أعمل إيه
حسيت إني سلبي شوية بس ملقتش حل بديل

رد: تحذير من اصلاح الكاوتش في بنزينة مصر للبترول أول عباس العقاد
 

بصراحة يا جماعة ديه فعلا سلبية

المفروض الواحد يعمل اللى عليه وخلاص سواء الشخص اللى قدامة اقتنع او انتبة اساسا او لاء لانه كده هيريح ضميرة على الاقل

وبعدين ديه مش نصيحة عامة يعنى انا عامة بنصح ان محدش يتعامل مع البنزينات فى اى حاجة فنية لا كاوتش ولا ترصيص وزوايا ولا حتى تغيير زيت الفتيس منصحش بيه فى البنزينات وديه نصيحة عامة

لاكن انتوا بتقولوا ان البنزينة ديه تحديدا فيها مشكلة يبقى وجب التحزير الله يفتح عليكوا علشان انتوا كده ممكن تاخدوا ذنب الشخص اللى ممكن يتأذى منهم

رد: تحذير من اصلاح الكاوتش في بنزينة مصر للبترول أول عباس العقاد
 

ألف شكر على التحذير و النصائح المفيدة .... أنا متفق معها فعلا ... لكن موضوع الخابور دة ؟؟؟؟ أنا مش فاهمه لأ ليه؟؟؟ طيب الحل الأفضل إيه؟؟؟ خاصة إن موضوع الخابور دة فعلا منتشر و عملى جدا و حتى فى دول الخليج هو الحل العملى .....
تحياتى
م/طارق زياد

رد: تحذير من اصلاح الكاوتش في بنزينة مصر للبترول أول عباس العقاد
 

الحل الافضل هو الطريقة التقليدية

يتتم سنفرة الجزء المقطوع من الداخل بصاروخ صغير ومن ثم تنظيفه

يتم لصق الجزء المقطوع من الداخل

يتم وضع الجزء الملحوم على المكبس لمدة 3 - 4 ساعات لتاكيد اللصق ولاستعدال اى انبعاج نتيجة اللحام

وطبعا ديه طريقة صعبة وبتاخد وقت كتير وعلشان كده الخابور منتشر اكتر لاكن الافضل الطريقة القديمة بلاشك

رد: تحذير من اصلاح الكاوتش في بنزينة مصر للبترول أول عباس العقاد
 

فيه لحام ألماني عبارة عن سائل مطاطي يتجمد فيسد الخرم
اسمه تيب توب ألماني ، موجود في مراكز خدمة شركة النيل (توكيل بريدجستون)
معرفش موجود في حتة تانية و لا لأ

رد: تحذير من اصلاح الكاوتش في بنزينة مصر للبترول أول عباس العقاد
 

السلام عليكم ورحمة الله وبركاته

طبعا يا جماعة الخير انا مش خبرة زيكوا في السيارات :F_14WA~16[1]:
بس ممكن نفكر في موضوع حماية المستهلك ونبلغ جهاز حماية المستهلك
ولو في شكوي من كذا واحد هيهتموا

ومن غير ما حد يتريق انا جربتهم في مشاية كهرباء :w6w200504112246446a
الشركة نصبت عليا وباعتلي موتور ثلاث ارباع حصان علي انه واحد ونصف
ولما اكتشفت بلغت الجهاز :w6w200504111340266d

صحيح الموضوع قعد اكتر من شهر بس اخدت فلوسي ورجعت المشاية :w6w2005041113562663

والسلام ختام