|
رد: محتار بين الريجات و الفيات 128
اقتباس:
18 ونص يجيبولك 128 موديل 87-90 حالتها نضيفة الا بقى لو عامل فيها شغل كتير دي بقى على حسب الشغل المعمول ومعمول امتى لكن لو الريجاتا اقل من كده زي ما انت بتقول يبقى الريجاتا احسن حتى لو فيها شغل يبقى تعمله وانت مطمن انك انت اللي عامله بايده وتعمل فيها اللي انت عاوزه بس بررررررررررررررررررضة أتأكد من اساسات العربية عاملة ايه وخلي سمكري كويس يبصلك عليها ويكون موثوق فيه علشان مش يلبسك فيها ممكن تكون العربية سليمة قوايم لكن مغيره ربع او ضاربه برومه وكمان الميكانيكي يقولك حالة الماتور ايه هل هيحتاج حاجة والا هيشتغل كويس معاك لو العربية تمام يبقى توكل على الله وربنا يباركلك فيها لو فيها مشاكل يبقى تعرف صاحبها مشاكلها ايه وتخصمها من سعرها اللي هتحتاج تعمله علشان تروقها على كلامك وتبقى مفيهاش حاجة تتعمل بعد كده سمكرة ودهان من 2000- 2500 على حسب اللي انت هتعمل ايه فيها في السمكرة ونوع الدهان عادة والا ميتالك الفرش بيتوضب على اللي فيها ويتزود بس ويلبس كسوه فيها 500 الماتور لو فيها حاجة ماتور استيراد بالتفيس بتاعه بيعمل تقريبا 4000 الكلام ده بفرض ان حالتها تعبانه ومحتاجه شغل كتييييير |
رد: محتار بين الريجات و الفيات 128
العربية حالتها العامة كويسه ماتور عامل عمرة والدهان كويس ومفيش بارومة خالص هى المشكله فى السقف كان فى سمكرة قبل كده واللى عمله مظبطوش كويس غير كده العربية ممتازة وبصراحه انا خالص هى اللى فى دماغى
|
رد: محتار بين الريجات و الفيات 128
مفيش مقارنه طبعا بين الاتنين
طبعا ريجاتا ولو تقدر تبعد عن الفيات عموما يبقى احسن |
رد: محتار بين الريجات و الفيات 128
الريجاتا بلا شك بس دور على حاجة نضيفة ومش هتفرق كتير عن السعر اللى انت بتقولة |
رد: محتار بين الريجات و الفيات 128
الف شكر ليكم جميعا
|
رد: محتار بين الريجات و الفيات 128
أنا في رأيي الريجاتا برقبة 128 وتوكل على الله كفاية الشاسيه والصالون الواسع عربية بجد وما تفرقش كتير عن الجديد
|
رد: محتار بين الريجات و الفيات 128
اكيد الريجاتا واذا اجرينا مقارنه بينهم ستنجح الريجاتا فى كل شئ .
|
| الساعة الآن 07:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017