|
رد: ناوي اعمل دوكو وسمكرة لسيارتى تنصحونى بأية ؟؟
يعنى شغل السمكره انت لازم تحسه بعنيك وتحس ان الحاجه رجعت زى الاول
والرش متخلوش يشيل العربيه معجون كتير والاحسن تجيب ان الدهان ويوكون المانى وتركبه كمبيوتر وهتلاقى كود لدهان العربيه لو موديل حديث وسيبك من تقليب الالوان يدوى خليك ع نضافه احسن وطبعا تشوف فرن كويس وربنا يبارك فيها ويديك خيرها ويبعد عنك شرها |
رد: ناوي اعمل دوكو وسمكرة لسيارتى تنصحونى بأية ؟؟
واضح ان حضرتك بدأت فعليا فى العمل وكمان قاربت على الإنتهاء . وانا كان رأييى بس خلاص حضرتك عديت المرحله دى . . اولا انك تكشف كويس على العربيه وتشوف كل مناطق البارومه سواء فى الدواسات أو الرفارف أو الأبواب . وكمان بعد السمكره لازم ترش كل بطن السياره من تحت بالبلك . كعزل تام . ودا بيكون فى أحد البنزينات البلدى القديمه .
وكمان السمكرى يعمل حسابه ان المعجون اللى حايتحط على العربيه يكون طبقه خفيفه جداااا . ولما تروح لبتاع الدوكو هو يحكم على شغل السمكرى . ويفضل مايكونوش الإتنين تبع بعض . الا اذا كانت ورشه كبيره من النوع اللى بيستلم العربيه ويخلص هو كل حاجه وبعدين يسلم لك العربيه تسليم مفتاح . بس الورش اللى من النوع دا بتكون حراقه حبتين وخصوصا لما بيكون سمعتها كويسه وشغلها على ميه بيضه . عموما . مبروك مقدما وربنا يسعدك بيها ويباركلك فيها ويكفيكم شر العين والطريق . وماتنساش الصور مع التقرير . |
رد: ناوي اعمل دوكو وسمكرة لسيارتى تنصحونى بأية ؟؟
هو انا طبعا مش خبيرة في الموضوع دة بس هقول حاجة بسيطة يعني لما وديت العربية تتعمل سمكرة ودوكو لما جيت استلمها وانا راجعة البيت لقيت شنطة العربية فتحت لوحدها قمت رجعتله تاني ضبطها لان زاويتها مكانتش مضبوطة. يعني ابقي اتاكد ان الشنطة والابواب والكبوت كل حاجة بتفتح وتقفل بسلاسة...مبارك ليك مقدما
|
رد: ناوي اعمل دوكو وسمكرة لسيارتى تنصحونى بأية ؟؟
ربنا يباركلك فيها و ترجع زى الفل
|
رد: ناوي اعمل دوكو وسمكرة لسيارتى تنصحونى بأية ؟؟
يعنى الافضل انى اديها فرشتين زيت واريح نفسى
|
رد: ناوي اعمل دوكو وسمكرة لسيارتى تنصحونى بأية ؟؟
اقتباس:
|
رد: ناوي اعمل دوكو وسمكرة لسيارتى تنصحونى بأية ؟؟
اشكر كل من مر ف الموضوع
انا والله بحاول اجد وقت علشان اكتب لحضرتكم كافة التفاصيل الحمد لله اكتسبت خبرة خلال شهر ونصف يومياَ قاعد معاهم من اول ما يفتحو لحد ما يقفلوا وطبعا سبت شغلي علشان الموضوع دة .. لكن طلعت عربيتى بسم الله ما شاء الله زى منا عايز وزى منا مخطط مش زي مهما عايزين .. المهم اكتسبت خبرة من الخارج مش من عندهم لدرجة انى عدلت على السمكري والبوهيجي اللى كنت معاهم واللى اثبت لكل الموجودين ان البوهيجي دة مش بيفهم كنت بعلم على اجزاء بقلم فولمستر ف كل استلام للعربية .. ودة ادي ف النهاية انة عايز يخلص من العربية بأي شكل وعيزها تروح الكابينة وحاول لمدة 14 يوم كل يوم يقولي خلصت هوديها الكابينة وانا برفض واقولة لاء لسة فية كذا وكذا .. ان شاء الله امسك وقت بس وهبدء اشرح بالتفصيل للافادة . لان الموضوع مش مجرد سمكرة ودوكو زى ما الناس فاهمة .. كل واحد فيهم لة قصة ولة نظام ولو حس انك مش فاهم للاسف بيستغلك وربنا وفقنى ولحقت عربيتين من تحت ايدة واحدة هيونداي اي تن لدكتورة والتانية 128 لمدرس .. لحقتهم بمعنى انى كنت ايجابي ومعجبنيش اللى حصل واتصل بأصحاب العربيات دى يجيو يشوفو العك اللى بيحصل . ودة ادى ف النهاية لتشابك وعراك بينى وبينة بالايدي وجروح متبادلة ومحاضر متبادلة وفية جلسة الاسبوع دة بأذن الله . |
| الساعة الآن 06:16 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017