مصر موتورز مجتمع السيارات - العربية كانت هتولع

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - العربية كانت هتولع (https://www.masrmotors.com/vb/showthread.php?t=49631)

رد: العربية كانت هتولع

اقتباس:

المشاركة الأصلية كتبت بواسطة akerima (المشاركة 374390)

اهم من اسم الخرطوم نوع العربيه وكل اللي عليك حتروحي لواحد بيبيع قطع غيار النوع بتاعك وتقوليه عايزه خرطوم الريداتير اللي فوق والنوع ده بيبقي ستاندرد يعني مقاس واحد بس يلزمك ميكانيكي عشان التغيير ولو القطع مش كبير ومشوارك مش بعيد ممكن تلزقيه بشريط عريض وتزودي مية لغاية متوصلي لاقرب مكان تعرفي فية حد يساعدك بس خلي بالك من حرارة الماتور طول ما انت ماشية

هو فعلا أنا كنت لزقته بشريط لحام عريض وزودت الميه بس لحد ما وصلت الجراج لاقيته بيضرب ميه والميه كانت بتغلى ففكت اللزق بتاع شريط اللحام

رد: العربية كانت هتولع

الماء في الخرطوم ده تحت ضغط عالي وسخونة ولا يمكن وضع شريط لحام حول الثقب او المنطقة التشقق ..

افضل شيء هو فكه والذهاب به لمحل قطع الغيار للإستبدال .

رد: العربية كانت هتولع

اقتباس:

المشاركة الأصلية كتبت بواسطة zeze noor (المشاركة 374373)

طيب القطعة دى اسمها أيه علشان أشتريها

بيسمى فى لغة السوق

بخرطوم خروج المياه من المكنه إلى الردياتير

أو خرطوم الحوض الساخن للردياتير

رد: العربية كانت هتولع

اقتباس:

المشاركة الأصلية كتبت بواسطة samirayad (المشاركة 374492)

بيسمى فى لغة السوق

بخرطوم خروج المياه من المكنه إلى الردياتير

أو خرطوم الحوض الساخن للردياتير

شكرا يا باشمهندس ويارب ميكونش أثر على الموتور

رد: العربية كانت هتولع

اقتباس:

المشاركة الأصلية كتبت بواسطة zeze noor (المشاركة 374529)

شكرا يا باشمهندس ويارب ميكونش أثر على الموتور

طالما المكنه دارت معاكى تمام وروحتى بالعربيه

يبقى خير إن شاء الله

وياريت تطمنى فقط على كون لون الزيت فى وضع طبيعى

( لونه عادى وغير مطحن )

________________

لو طلع الزيت لونه عادى فعلا

يبقى مفيش مشاكل

وهتغيرى الخرطوم ده وخلاص

رد: العربية كانت هتولع

أعتقد أن ده خرطوم مياه الريادتير روحى لميكانيكى وشوفى أسمه أى بالظبط

رد: العربية كانت هتولع

بسيطة يا فندم باذن الله ...

اول شئ اعتقد ان العربية اكسنت 1500 سى سى .. تمام ؟

حضرتك هتروحى اى محل قطع غيار شغال فى العربيات الكورى وهنطلب منه الخرطوم ده (خرطوم الراجع) ويكون بتاع الاكسنت وتمنه باذن الله فى حدود 20 جنية ...

تانى حاجة هنفوت على اى ميكانيكى لتغيير الخرطوم .. وبما ان العربية سخنت معاكى وحضرتك ابيض فى الميكانيكا يبقى هنطلب منه كمان الاطمئنان على حاجتين :

- سلامه جوان وش السلندر .. (قوليهاله كده "عاوزة اطمئن على ان جوان وش السلندر سليم ومفيش اى تنفيخ فى المية) وهو هيفهم وهيعمل اللازم ...

- وهنطلب منه كمان الاطمئنان ان المروحة بتشتغل .. وبتشتغل فى معادها كمان ...
وخصوصا ان فى احتمال تكون العربية سخنت جامد والمروحة مشتغلتش فحصل ضغط شديد داخل دورة الميه (زى اللى بيحصل لو رجينا ازازة بيبسى جامد) وادى لانقطاع الخرطوم ...

اذا الحاجات دى تمام يبقى الف مبروك وحمدلله على سلامة العربية ونراضى الميكانيكى بـ 10 جنية ولا حاجة وننطلق .. وطريق السلامة ..