|
رد: ** البرادعي يعلن ترشحه للرئاسة **
بليز يا جماعة الحوار يكون راقى شوية وننتقى احسن الكلام
لا أحد يشكك فى وطنيتنا كمصريين .. وكل واحد ليه رأيه وخياراته وقناعاته .. نناقش ونرشح بكل احترام ... ونحترم الرأى الاخر .. وانك ترشح احد القيادات للرئاسة ده مش معناه ان المرشح الاخر خائن وعميل ونعد نقول عليه ده مش عارف عمل ايه وايه ... ومصر غنية بأبنأها وقيادتها بل بالعكس كمان .. انا احترت مين الاصلح لقيادنتا من كتر شرفاء هذا البلد العظيم محمد البرادعى رجل خبرة دبلوماسية 40 سنة ... وحصل على اعلى وسام جائزة نوبل للسلام .. وتدرج فى المناصب الدولية سلمة سلمة لحد ما وصل بدون واسطة ومحسوبية زى مكان بيحصل عندنا .. ولولا الحراك السياسى اللى عملة البرادعى بعد انهاء رحلة عمله الناجحة و رجوعه لمصر .. لما نجحت الثورة المصرية بالشكل الرائع ده .. ذلك لأن كان ليه دور فى توعية الرأى العام وبلاش ننساق وراء الاعلام الحكومى ( ايام النظام المخلوع ) اللى شوه صورة محمد البرادعى تماما مجرد انه اعلن انه هيرشح نفسه للرئاسة مع العلم انهم كانو بيمجدوه قبل كده |
رد: ** البرادعي يعلن ترشحه للرئاسة **
اقتباس:
ونحسبها مع بعض كلنا عارفين النظام المخلوع ......عمل فينا إيه .............؟ يعنى كان نظام وحش وبما أنه أختلف مع البرادعى يبقى البرادعى إيه ..............؟ حلو ومحترم وكله بالحساب نظرا لميولى الرياضيه |
رد: ** البرادعي يعلن ترشحه للرئاسة **
أ / سيف ،،
تعرف إن غاندي عاش معظم حياته بره الهند في إنجلترا ؟؟؟ علي العكس تماما أنا شايف ميزة حياة البرادعي في النظافة بره ميزة كبيرة جدا جدا و مش عيب إطلاقا يعني لم يتلوث ،، عنده رؤية و خبرة عشان شاف البلاد المتقدمة بتدار إزاي عموما فقط اتمني إنه ميكنشي قرار عنتري (( وده عهدنا بيه إنه بيدرس كل خطوة قبل ما ياخدها )) يعني لازم يكون كون تحالفات مع قوي سياسية تانية و يكون دارس حملة منظمة تفتيت الأصوات علي المجموعة اللي ميالة للديمقراطية ممكن يؤدي لكارثة إننا نلاقي واحد زي عمر سليمان و لا شفيق هوا اللي نجح و نرجع لنقطة الصفر |
رد: ** البرادعي يعلن ترشحه للرئاسة **
عيب البرادعي في وجهة نظري ،، اللي مش ملزمة لحد سنه و حركيته البطيئة اللي خلت حتي كتير من أتباعه و من حركات التغيير تنتقده بقسوة أحيانا بس كدماغ ،،، حتي الآن كل أرائه تنم عن رؤية ثاقبة |
رد: ** البرادعي يعلن ترشحه للرئاسة **
اقتباس:
البلد فى حاجه للدماغ فعلا كفايه الظلم من العالم التى تفتقد لوجود دماغ _____________ إحنا بأه عاوزين دماغ عاشت بره زى البرادعى أو زويل أو فاروق الباز بحيث يعدينا شويه من إللى شافه بره من تقدم علمى وإذدهار فى شتى المجالات |
رد: ** البرادعي يعلن ترشحه للرئاسة **
الدكتور البرادعي اعلن رسميا انه سيرشح نفسه للرئاسة بمجرد فتح باب الترشيح
بمقابلة علي برنامج on tv يوم الاربعاء 9 مارس2011 |
رد: ** البرادعي يعلن ترشحه للرئاسة **
اولا : البرادعي لم يعش بمصر و اتمرمط زي ما الشعب ده ما اترمط عشان كده عمره ما هيكون قلبه علي الشعب و كمان طول عمره عايش و في بقه معلقه دهب
ثانيا : البرادعي عنده عنده 70 سنه تقريبا يعني هيبقي بطئ في التفكير و اتخاذ القرارات نظرا لكبر سنه |
| الساعة الآن 02:52 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017