رد: هذه هى ملاحظاتى بعد أول 1200 كم
 

ان سمحتلي يا باشا اسالك انت بتسوق بقالك اد ايه لان كل الشاكل اللي حضرتك زكرتها هي في الاساس مشاكل سواقة وعموما اطمن العربية معايا من حوالي 7 اشهر عامل بيها 15000 كيلو ومعظم مشاكل عدم الارتياح من صوت ماتور وخلافة بتتحل بعد التليين 5000 كيلو

رد: هذه هى ملاحظاتى بعد أول 1200 كم
 

السلام عليكم

1-بالنسبة للعضه لازم تدوس على دواسه الدبرياج على الاخر
2-بالنسبة للتبطيل لازم تدوس بنزين اكتر ممكن تكون لسه متعودتش عليها بس
3- بالنسبة للمرشدير جرب تاني :w6w2005041113562663 (بس دوس دبرياج للاخر الاول )
4- بالنسبة للفرامل فى اللوجان هتتعود عليها لاني كنت حاسس انها ضعيفة لكنها فعلا ممتازة
5- الزنة ديه مسمعتهاش لكن ممكن تختفي بعد التليين مع العلم اني عامل 6000 كم و لسه الصوت عالي شوية لكن بصراحة احسن من الاول و لو جزء بسيط
6- بالنسبة للسكسكة برضة سمعتها و مش عارف من انهي جنب و معرفش ايه هيا و نسيت اقول عليها في الصيانة .... لكن تخمين بسيط ان عندي كوليه بلاستيك مش مربوط كويس وبالبلدي كده بيلب ( الكوليه الي رابط الطاسات على الجنط الحديد )

وزي انت شايف ماختلفتش تقريبا عن العضو hima el gmal كتير
و ربنا يكرمنا جميعا

رد: هذه هى ملاحظاتى بعد أول 1200 كم
 

عفوا ... مختش بالي و 1000 مبروك علي العربيه

رد: هذه هى ملاحظاتى بعد أول 1200 كم
 

الله يبارك فيكم..فعلا أنا لسة بسوق جديد ...و هخاد بالى من الحاجات اللى قولتو عليها... بالمناسبه إمبارح إتزنقت بين عربيتين فحصل عندى خدش بطول الباب الشمال(حوالى 40 سم) + إعوجاج بسيط فلا الرفرف (تطبيقة صغيرة كده) ...هل ده ممكن يتعمل فلى صيانة ال 5000 كم ؟؟ و بكام؟؟
معلش تعبتكوا معايا شويه:fun_36_3_3[1]:

رد: هذه هى ملاحظاتى بعد أول 1200 كم
 

فين الوحوشGIFT4U:fun_36_3_3[1]:GIFT4U

رد: هذه هى ملاحظاتى بعد أول 1200 كم
 

السلام عليكم

طبعا انا مش شايف حاجة بس اللي اعرفه و الله اعلم ان الخدوش
1- خدش يشيل طبقة الدهان و يظهر المعجون و دي لازم سمكري يعملها و حسب مايشوف (احنا مش شايفين حاجة )
2- حكة بتغير في اللون مكانها و دي بسيطة جدا ممكن تشتري (كومباوند) من اي واحد بتاع مونة بخمسة جنيه و تدهن مكان الحكة و تمسح بعدها كويس هتلاقي مكان الحكة رجع للونه الاصلي
و الله اعلم

رد: هذه هى ملاحظاتى بعد أول 1200 كم
 

لأ هى حكة بس لون العربية التانية هو اللى طلع عندى يعنى مافيش تقشير عندى ولا حاجة... سؤالى... هل ممكن دى تتعمل فى التوكيل لما أجى أعمل صيانة ولا لأ ؟؟؟