رد: نصائح من ضابط شرطه ............
 

ياباشا انا بتكلم عن علم الحمدلله وعارف أعداد المسجلين اللي موجودة في الشارع وعارف أعداد السلاح اللي اتسرق من الداخليه وعارف اعداد السلاح اللي دخل من بره وهو فين ومع مين
وانا مش قصدي اخوف او أهول بس دا واقع والله العظيم و90 في الميه من الوقائع لا تعلن عشان ميبقاش فيه رعب في الشارع
وانا كتبت الموضوع دا عشان لقيت ناس صحابي كتير جدااا بيكلموني وبيسألوني نعمل ايه ؟؟؟
أرجو انك تكون فهمتني انا لاقصدي أهول أو اضخم عشان أخوف الناس عشان يحسوا بقيمة الشرطة _ عشان الكلام دا اتقالي كتير _ انا كلي قصدي لو حد اتعرض لموقف من المواقف اللي انا قولتها يكون قرا عن التصرف الصح بدل مايضيع نفسه ويتصاب او يموت

رد: نصائح من ضابط شرطه ............
 

اسف ياباشا بس نسيت اقولك ان اللي انت قولته في الاخر دا غلط تماما - ولو اني متفق معاك في موضوع تطبيق الحدود - لأن ببساطه دا مش دورك ومش شغلك ولو حصل فأنت كدا مش بتساعد البلد بل العكس انت بتعطل البلد تماما هتبقي عامل زي الناس اللي بتقو الشرطة بتضرب الحراميه وبتعذبهم وأول مامسكوا حرامي قتلوه من كتر الضرب سيب كل واحد يشوف شغله ولو مسكت واحد سلمه لاقرب قسم او دورية جيش

رد: نصائح من ضابط شرطه ............
 

؟؟؟؟؟؟؟؟؟؟؟؟؟؟؟؟؟؟؟؟؟؟؟؟ طب ممكن تفاصيل اكتر في الموضوع ده ؟؟

يعني عارف اعداد السلاح اللي اتسرق من الداخلية؟؟؟؟؟؟؟؟؟؟؟؟؟؟؟ لا تعليق

وعارف اعداد السلاح اللي دخل من بره ؟؟ طب منين ؟؟ وكنتوا فين لما دخل ؟؟؟

ومع مين ؟؟؟ طب ساكتين ليه يعني ؟؟


مع احترامي لحضرتك..

رتبة سيادتك ايه ؟؟ عشان تعرف التفاصيل دي ؟؟

وكمان حضرتك بتقول في قطاع الامن المركزي ؟؟؟؟؟؟؟؟ طب مصدر معلوماتك ايه ؟؟

رد: نصائح من ضابط شرطه ............
 

لا انكر ان هذا الموضوع وجع لي بطنى
وقلقنى بشكل كبير جدا
طبعا فى البداية اشكر الزميل /of_hon
على نصائحة ولو انى اتعجب منها كونها من ظابط شرطة
اعذرنى فيما اقول ولكنى فى الحقيقة لا ارتاح لظباط الشرطة...
ولكنك هنا بالطبع زميل له كل التقدير والاحترام بغض النظر عن المهنة..
سبب قلقى منما قرأت اننى اريد ان ازور مصر فى اسرع وقت
وبالفعل اتصلت بكثير من الاصدقاء المقربين وتقريبا كلهم
طمنونى... واخرهم وائل مجدى
لكن بعد الكلام اللى قريتة من الاستاذ/of_hon
مش عارف بصراحة.. انا مش متخيل ان حد يثبتنى او يرفع علي
طبنجة او مطوة .. وعلشان اية شوية فلوس ولا ساعة ولا لابتوب
مش عارف بصراحة حاجة تحير.. خاصا انى لما انزل مصر
لازم اروح الصعيد وبالتحديد المنيا وبنى سويف
ولازم اروح الاسكندرية دة غير انى بيتى فى القاهرة
اعمل اية؟

رد: نصائح من ضابط شرطه ............
 

انا شغال في سرايا الدعم القتاليه عمليات خاصه بالامن المركزي برتبة ملازم أول وشغلي لو حضرتك مش عارف أيه دور سرايا الدعم القتالي اقول لحضرتك دورنا التعاملات القتاليه المتقدمه ( أرهاب وجنائي شديد شديد الخطورة ) ومن من يوم ماشتغلت ودا شغلي والمعلومات اللي انا قولتها من غير توضيح أعداد -عن قصد - دي احنا بنسميها معلومات استراتيجيه دي انا لازم ابقي عارفها وبتجلنا من كذا جهه علشان احنا لنا دورنا في الحاله دي ولنا دور تاني في حالة انهيار الدوله لا قدر الله ولنا دورنا وقت الحرب أو الهجوم لاقدر الله برده ومينفعش أنزل أتعامل أنا و زمايلي من غير مابقي مقدر الخطر اللي حوليا سواء في الشارع أو أي مسرح تعامل قتالي يعني مش عملية رتبه دي عملية دور بنأديه بغض النظر عن السن .

والنقطة التانيه احنا كنا فين فاحنا أكيد مكناش في بيوتنا وسبنا أهلينا لوحدوهم بيموتوا رعبا علينا وأحب أطمن حضرتك أنهم لوكانوا بيخططوا يدخلوا البلد 100 طن سلاح فاللي دخل- علي الرغم من استشهاد زمايل ليا عشان ميدخلش -ان شاء الله يتجاب قبل مايتباع وهو أقل من 1من عشرة في الميه من المية طن .
والارقام علي سبيل التمثيل ليس أكثر

رد: نصائح من ضابط شرطه ............
 

ياباشا والله لا قصدي اهول او أخوف انا كل قصدي اعمل توعيه للناس مش أكتر وربنا يعلم أنا الكلام دا قولته لأخويا وربنا يعلم
ونصيحتي ليك حاول تخلي أوقات سفرك دايما بالنهار وفي أوقات الذروة والبعد عن المناطق الهاديه

رد: نصائح من ضابط شرطه ............