مصر موتورز مجتمع السيارات - يا جماعة ساعدونى بجد أبوس ايديكم

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - يا جماعة ساعدونى بجد أبوس ايديكم (https://www.masrmotors.com/vb/showthread.php?t=48944)

رد: يا جماعة ساعدونى بجد أبوس ايديكم

طيب معلش سؤال تانى

تفتكر وأنت بتغير زيت الفتيس

هل كان لونه زى الجديد تقريبا

ولا كان نازل ملوث شويه

وهل مقاس الزيت حاليا مظبوط

ولا ناقص ولازياده

فهل عندك مقاس زيت للفتيس ( زى بتاع المكنه )

والراجل ظبطلك مقاس الزيت

ولا حط زيت بالبركه ..........؟

رد: يا جماعة ساعدونى بجد أبوس ايديكم

لأ الزيت كان نازل محروق أوى و الراجل حط 4 علب و أخر مرة أغيره قبلها كان على 77 ألف كيلو و بالنسب للمقاس أعتقد انه كان مظبوط

رد: يا جماعة ساعدونى بجد أبوس ايديكم

هوه قاللى ان الفتيس بياخد 4 علب كل واحدة لتر ياريت بس تفهمنى ايه الكلام طيب أو ايه اللى فى دماغك

رد: يا جماعة ساعدونى بجد أبوس ايديكم

اقتباس:

الزيت كان نازل محروق أوى

يبقى المفروض تغير فلتر زيت الفتيس

رد: يا جماعة ساعدونى بجد أبوس ايديكم

اقتباس:

ياريت بس تفهمنى ايه الكلام طيب أو ايه اللى فى دماغك

شوف ياسيدى

طالما الزيت كان نازل محروق أوى

يبقى كرتيرة الفتيس محوشه رواسب من أثر تآكل تيل كلاتشات الفتيس

وفى نفس الوقت

الفلتر مليس حاليا وخانق سريان الزيت من الطلمبه للفالف بودى بتاع الفتيس

وطالما السريان مخنوق

يبقى

أكيد مكونات التعشيق الداخليه بترعش وتعمل رجرجه فى نقل القدره من المكنه

للفتيس ثم محاور العربيه الأماميه وأنت بتزود سرعه

وده يعملك قلق فى بناء العربيه كلها

مع التزويد

ويقل القلق مع رفع رجلك عن البنزين

_________________

ودى نفس ظروف شكواك

اقتباس:

عندى مشكلة فى العربية من ساعة ال 80 ألف كيلو العربية بترعش رعشة جامدة معايا من أول 80 فيما فوق بس قمة الرعشة بتبقى من 90-100 و الرعشة تحسها فى كل أرضية و جسم العربية مع الكبس فقط لكن لو شلت رجلى من على الدواسة بتقل بنسبة 90%

رد: يا جماعة ساعدونى بجد أبوس ايديكم

طب معلش أنا عارف انى تقلت عليك و قرفتك بس أنا عندى 4 أسئلة
1- هوه أكيد فيه فلتر لزيت الفتيس عندى و لو فيه أغيره فين غير التوكيل و ايه أضمن مكان؟؟؟؟

2- هل لو غيرت الفلتر هل الرجة دى هتروح؟؟؟؟؟؟؟؟؟

3-هل المشكلة السخيفة دى واجهت حد غيرى قبل كده و اتحلت بتغيير الفلتر؟؟؟؟؟؟؟؟

4- ثمن الفلتر كام تقريبآ؟؟؟؟؟؟

مع العلم ان العربية و هيه باردة فيه صوت تكتكة فى عصاية الفتيس بتبان أوى الصبح بس لما بكبس أو اعلربية بتسخن بتروح هل ده له علاقة؟؟؟؟؟؟؟؟؟؟؟؟

رد: يا جماعة ساعدونى بجد أبوس ايديكم

اقتباس:

1- هوه أكيد فيه فلتر لزيت الفتيس عندى و لو فيه أغيره فين غير التوكيل و ايه أضمن مكان؟؟؟؟

مفيش شك

فلابد من وجود فلتر لأى فتيس أوتوماتيك

قد يكون خارجى وظاهر أمامك ( زى فلتر المكنه )

أو داخلى

وعلشان توصله

لازم من حل كرتيرة الفتيس ( غالبا هتلاقيه عندك هكذا )

وتغييره سهل جدا عند أى ميكانيكى

وهجيبلك موضوع أنا عامله فى التعليمى ( حول هذا المعنى )

اقتباس:

2- هل لو غيرت الفلتر هل الرجة دى هتروح؟؟؟؟؟؟؟؟؟

العشم فى وجه الله

اقتباس:

3-هل المشكلة السخيفة دى واجهت حد غيرى قبل كده و اتحلت بتغيير الفلتر؟؟؟؟؟؟؟؟

أنا ممعاييش أوتوماتيك

ولا تناقشت مع حد مر بنفس الموضوع

ولكن ده تخصصى

فتحليلاتى واثق جدا فى منطقيتها من وجهة النظر الهندسيه

اقتباس:

4- ثمن الفلتر كام تقريبآ؟؟؟؟؟؟

قول 50 أو 60 ج ( بكتيره )

اقتباس:

مع العلم ان العربية و هيه باردة فيه صوت تكتكة فى عصاية الفتيس بتبان أوى الصبح بس لما بكبس أو اعلربية بتسخن بتروح هل ده له علاقة؟؟؟؟؟؟؟؟؟؟؟؟

وارد تزول تلك المشكله أيضا مع تغييرك للفلتر