|
رد: سامحونى فهذا كثيييييييييير جدا جدا جدا جدا
أنا لن أنزل ميدان التحرير هذا الأسبوع وذلك لأنه تم إقالة شفيق وتشكيل حكومة جديدة وهذا مطلب تم تنفيذه لذلك لا أرى داعي للنزول هذه الجمعة احتراماً لمن نفذو هذا المطلب قبل يوم الجمعة من وجهة نظري وعن نفسي أتحدث بخصوص المظاهرات الفئوية من مصدر كبير داخل وزارة الزراعة ليس بيني وبينه أحد وزارة الزراعة الفساد منتشر بها منذ أيام يوسف والى عليه من الله ما يستحق الآن يتم تطهيرها قام أحد الحيتان بها بالدعوة لمظاهرة فئوية في مكان ما ليغطي على سرقته فيه وقام بتسخين العمال والعاملين ورغم أن الإدارة تجهز ملفه الخاص بالفساد لكنه قام بمظاهرة فئوية لمحاربتهم وفي النهاية تم إنهاء الموضوع سلمياً ويتم الآن إكمال ملفه الفاسد ليأخذ جزاؤه القصد أن هناك لصوص وحيتان وفاسدين ومحتالين يقومون الآن بمظاهرات فئوية للتغطية على فضائحهم وعوراتهم وبعض المغفلين من المواطنين يدخلون بتلك المظاهرات بحسن نية ولا يعرفون أنه يتم إستحمارهم لذلك أقول: لا للمظاهرات الفئوية تماماً والمشاركة فيها قد تكون بمثابة التغطية على مجرم أو فاسد والمظاهرات الثورية لابد من ترويضها لتكون عند اللزوم حاضرة في أيام الجمعة فقط منعاً للتعطيل أما لو مر أسبوع بسلام وبلا حاجة للمظاهرة فلاداعي لها أصلاً |
رد: سامحونى فهذا كثيييييييييير جدا جدا جدا جدا
انا والله اتعجب من هؤلاء الذين يمكثون فى ميدان التحرير جمعة يعملو مظاهرات ولازم الحكومة تنفذ مطالبهم ولما ينفذو المطالب العقل بيقول نمشى من التحرير بقى يقومون بعمل جمعة الاحتفال بتحقيق المطالب للاسف هم لا يُدركون عواقب فعلهم هذا |
رد: سامحونى فهذا كثيييييييييير جدا جدا جدا جدا
المفروض بدل ماكل يوم يكون فية مظاهرة لاسقاط احمد شفيق المحترم لازم مظاهرة عشان عودة رجال الشرطة وكمان مظاهرة عشان رجوع السياحة وعودة الهدوء للبورصة
دة لو في لسة ناس بتخاف علي البلد بدل البلطجة الي الشعب بدء يمارسها علي كل رؤساءة في كل الجهات لكي الله يامصر |
رد: سامحونى فهذا كثيييييييييير جدا جدا جدا جدا
اللهم اجعل مصر آمنه كما قلت فى كتابك العزيز " ادخلوا مصر ان شاء الله آمنين " صدق الله العظيم
|
رد: سامحونى فهذا كثيييييييييير جدا جدا جدا جدا
للأسف قولت الكلام ده قبل كده معجبش الناس وناس اتريقت وناس اتهمتني اني موالي للنظام
بكرة هيجي عصام شرف ويسمك ويجيب الوزارة الجديدة اللي نصها من وزارة شفيق حتى اللي منهم محلفش اليمين ايام مبارك وحتى لو منهم عباقرة العالم برضة هتطلع مظاهرات ترفضهم ده وزير المالية اللي عمل النظم المالية في اكتر من 20 دولة ولغا حاجة اسمها المستشارين ولغى التعاقد مع شركة اجنبية لعمل التوصيف الاداري وقال امال التنمية الادارية والجهاز المركة للتعبئة العامة والاحصاء بيعمل ايه بيطالبو باقالته وزير الصحة اللي جه وقال هنلغي العلاج على نفقة الدولة والعلاج يبقى مجاني ولغى كل العقود مع المستشارين والمبالغ الكبيرة ليهم طالبو باقالته وزير الداخلية اللي اول لما جه نقل ناس وعزل ناص من منصبهم وحول ناس للتحقيق بيطالبو باقالته كل واحد فوق منه سلطة بيطالب باقالتها حتى طلبة المدارس من يومين الطلبة عاملين مظاهرات عاوزين يشيلو مديرين المدارس مش عاجبينهم وشوية وشوية هتبقى ثورة على االباء والاسرة وعاوزين حريتنا نرو حونيجي براحتنا بدون قيود او ضوابط او مسئولية حتى الجيش عمال يطبطب على الناس رغم ان الناس مش بتحترمه ولا بتحترم قراراته واول قرار هو حظر التجول والمظاهرات النهاردة بتطالب برفع قانون الطواريء حاااااااااااااااااالا طيب هو فين قانون الطواريء يابني انت وهو انتو مش حاسيين ان فيه حظر تجول وده من ضمن قانون الطواريء والناس سايباكم براحتكم رايحين جايين محدش قالكم حاجة مع ان القانون واضح لم كل اللي يكسر الحظز وعلى السجن الحربي للأسف شكلنا كده داخلين على فوضي وهتبقى فوضي كبيرة قوي مش هنفوق منها قبل سنين طويلة النهاردة بقى فيه مطلب واحد الشعب يريد اسقاط الشعب |
رد: سامحونى فهذا كثيييييييييير جدا جدا جدا جدا
انا مش هقول الا جمله واحده بس
ارحموا مصـــــــــــــــــــــــ ــــــــــــــر يرحمكم الله |
رد: سامحونى فهذا كثيييييييييير جدا جدا جدا جدا
الرد ده هقوله هنا و انا قلته فى موضوع اخر و هضيف عليه مثال صغير بيحصل لي شخصيا :-
الجمعة الجاية عايزين نغير المشير طنطاوي لانه محسوب على النظام السابق و الجمعة اللي بعدها عايزين نغير عصام شرف و الجمعة اللي بعدها عايزين نغيير مترو الانفاق لانه معمول ايام النظام السابق و الجمعة اللي بعد منها النشيد النشيد عايزين واحد من جديد و بعد كده ايه تاني يا عالم كل واحد يغيير نفسه قبل ما يطلب يغير غيره موظفي الحكومة اللي بيعملوا مظاهرات محدش هيرفدهم او هيقفلوا وزارتهم انما القطاع الخاص لو حال البلد متصلحش و وقفت على رجليها فى اسرع وقت ضيف على قائمة البطالة الموجودة فعليا على الاقل نصف عدد العاملين فى القطاع الخاص هتلقيهم فى الشوارع الشركة اللي انا شغال فيها الشهر ده استغنت عن 20 موظف من اجمالي 160 موظف و اعتبارا من بداية شهر 4 نصف عدد العاملين هيقبض نص المرتب و ياخد اجازة لمدة 3 شهور اما انه يرجع يشتغل او يكمل فى بيتهم ايه العمل و بعدين بلاش الناس تتكلم زي اخونا بتوع الفضائيات بصيغة نحن نتحدث عن مطالب الشعب من اعطي حضراتهم تفويض بالتحدث عن الشعب اللي هو 86 مليون مش 1000 او 2000 او حتي مليون او اثنين او عشرة مثلا انا مكنتش عايز شفيق يمشي ليس حبا فيه و انما كي اعطيه فرصة هو و المجلس العسكري لتنفيذ مطالب الثورة اللي انا شاركت فيها و كمان عشان فى الاول و فى الاخر هي فترة انتقالية و كده كده هيمشي اللهم الف قلوبنا لما فيه خير هذه البلد اللهم اصلح ذات بيننا و ولي امرنا من يصلح |
| الساعة الآن 12:28 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017