|
رد: خبر عاجل قبول استقالة الفريق أحمد شفيق
الخبر للاسف حقيقي
بصراحه احنا ماشيين في طريق غلط و الجيش بيساند ميدان التحرير و ليس الشعب خلاص بقي |
رد: خبر عاجل قبول استقالة الفريق أحمد شفيق
اقتباس:
انا بحترم حريتك في التعبير عن رأيك الشخصي وجايز تكون على حق حتى لو كان ده رأيك لوحدك .. لكن ... مين قال ان اللي في ميدان التحرير بس هما اللي بيطالبوا باقاله شفيق وعرفت رأي الشعب منين ؟؟!! و عرفت منين اننا ماشيين في اتجاه غلط .... للاسف الحقيقه المؤكده الوحيده في كلامك هي صحه الخبر !!! مش معنى انك متضايق او ان في قرار خرج عن هواك ان الدنيا باظت ... ياما حنقابل قرارات مش على مزاجنا ... و ممكن قرار يتاخد بأغلبيه تلتين او 50% + 1 ساعتها حنقبل القرار لاننا بنطالب بالديمقراطيه ... ومن حقنا نعترض ... لكن لا نعمم ما هو شخصي بافتراض انه صحيح وما دونه خطاء:hd: |
رد: خبر عاجل قبول استقالة الفريق أحمد شفيق
الخبر صحيح 10000 الميه والقناه الاولي المصريه اعلنته من دقائق |
رد: خبر عاجل قبول استقالة الفريق أحمد شفيق
وعلى فكره عصام شرف رجل محترم جدا جدا ...
يعني حتى لو فرضنا ان كان في انقسام على الفريق احمد شفيق اعنقد ان الدكتور عصام شرف حيحوز قبول الاغلبيه ... والله اعلم |
رد: خبر عاجل قبول استقالة الفريق أحمد شفيق
أبشروا يا شباب ،،
عصام شرف جه بناء علي اختيارات إئتلاف شباب الثورة من الشخصيات المتفق عليها مع المجلس العسكري و الأجمل إن مجلس الوزراء القادم هيكون كله من نفس الشخصيات |
رد: خبر عاجل قبول استقالة الفريق أحمد شفيق
تحيه لرئيس الوزراء السابق الفريق احمد شفيق على ما بذله و سعه صدره
وتمنايتنا بالتوفيق للدكتور عصام شرف |
رد: خبر عاجل قبول استقالة الفريق أحمد شفيق
اجمل حاجة انه مشي
هو الراجل مفيش اختلاف عليه انه شكله محترم و بس على كده هوا شكله محترم بس لكن تصرفات و افعال كانت فعلا غير مبشرة لاقصى الحديد لانه لو كان فعلا محترم (و انا اذكر الموقف كويس جدا) كان لازم يستقيل تاني يوم مسك فيه الوزارة!!! لان اول يوم طلع قال من حق المتظاهرين يتظاهروا و امن المعتصمين على رقبتي تاني يوم بلطجية و قوات امن في زي مدني و جمال و خيول و مولوتوف و رصاص و قناصة قعدوا يضربوا في المعتصمين من الساعة 4 طهر الاربعاء 2 فبراير و حتى الساعة ال 11 و النصف صباح الخميس 3 فبراير!!! و بعدين طلع يقول: انا اسف مكنش عندي خبر بالموضوع و مكونتش اعرف اللي بيحصل في التحرير!!!!!!! و قال كل من تثبت تورطه في الموضوع سيتم عقابه ( و ثبت تورط وزير الداخلية الجديد- الذي قيل انه كان يدير غرفة العمليات للهجوم المنظم ) و منذ ذاك الوقت 3 فبراير و اليوم 3 مارس اي شهر باكمله لم يتم احالة اي احد للتحقيق حتى!!!! كفاية اوي الموقف ده علشان نعرف توجهاته و ما ممكن ان نتوقعه منه و اقول: شكرا يا شفيق انك استقلت و اخيرا لبيت رغبة الشعب ( ان كنت استقلت فعلا) |
| الساعة الآن 07:14 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017