رد: عايز نصايح فى السواقه
 

جمد قلبك ...أهم حاجة فى السواقة انك تبقى واثق انك بتعرف تسوق ومقدر كل شئ وواثق من عربيتك...الخوف ونبض القلب هم سبب الرعشة وفقدان التركيز...انا كنت زيك كدة كنت أول مرة أسوق على طريق سريع طنطا المحلة طريق كلللللللله نقل وقرف..طبعا بما انها كانت أول مرة أسوق على طريق سريع كنت خايف لدرجة انى كانت رجلى بتترعش والله ...بس بعد 10دقائق خدت ثقة وادتها على 100كم وانطلقت بقى بين النقل وما أدراك ما النقل...أهم أهم أهم حاجة المرايات عينيك متغفلش عنهم طول مانتا سايق وأحسن حاجة لو انت هاتسوق على طريق سريع أو جوة البلد متمشيش فى النص خد الجنب الشمال أحسن عشان تبقى مركز فى مراية واحدة فقط انما فى النص هتتلبخ بالمرايتين...خد الشمال وانطلق بس براحة خااالص وبحذر..وربنا يحفظلك العربية من الشرور:crazyW14:

رد: عايز نصايح فى السواقه
 

+111111111111

رد: عايز نصايح فى السواقه
 

ان ان ااااااااااااان
مادام الوالد مسافر يبقى يفضل ماتبعدش عن المنطقه بتاعتكم وتنزل في وقت يكون مافيهوش زحمه

عايز اقول معلومه بس علشان اشجعك بس مش عايزك تتهور
انا اليوم اللي اخدت فيه رخصه السواقه اخدت العربيه وطلعت السويس
ووانا راجع باليل الدنيا مطرت
يعني كان يوم عسل
فتوقع اي حاجه ممكن تحصل :crazyW14:

رد: عايز نصايح فى السواقه
 

انا النهارده روحت مشوار قريب بالعربيه وكان واحد صاحبى قاعد جانبى بيعرف يسوق خليته جانبى عشان مامشيش لوحدى يعنى
الغلطات اللى وقعت فيها
وانا ماشى بالعربيه لو لاقيت عربيه طالعه من جانبى برمى بعربيتى الناحيه التانيه
والموضوع ده خانقنى ومش عارف اتخلص منه لانى ممكن اضيع الدنيا بالحركه دي
وساعات الاقى حد بيرعشلى عشان عايز يعدى وانا مش مركز معاه ومركز مع اتجاه تانى
ولو لاقيت حاجه فى طريقى مش بقف ..لا ممكن اتفاداها من غير ما ابص فى مرايات
ديه الغلطات اللى بتتكرر معايا :(
وشكر ليكوا يا رجاله على ردودكوا

رد: عايز نصايح فى السواقه
 

تركيزك قليل شوية...بص انت ليه كدة خرجت مرة واحدة على طريق سريع زحمة...خد العربية فى منطقة فاضية خاااص واقعد امشى واجرى واعمل اللى انت عاوزه بيها لحد ما تاخد عليها شوية أكتررر...لو خرجت وانت لسة شوية هتبقى حاسس انك مرعوب وخايف زى ماقلت بتحدف لما تلاقى عربية خارجة من جنبك..لآ اطلع كدة مرة بعد الفجر وخد الشارع بتاعك رايح جاى 20 مرة وابدا شوية بشوية اطلع لبرة وثق فى نفسك ...