رد: استفسار
 

ولا يهمك
انا اشتريته من عند هادى الفلاح اللى جمب التلاجه
جبت الانذار ووحدتين رفع ل 220 يعنى الانذار لوحده حوالى 140 وعلى فكره هادى الفلاح بيركب انذار عنده ب 80 جنيه بس
بس انا اتضطريت انى اركبه ف التوكيل علشان الضمان

رد: استفسار
 

شكرا يا بوسي

رد: استفسار
 

حضرتك التامين ده مهم جدا هو مكلف شوية بس علي الاقل هتنامي وانتي مطمنه علي عربيتك وهيه واقفه تحت

انا عن نفسي مامن علي العربية ومش هفكر اني الغي التامين

انا بدفع علي فكرة في السنة في حدود 1600 جنيه

رد: استفسار
 

corsair شكرا ليك على ردك بس انا بدفع 2500 مش المفروض انها شركه واحده والمبلغ واحد ولا ايه ؟؟ ولا علشان انا جايباها قسط ؟؟

معلش ليا استفسار تانى انا اسفه مزهقاكوا اسئله بس سنه اولى سواقه بقى :w6w200504112246446a

امبارح وانا مروحه وماشيه ف امانه الله وفجأه الاقى توبيس لازق فى العربيه وخد جمب العربيه كله
طبعا الجريده اللى تحت فى الباب دى طاااارت والباب حته صغيره دخلت لجوه وجزء اتقشر

وجبت حاجه اسمها كومباوند سمعت انه بيلمع مكان الخدوش بيخليها متبانش بس قلت قبل ما استخدمه اسالكوا الاول ؟؟ استخدمه ولا فيه منه خوف ؟؟

تانى حاجه الجريده دى اجيبها منين ويستحسن لو من المنصوره وكمان هتتكلف كااام ؟؟

معلش سؤال كمان احيانا ببقى ماشيه على الخامس واتضطر اهدى شويه مثلا لحد 40 وارجع تانى اسحب سرعه بس من غير ما نقل ده فيه خطر على الموتور ولا عادى

اخر حاجه بقى بالنسبه للتكييف ؟؟ هو بيسحب من البطاريه ولا البنزين ؟ وهل فيه مشاكل لو شغلته كل يوم ساعتين مثلا ؟؟ وازاى احافظ عليه اصلا انه ميبوظش ؟؟

كفايه كده :D بس اكيد لو احتجت استفسار تانى هجيلكوا تانى :fun_36_3_3[1]:

رد: استفسار
 

حمدالله على السلامه

أهم شىء

متكونش الحكه قشرت البويه الأساسيه فعلا

فلو بوية الأتوبيس هى اللى أتقشرت ولزقت على بوية العربيه

يبقى كويس

لو بوية العربيه متأثرتش كما بينت لك سابقا

يبقى الكومباوند ......حيشيل قشرة بوية الأتوبيس

اللى لازقه حاليا على بوية السياره

وكده كده

مفيش مايمنع من أستعمال الكومباوند

ولو ظهرت بوية السياره ( الوش الفنش الأخير )

يبقى تمام أوى

موجوده عند بتوع الأكسسوارت

وحتلاقيها مش غاليه

نقول أقصاها 50 جنيها

طبعا ده غلط الأكثار منه على الفتيس

والمفروض تسقطى نقله ( من الرابع للثالث فى الظروف دى )

ومع رفع سرعة السياره وأنتى على التالت

تنقلى عادى للرابع بعد كده

مروحة التكييف لايسحب كهرباء من البطاريه ....ولكن من الدينامو

وكمبروسور التكييف بيشكل حمل ميكانيكى على المكنه

ومن هنا بيزداد أستهلاك البنزين قليلا ( مع عمل التكييف )

لاتوجد مشكله

بالمحافظه على تشغيل التكييف فى لحظة بداية تشغيله

وسرعة المكنه تكاد تكون قليليه بقدر الأمكان

وياريت لو تبدأى تشغيله وأنت على عدد لفات للمكنه

يقترب من 1000 لفه بكتيره

أى على سرعه قريبه من سلانسيه المكنه

رد: استفسار
 

شكرا ليك استاذ سمير على الرد وعلى اهتمامك