رد: سؤال هايف
 

أوأيد رئى سالم

رد: سؤال هايف
 

يا جماعة أنا بعرف أسوق كويس بس بالراحة علشان لسة مش واخد أن العربيات تكون محيطة بى. لما يكون الشارع فاضى ببقى سعيد ولما بتقرب عربية وأشوفها فى المراية بخاف شوية لحد ما تعدى من جانبى. ولكن لحد الأن لم أعمل غلطة واحدة وثابت على الطريق. كمان الواحد عمره ما هيتعلم بوجوده فى حته فاضية. التعلم بيكون لما الواحد يكون حوالين العربيات علشان يحس بأبعاد العربية ويتعلم التصرف فى المواقف المحرجة. هذا رأى

رد: سؤال هايف
 

رد: سؤال هايف
 

الغرض من التعلم بمكان فاضى هو انك تقدر تجرى باالعربيه وتفرمل وتطلع سريع أزاى وتقف فجأه أزاى وتجيب 1-2-3-4 فى الغيارات وتعمل مناورات باالعربيه سريع وبطيء وأن شاء الله هتلاقى العمليه اتحسنت يوم بعديوم

رد: سؤال هايف
 

انا مع الاستاذ ابو شروق فعلا كلام مضبوط وحد يكون معاك يدلك على الصح

رد: سؤال هايف
 

يجماعة الخير//
أنا قبل ما أنزل اسوق فى الشارع بين العربيات قعدت فترة شهر أتدرب فى مكان فاضى وعارف كل اساسيات السواقة من نقلات وحركة الدبرياج وكل هذا. اللى مش واخد عليه هو السواقة بين العربيات والتعرض لمواقف مثل الإنتقال من حارة لاخرى أو التعرف على إتجاهات الشوارع والمرور بين الحارات الضيقة وبين العربيات والإنتباه فى حالة التوقف المفاجأ من العربيات الأخرى وملاحظة كل المرايات المحيطة. كل هذا بتعلمه الأن من خلال السير فى الشوارع وبين العربيات ولكن على سرعه بين 10 و 20 كيلوا فى الساعة. أنا عارف إنها سرعة بسيطة ولكن الحقيقة فى البلد بتاعتنا مفيش شارع طوالى يعنى كل كام متر تلاقى تقاطع أو حارة أو أو إشارة أو شارع ضيق أو شارع مكسر فالكل مشاى على سرية بين 40إلى 60. فيعنى مش أنا بطئ أوى..... والتواجد فى مكان فاضى عمره ما يعلم صح لان مش بيكون فى ضغط على السواق. أنا بأمشى بطئ علشان ألحق نفسى لو حصل حاجة وكمان احافظ على غيرى وأقلل الأضرار لو حدث مكروه......

شكرا على نصائحكم

رد: سؤال هايف
 

بص علشان ما تتعبش نفسك بيع العربيه وهات واحد اوتوماتيك
لو الرفاهيه دي عاليه عليك يبقى مفيش قدامك غير حاجه واحده
تنزل قدام البيت او اي شارع فاضي فيه مساحه قدام العربيه قول 5 متر مثلا
وتفضل تطلع قدام بعدين تقف وترجع لوره
قول بتاع 50 مره لحاد ما تتعصب
بس جرب مره تطلع بالراحه قوي لدرجه ان العربيه تبطل منك
ومره تطلع اسرع شويه
ومره تطلع عادي
ومره تطلع وتخلي العجل يفوت
وبردو وانت راجع نفس النظام
بعد 50 محاوله ناجحه حتكون اتعودت على الدبرياج تمام وبقيت عارف تحسب الدوسه بتاعت البنزين والدبرياج كويس
واي خدمه انت أمر بس
وانا عملت كده على فكره اول ما بدأت اسوق ومحصلش خسائر الحمد لله
اهم حاجه خلي بالك طويل وخليك هادي وانت سايق
وجعت ايدي من كتر الكتابه عالكيبورد على الله بس تعمل اللي بقولهولك بقى ههههههههههههههه