|
*** تحذير لمالكي هيونداي من قطع الغيار المغشوشه ***
يوم مقابلة المنتدي ،، روحت مع أ / شرف المصري ،، عند م / محمد بيومي اللي كنت اتكلمت عليه في موضوع اخر ،، كان مجرد عايز يشيك علي حاجات في العربية ،، المهم تطرق الموضوع لسير الكاتينه بتاع عربية أ / شريف ،، المهندس شريف اشتري نوع من شارع دمشق بعبوه هيونداي و العلامة المائية و بسعر ارخص بمراحل بكتير من سعر التوكيل و كمان أ / شريف ، راح بيه التوكيل نفسه عشان يتأكد انه اصلي و بتوع قطع الغيار نفسهم قالوله انه اصلي المهم ،، م / محمد بيومي ،، قاله دي بتكون قطع غيار مضروبه و مصنعه في الصين و ليست كوري و بيتم تعبئتها بعبوات هيونداي و يمكن بختم غبور كمان و قال ابسط حاجة فرق السعر الفظيع بين التوكيل و خارجه و بيسمي النوعية دي ( المغلفه ) هوا بيقول من الاخر لو قطعة الغيار ارخص من التوكيل باكثر من 30 % تأكد انها مزيفه و انا الصراحه شايف كلامه منطقي مش معقول يكون سعر التيل في التوكيل مثلا 350 جنية و يكون بره ب 30 جنيه و بعبوة هيونداي و بكل الحبشتكنات و بيقول حتي عند الرغبه في شراء قطع غيار بسعر اقل يبقي تشتري قطع غيار يونيفرسال اللي بتطلع و عليه اسم شركة قطع غيار معينة محترمه زي بريمبو للفرامل ، جيتس للسيور ،، كده يعني و الله اعلم ،،، |
رد: *** تحذير لمالكي هيونداي من قطع الغيار المغشوشه ***
استاذ احمد .... طبعا انا كنت واقف معاك لما سمعت من م/محمد بيومى الكلام ده ... بس للأسف ماكنش عندى وقت ارد عليه و عموما هحاول اشرحلك انى مش مقتنع بالكلام ده ليه ....
اولا انا بنفسى بشترى قطعه الغيار الأصليه من بره (مثال سير الكاتينه و تيل الفرامل من عند نافع اللى فى شارع دمشق) و بدخل فى توكيل هيونداى اللى امامه على طول و اقوله لو سمحت طلعلى القطعه الفلانيه (السير و التيل) و اشوف هل هوه هوه نفس التغليف وللا لأ و اشوف القطعه بنفس الأختام و لا لأ و بعرض الأتنين قدامى على الكاونتر و ابص على السير ده و ده ...... قولى بقى لو الأتنين مطابقين فى نفس العلامات المائيه و التغليف و الماده المصنعه و كل شئ و كمان يأكد ليك اللى واقف فى التوكيل انهم اصلى و ان نافع برده شاريهم من غبور بس نافع بياخد نسبه خصم كبيره علشان كده بيبعهم ارخص من التوكيل .... يبقى تقتنع انهم اصلى وللا لأ ؟؟؟ و بعدين نسبه التخفيض مش زى ما انت كاتب من 350 الى 30 ..... يعنى التيل مثلا الأصلى عند نافع عامل 150 جنيه بس فى التوكيل 250 و دى نسبه مقبوله لأن التوكيلات اساس مكسبها فى قطع الغيار عالى و بعدين التوكيل فى اى حته فى الدنيا اغلى من التجار علشان التجار تشغل محلاتها و ده كلام معروف على مستوى التجاره ان صاحب التوكيل بيعمل خصومات كبيره جدا للتجار علشان تسوق بضاعته و هو يبيع و التاجر يبيع و كل هم التوكيل التاجر اللى بياخد مئات القطع مش العميل اللى بياخد قطعه قطعه .... و اللى عايز ال .... ما يقولش .... و ده منطق التوكيل المضروب بيبان ماقولناش لأ .... لكن الأصلى برده لما تقارنه بأصلى زيه مابتلاقيش فرق !!! مش كده برده ؟؟؟ |
رد: *** تحذير لمالكي هيونداي من قطع الغيار المغشوشه ***
اقتباس:
واحد كان بيقول انه جاب تيل فيرنا اصلي بمبلغ انا مش متذكره بالضبط بس اقل من 60 جنيه اللي هوا بيتباع في التوكيل نوعيه ب 220 جنيه و نوعيه ب 350 جنية بس الحذر واجب في الحاجات دي اكيد التوكيل بيغلي في السعر بس مش هيكون للدرجة دي عموما انا قلت اعمل الموضوع ده عشان الناس تاخد بالها |
رد: *** تحذير لمالكي هيونداي من قطع الغيار المغشوشه ***
اكيد فيه قطع غيار مضروبه
بس طول ما انت بتشتري من محل معروف(مش بتاع قطع الغيار بتاع شريف قصدي الصفه مش الاسم :) ) يبقي ما تحطش في دماغك لان اي محل محترم بيخاف علي سمعته اقتباس:
او اللي باعه ليه قاله دا اصلي |
رد: *** تحذير لمالكي هيونداي من قطع الغيار المغشوشه ***
كل إللي أتقال لحد دلوقتي في الموضوع ده من وجهات نظر صحيح 100%
ونمسك وجهات النظر واحده واحده أحمد انور بيقول للناس أنك لو لقيت قطعة الغيار سعرها بينه وبين التوكيل فرق كبير جدا جدا يبقى أكيد القطعة مضروبه 100% حتى لو القطعة محطوطة في علبة قطيفة مش علبة التوكيل بس وطبعا ده كلام مظبوط وشريف قال أنه قبل ما يشتري عمل مقارنة بنفسه بين قطعة التوكيل وقطعة التاجر ووجد انه لافارق بينهم بتاتا وأيده في ذلك موظف التوكيل واكد ان الفرق لم يكن كبير إلى الدرجة التي تجعل المشتري في حيرة وغللي عمله من مقارنة قبل الشراء ده شيء مظبوط جدا عشان كده اشتى وهو متطمن ومعروف عن شريف طبعا انه من الناس الناصحة الواعيه وغللي مش ممكن أبدا يضر نفسه وعربيته عشان يوفر كام جنيه يبقى غللي عامله شريف من مقارنه حيه في وقتها كان صحيح جدا وحازم قال أنك طالما بتشتري من مكان له أسم وتاجر محترم ومعروف يبقى ماتخفش و ادفع وأنت متطمن وحذر من التجار التعبانه أيه ده ؟ !!!! هو انا عملت أيه في المداخله دي ؟ انا ماضفتش اي حاجه !!!!!!!!!!! ptmnlo123per1127 صحيح لما يكون عندنا ناس زي أحمد انور وشريف المصري وحازم خضر والتلاته يتكلموا ورا بعض في موضوع واحد يبقى الواحد يدخل يقول ايه بس ؟ مش عارف ptmnlo123per144 طب ولا اكنكم شوفتوا المداخله دي يا رجاله |
رد: *** تحذير لمالكي هيونداي من قطع الغيار المغشوشه ***
يا بايو باشا ده انت تفيد الدنيا كلها بخبرتك و اسلوبك اللى انا نفسى يكون عندى القدره على ربع اسلوبك حتى فى توصيل المعلومه.
بس لما توصل انك تشترى سيور و قطع غيار من التوكيل ب 2000 جنيه و تجيبهم همه همه ب 750و بتأكيد التوكيل انهم اصلى و مع مقارنه قطع الغيار و السيور الفعليه امامك و بالذات انها حاجات مضمونه و بنفس السيريال نمبر اللى عند التوكيل و نفس التغليف و نفس خامه قطعه الغيار فأكيد ده مكسب للشارى و كذلك للتاجر اللى باعلك . و بكرر تانى ان التوكيل لازم و لابد يبيع بسعر اغلى من السوق علشان يخللى التاجر يبيع بضاعته و بالذات ان التاجر هايشترى من التوكيل بكميه كبيره و التوكيل لا يهمه العميل اللى هايشترى قطعه واحده و بالتالى سياسه التوكيل اللى عايز ال .... ما يقولش... لأن التوكيل كسب منك مكسب محترم فى الأول من العربيه ككل ....... و بمثال بسيط .... تيل فرامل الفيرنا هوه هوه تيل فرامل الألانترا و التوكيل بيبيع الفيرنا ب 250 جنيه و الألانترا ب 350 جنيه مع انه و بأكد تانى هوه هوه !!!!! ليـــــــــــــــــــــــ ـــــه ؟؟؟ علشان اللى عايز ال ... مايقولش ... بــــــــــــــــــــــس خــــــــــــلاص......... ................. |
رد: *** تحذير لمالكي هيونداي من قطع الغيار المغشوشه ***
اقتباس:
باركب للفيرنا تيل ابو 350 جنية ،، بس باكسف اقول علي المنتدي اني بشتري تيل ب 350 جنية ptmnlo123per144 و النوع التاني ابو 250 جنية ده بتاع الاكسنت القديمة و بيركب برده علي الفيرنا بس في التوكيل قالولي انتا عربيتك اوتوماتيك ركب التيل الغالي ده موجود و ده موجود |
| الساعة الآن 04:30 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017