رد: الحقوني شحن الدينامو في ال 128
 

ممكن تكون مشكلة بوجيهات

وبالنسبه للدينامو فلايوجد عليه مشاكل فنيه

حتى لو كان الشحن ضعيف شويه

بس ممكن الشحن الضعيف يخللى جهد البطاريه يقل شويه

جرب تدور الصبح وأنت فاصل دبرياج

وشوف الوضع حيبقى أحسن ولا لا

علشان نعرف أن العيب ده مش بطاريه خالص ولا لا

________________________

فلو دارت على طول وأنت جايب دواسة الدبرياج على الأرضيه

يبقى عيب الدواره فعلا بسبب نقصان الشحن

ولو لسه الوضع زى ماتكون سايب الدبرياج

يبقى ده عيب بوجيهات فعلا

وملوش علاقه بجهد البطاريه أو الدينامو

رد: الحقوني شحن الدينامو في ال 128
 

اه فعلا و انا فاصل دبرياج بيبقى الوضع احسن بكتير

رد: الحقوني شحن الدينامو في ال 128
 

يبقى البطاريه ضعيفه فعلا

بسبب ضعف جهد الشحن الخاص بالدينامو

عموما

جرب نظافة التوصيلات والتشييك عليها صح

وخصوصا بين القواطيش والبطاريه

مع تغيير البوجيهات ( لو كانت قديمه )

ونشوف الجديد أيه

قبل مانضطر للتعامل مع الدينامو ( مره تانيه )

رد: الحقوني شحن الدينامو في ال 128
 

انا اسف انا كان قصدي اقول ان الوضع هوه هوه معلش انا اسف اصلي منمتش من امبارح :crazyW14:

رد: الحقوني شحن الدينامو في ال 128
 

:playing_music:

حلو

لما تنام وتظبط أمورك

أبقى تعالالى تانى

:crazyW14:

رد: الحقوني شحن الدينامو في ال 128
 

بعد إذن الاستاذ والبروفيسير بتاعنا أ/ سمير عياد انا بس هقول رأيى:

انا مبرجحش البطاريات الجافة فى العربيات القديمة علشان خرج ( الفولت الخارج من الدينامو ) الدينامو مش ثابت زى العربيات الحديثة لكن طالما حضرتك إشتريت وخلاص فالكلام ده ملوش تأثير بس حبيت اقوله للإفاده, وبالنسبة للمشكلة انا هقولك على حاجة برضو تلاحظها بالليل : دور العربية وبعدين شغل النور الصغير وخليك مركز على شدة اضائته وبعدين شغل النور الواطى وشوف شدة الإضاءة زى ما هى ولا ضعفت وبعدين النور العالى ولاحظ وبعدين الكاسيت ولاحظ وكل ده طبعا وإنت دايس شوية بنزين لأن العربية فى السلانسيه بتبقى شغالة على البطارية ,لو النور بيضعف يبقى كده فى حاجة فى الدينامو وغالبا هيكون سليكون وحش فى قاعدة السليكونات بتاعت الدينامو.

وبالنسبة لموضوع الدوارة الصبح وريحة البنزين دى سببها طقم الكهرباء بتاع العربية ( الابلتين والكوندينسر والبوجيهات ) عايز يتظبط وريحة البنزين عشان انت لما العربية ما بتدورش معاك بتدوشلها بنزين.

ارجو ان اكون افدت ولو بعض الشىء على قد معلوماتى:playing_music:

رد: الحقوني شحن الدينامو في ال 128
 

لألأ خلاص منا غسلت وشي و فقت الى حد ما