رد: حقك علينا يا ريس
 

كل اللى انت بتقوله ده صح يااحمد بس ده فساد حكومى وتنفيذى مش نظام بأكمله واقولك نقوله حقك علينا ليه :
- طوال 30 عاما فى امن وسلام .
- طوال 30 عاما فى تقدم مستمر .
- طوال 30 عاما فى ازدهار وتطور .
- طوال 30 عاما فى عدم تدخل فى شؤون مصر .
- طوال 30 عاما فى تطوير الصناعه والأستثمار .
- طوال 30 عاما فى حب وتأمين مصر .
- طوال 30 عاما فى حريه .
- طوال 30 عاما فى محاوله جاده فى طرد الفساد .
- طوال 30 عاما رئيسا وقائدا عظيما لمصر .

وانا معرفش لمصر رئيس غيره ولا عايز اعرف والرجل عمل كل مافى وسعه من محاربه للفساد والقضاء عليه ومننساش ابدا يااحمد انه بطل وقائد من ابطال حرب اكتوبر العظيمه فميستهلش ابدا اللى يتعمل فيه كده ابدا

رد: حقك علينا يا ريس
 

ياريت نحكم صوت العقل
لو فهمنا خطاب الريس حقق مطالب الشباب كلها الاعتراض على اية الفوضى على اية انتو عاجبكم حال البلد من خراب بيوت ووقف حال انا على يقين تام انو لو كان طلع فى الخطاب وقال انا بتنحى عن السلطة مكانش هايعجب حد هما نفسهم مش عارفين هما عوزين اية لية سدين ودنهم لية الكبر والجبروت دة علشان عرفين ان امريكا بتدعمهم دلوقتى امريكا حلوة فوقو اسرائيل على البابمستنية الفرصة بحجة تئمين حدودها وتخش سينا فوقو
المظاهرة لما قامت يو 25 مكنتوش تحلمو بلمكاسب دى عاوزين اية ارحمونا بلاش خراب
وكمان الراجل يشكر انو مسبهاش وهرب زى رئيس تونس كانت خربت بجد فضل فى بلدو وقال انو هايموت فيها مش هايهرب هيا دى الرجولة يشكر عليها
انتة عاجبك وهوة بيتشتم على الجزيرة
الرئيس رمز البلد مايتهنش و وكرمتو من كرامت شعبو
الى عاوزينز حصل واكتر

رد: حقك علينا يا ريس
 

يا جماعة الراجل دة يشكر على كدة وعمل للبلد دى كتير جدا المفروض كدة نشوف ايام جديدة وربنا يستر عالينا من الاى هنشوفو بعد مبارك انا بحب مبارك جدا بس لازم يشتغل اكتر وشوف البطالة وحاجات كتير وربنا يسترها عالينا

رد: حقك علينا يا ريس
 

السلام عليكم...
أتمنى إنكم تكونوا جميعاً بخير
أنا منذ زمن كنت قد قرأت قصة من كتاب كليلة و دمنة لم أنساها حتى يومنا هذا:
كان هناك قرد صغير يسير فى الغابة فرأى ذئباً وقع فى مستنقع و لم يستطيع الخروج منه و تجمع عليه البعوض مصاص الدماء و شرع يمتص دمه حتى خارت قوى الذئب
فقال له القرد: أنا لا أستطيع إخراجك من المستنقع لإنى صغير و لكنى يمكننى مساعدتك بأن أهش عنك هذا البعوض مصاص الدماء
فرد عليه الذئب: أرجوك لا تهش هذا البعوض ... لإنه شبع من دمى و لا يمتص منه الأن إلا القليل أما لو ذهب و جاء غيره جائعاً سيمتص ما بقى من دمى و ألقى حتفى
إنتهت القصة

رد: حقك علينا يا ريس
 

لأ مش حقه عليا
والريس مش أبويا ولا عمره ما هيكون أبويا

أبويا كافح علشان يربيني أنا وإخواتي ويعلمنا
أبويا كان بيستخسر في نفسه الفلوس علشان يديهالي اخد بيها دروس خصوصية لفشل نظام التعليم
أبويا مكنش معين حرس يضربني وأنا في الكلية وبتظاهر ضد إسرائيل
أبويا مرباش كلاب تفتري علي الناس وتقل أدبها عليها تحت شعار الشعب في خدمة الشرطة
أبويا مبوظش الصناعة والزراعة والقطن والغزل والنسيج ومبقناش عارفين إحنا دولة زراعية ولا صناعية ولا كبابجية
أبويا ونظامة وفساده مخلونيش أسيب بلدي وأهج
أبويا مباعش غازنا لإسرائيل وأرضنا وممتلكتنا لأي واحد معاه فلوس
أبويا طول عمره بيسهر علي راحتي وبيسمعني (مين سمع الناس إلي حرقت نفسها وبتوع 6 إبريل وغيرهم)
دول كتير بدءت بعدنا ودلوقت بنشتري منهم البضاعة (ماليزيا وكوريا والصين)
المصري متهان ومحتقر في كل دول العالم بسبب مين؟
حد يعرف أحمد عز وصفوت الشريف وحبيب العدلي وفتحي سرور وبطرس غالي وغيرهم؟؟ ياتري الريس سمع الأسماء دي؟؟

ومع ذلك أنا ضد إهانة الرئيس خصوصا بعد خطابه الأخير
ضد إستمرار التظاهرات سواء مع أو ضد الرئيس بعد خطابه الأخير
ضد تنحي الرئيس في الوقت الراهن ولتكن الفترة المتبقية فترة لترتيب الأوراق والتفكير في من سيكون الرئيس القادم

رد: حقك علينا يا ريس
 

حقك علينا يا ريس....
بس كويس اللي حصل ....... الشعب كشف للرئيس الخونه من اللي حوليه

رد: حقك علينا يا ريس
 

اللهم أزل تلك الغمه عن مصرنا

وحافظ عليها من كيد الكائدين وغدر الغادرين

لكى تستمر محروسه ............إلى يوم الدين

وحصنا وأمانا .........لنا ولأولادنا حتى لقائك يارب العالمين


وألهمنا جميعا على التعرف على عيوبنا وتلافيها

فلقد قال رسول الله (ص)

كل إبن آدم خطاء ........وخير الخطائين التوابون

صدق رسول الله (ص)