رد: مانع التسريب البسيط من الردياتير الغير معروف مصدرة=Radiator Sealer & stop leak
 

مش كما تدعى

فيه حاجه أسمها الفكر والعقل

لا يجب أن تلغيه

مهما كان اللى بيقولك

خد

أمال فكرك وفهمك فين !!!!!!!!!!!!!!!!!

طالما عندك الأستطاعه للتفرقه بين كل ماهو غض وماهو ثمين

طبيعى كل صانع منتج بيرفعه فى السماء

ألا يقولون

القرد فى عين أمه ...........غزال

رد: مانع التسريب البسيط من الردياتير الغير معروف مصدرة=Radiator Sealer & stop leak
 

رد: مانع التسريب البسيط من الردياتير الغير معروف مصدرة=Radiator Sealer & stop leak
 

أنت جربت ولم تنظر إلى ماستقوله الأيام مستقبلا

ونظرا لأننى أعملت تفكيرى

فلن أجرب أساسا

ولما أسد مكان التسريب من الخارج أفضل لى ولمكنتى

ولو أضطررت لشراء رادياتير تانى

فده أفضل كمان من محاولة تلييس مكان التسريب من الداخل

لا وكمان الماده المليسه موجوده فى كل مكان فى دورة التبريد

_________________________ ____

فكون الصانع يحذر من عدم تكرار المحاوله فى حالة الفشل فى سد التسريب

فهذا أكبر دليل

على أن تلك المعالجه غير مفضله فنيا على مكونات دورة التبريد

وخصوصا مسارات التبريد

وميكانيكال سيل طلمبة التبريد

لابد أن لاننظر تحت أقدامنا .............ولكن يجب أن نتخيل وبمنطق علمى

مايمكن أن تقوله الأيام على المدى البعيد

رد: مانع التسريب البسيط من الردياتير الغير معروف مصدرة=Radiator Sealer & stop leak
 

مشكور اخي الفاضل علي المعلومات المفيده

رد: مانع التسريب البسيط من الردياتير الغير معروف مصدرة=Radiator Sealer & stop leak
 

صحيح انا أتفق معك يا باشمهندس وده رأيي الشخصي لاسباب كثيره وكلها منطقية
فلو علي سبيل المثال السائل السحري ده بيسد مسامات تسريب وبالفعل طلع مفعوله جبار وسحري وسد حاجه او تسرب ، بقيت السائل بمفعوله الفتاك ده حيروح فيييييين ؟؟
طبعا حيسد معاه حاجات تانية
طب يا عم ولو ما سدش ؟؟؟؟ >>>>> يبقا اكيد حيترسب
طيب لو حيترسب حيترسب فيييييين ؟؟؟؟
خد عندك بقا ، يا حيترسب في طرمبة الماية ،، يا اما في مجاري المايه اللي في بلوك وجسم الماتور نفسه اللي اسااااااساً بتبقى خشنة من الصدا والرواسب ومن البلهرسيا اللي بنشوفها في دورة المايه لو الراديتير بقاله فتره ما اتنضفش ، وغير كده الراديتير نفسه اللي بيبقا مليان رواسب اكيد حتساعد زيادة المواد دي وعشان كده قالك ايه ؟ كفاية عليك علبه واحده بلاش اتنين :hd:

انا في اعتقادي ان الموضوع ده زيه زي السائل اللي بيقولك ضيفه في تانك البنزين (( وحينضفلك التانك من البلاوي اللي موجوده فيه يا بيــــــــه ! اه امال ايــــــه يا بيه ! )) ،،، طيب هو البلاوي اللي حينضفها في تانك البنزين دي ويفتفتها دي ، أكيد طبعا مش بنسبة 100% حيبقا اكيد في رواسب معلقة لو 1 % ، يعني طبعاً حتروح فين بعد كده ؟ تدخل على الرشاشات اللي زي خرم الدبوس وعيش حياتك بقا مع الميكانيكية يا معلم.

نصيحه مني ليك يا باشا لو فعلا جربته ، روح خدلك دورة تنضيف راديتير عند اي محطة بنزين !!
تقبل مروري
تحياتي ،،

رد: مانع التسريب البسيط من الردياتير الغير معروف مصدرة=Radiator Sealer & stop leak
 

معاك فى كل اللى فات ولكن فى الشويه دول

لى تحفظ بعض الشىء

فهناك فرق فعلا بين منظف بيعمل فى دوره هندسيه مفتوحه ( زى دورة البنزين )

بناخد منها ( من التنك ) ونحرق المنظف بالبنزين

وبين دوره مغلقه زى دورة مياه التبريد

مليئه بالمليسات المحجوزه معها فى نفس الخطوط

أى مجارى دورة التبريد وطلمبة المياه

عارف

لو كان صانع المنتج قالنا

ليس الثقوب وبعد كده مباشرة أعمل دور شطف لدورة التبريد

وأرجع أملاها تانى بسائل تبريد جديد

كنا قولنا ............ماشى الحال

أدينا ليسنا الخرم .............

وشيلنا باقى مكونات التلييس


بقدر الأمكان

وحطينا ميه جديده خاليه من الملوثات التى لايحمد عقباها مستقبلا

رد: مانع التسريب البسيط من الردياتير الغير معروف مصدرة=Radiator Sealer & stop leak
 

يعني برأيك ان موضوع منظف التانك او منظف دورة البنزين ما بيسببش اي نوع من الاضرار والا ايه ، وبتنصح بيه او بلاشه احسن ؟ ارجو الافاده وشكرا
وتحياتي ليك يا هندسة