رد: رجفة فى العربية
 

ايه الاخبار .... عملت ايه ؟؟؟

الظاهر فتحت الموضوع قبل ما حضرتك تشارك ... فمشفتش اخر مشاركه
على العموم طمنا لما تخلص ... وان شاء الله تكون حاجه بسيطه

رد: رجفة فى العربية
 

السلام عليكم يا شباب
ايه الاخبار؟

الحمد لله رحت شيكت على العربية النهاردة

انا بتعامل مع ميكانيكى كان بيشتغل فى وكالة شيفرولية و بعدين سابها و فتح محل لوحده و راجل تمام يعنى

المهم رحت له و شرحت له كل اللى حصل و شيك على الدينامو علشان الرسالة اللى بتظهر (check alternator)

قالى الدينامو شغال بكفاءة 80 %
و قالى الرجفة ممكن تكون من الكهرباء بردو

بس الفكرة انا الرجفة ماحصلتش تانى و حتى رسالة الدينامو ماظهرتش تانى
و قاللى ماخفش و امشى بالعربية عادى بس ابقى ارجعا له تبات عنده عشان يصفيها من الكربون و يعملها اعادة برمجة

انا بجد مش عارف ,, هو كدة كفاية ولا ايه ,,, بصراحة انا مش مرتاح و مش عاوز اروح لحد يشتغلنى و طبعا لو رحت التوكيل ---------------- لأنى رحت قبل كدة غيرت زيوت و فلاتر و دفعت ما يوازى 1200 جنيه مصرى
سرقة رسمى يعنى

ربنا يسترها من عنده

رد: رجفة فى العربية
 

هو ممكن يكون زي ما قولتلك سلك بوجيهات كان متحرك من مكانه
او كنت غاسل العربيه و شويه ميه جات علي البوجيهات و نشفت
و طالما اللمبه مش بتنور يبقي خلاص امشي عادي

رد: رجفة فى العربية
 

شكرا يا حازم باشا على الاهتمام ,,, انا همشى بيها عادى و امرى لله و ربنا يسترها من عنده

بسس
هو انا حاسس ان فيه كلمة اتشالت و تحط مكانها نقطططط فى مشاركتى الاخيرة
مش عارف ,,,,بس مش فاكر انى ممكن اكون كتبت كلام خارج عن حدود الاداب العامة

عموما اسف لو خرجت منى كلمة غير لائقة ,,,, مش قصدى اكيد
و تحياتى للأخوة الافاضل مشرفين المنتدى

رد: رجفة فى العربية
 

صباح الفل يا معلم طمنى عملت اية و الرجفة راحت ولا لسة ؟ احنا معرفناش عربيتك موديلها اية

ياريت لو الميكتبيكى بتاعك كويس تقول لنا علية علشان الواحد بيتقلب فى التوكيل وخاصة فى الحاجات البسيطة انا معايا افيو لسة جديدة بس لنت عارف العربية دى بتاعة مفاجات
اخوك عمرو

رد: رجفة فى العربية
 

ازيك يا عمرو باشا... منور المنتدى

هى الرجفة حصلت مرة واحدة بس و ماحصلتش تانى و هى غالبا مشكلة فى الكهرباء بالسيارة

أنا عربيتى يا باشا شيفروليه كابريس LTZ موديل 2004 (ماعتقدش ان التوكيل بينزلها فى مصر )
وده موضوع عنها لو حضرتك تحب تشوفها http://www.masrmotors.com/vb/showthread.php?t=3631

معلهش كان بودى افيدك والله بس انا عايش فى الكويت حاليا و الميكانيكى بتاعى هنا فى الكويت برده
لو تحب تشرفنا هنا فى الكويت اهلا وسهلا بحضرتك

و لو حضرتك عايش فى مصر أكيد الاخوة فى المنتدى هيفيدوك بميكانيكى كويس

و ربنا يبارك لك فى عربيتك الجديدةو و يديك خيرها و يكفيك شرها يا باشا

رد: رجفة فى العربية
 

السلام عليكم يا شباب ... معلهش انا عارف انى اتأخرت قوى

بس انا علامة الدينامو فضلت تطلعلى تانى و تالت لحد ما بقت طبيعى انها تنور :)

و الحمد لله غيرته و العربية شغالة كويس دلوقتى

بس تمن الدينامو يا جماعة غالى قوى ... تخيلو الاصلى عامل ما يوازى 2400 جنيه ......هل ده طبيعى؟؟؟

و التايوانى عامل ما يوازى 700 جنيه

ربنا يستر علينا جميعا يا رب ... و يخليلنل تايوان :)