رد: ما هى الدايو زاز ؟؟؟ و ماهى ميزاتها و عيوبها
 

http://www.masrmotors.com/vb/showthread.php?t=15549

http://prescottacf.org/img/ZAZ/zaz001.jpg

رد: ما هى الدايو زاز ؟؟؟ و ماهى ميزاتها و عيوبها
 

بص يا سيدي الفاضل , أنا كان معايا نفس العربية دي
مزتها : حديد مصفح زي اللادا ويمكن أجمد , ده أهم ميزة فيها
1200 CC يعني أكيد أحسن من الماروتي وغيره
الماتور ديوو وكويس لكن مش بتاع شد وحرق لكن سافر زي ما أنت عاوز
بص هي عربية متواضعة نسبيا بس تقدر تقول عاوزة واحد ميكونشي ناوي يغير قريب, حاجة كمان مفيش بور بس الدركسيون مش تقيل قوي

المشاكل
1- قطع الغيار موجودة في محل في شارع دمشق في القاهرة وفي كذا حاجة من اللادا وال ستروين بيتوافق عليها
2- مفيش تكييف
3- اعادة بيع صعبة
4- غيرت سير بعد 35 ألف
5- صيانة كهربة علشان الانذار كان رخم
6- غيرت ترومبت بنزين بعد 6 سنين

بص أنا وجهة نظري الحالة والسعر هم الفيصل

رد: ما هى الدايو زاز ؟؟؟ و ماهى ميزاتها و عيوبها
 

بجد شكرا لكل اللى رد .... و فى الغالب هاصرف نظر عنها و هادور على 128 او 127 تكون كويسه لأنى برده فى الغالب انا اللى هاستخدمها و اريح عربيتى
و اللى ادامه عربيه فى حدود ال 13 الف ياريت يقولى .... بس الأفضل انها تكون فى الأسكندريه لأنى مقيم فى الأسكندريه دلوقتى و لفتره اعتقد طويله .

رد: ما هى الدايو زاز ؟؟؟ و ماهى ميزاتها و عيوبها
 

اوك لو لقيت حاجه قدامي حقولك
انت تؤمر يا شريف باشا
طب ايه رأيك تيجي بكره مقابله طنطا
فيه اسكندرانيه جايين و ابو نورا و وفد رفيع المستوي من القاهره
عاوزين نشوفك يا راجل GIFT4U

رد: ما هى الدايو زاز ؟؟؟ و ماهى ميزاتها و عيوبها
 

شكرا يا حزوووووم ......... مستنى عربيه حلوه من طرفك ان شاء الله
بالنسبه لموضوع المقابله هايبقى صعب كتير انى اسافر طنطا

رد: ما هى الدايو زاز ؟؟؟ و ماهى ميزاتها و عيوبها
 

يا جماعة بدون قطع كلام اللى ماشفش وماجربش ومايعرفش مايفتيش.......فى ناس كتير هنا بتقول ان العربية دايو زاز دى وحشة وفشلت__
اولا فشلت عشان احنا مصريين وانتو طبعا فاهمين_طب ما ال لادا روسى والروسى احلى من المصرى............يبقى بقى ايه الفرق بين زاز ولاادا والاتنين روسى؟؟؟؟

واحب اوضح حاجة مبدايا ان انا عندى عربية زاز 2001وبقالها ياما معايا شوفو بقى

قطع الغيار ::فيه قطع غيار كتير اوى من عربيات مختلفة بتركب على الزاز
زى ال لادا طبعا وال128 ......ولو بقى فانوس امامى او خلفى فى ناس كتير اوى بتستورد حاجتها وارخص ما يكون سعر فانوس عربية يعنى مش معدى 150ج

استهلاك البنزين::انا عن نفسى بحط بنزين 80 ب 25ج بيكفونى اسبوع برغم انى مشوايرى كتيرة وكنت مستغرب اوى من موضوع الاستهلاك ده بجد قليل جدا ...وكمان موتورها 1200يعنى اصلا بيوفر

الصاج::والله عربية حديدة بجد تحس ان صاجها عامل زى النصر 1300 لو حد عارفها او 125....يبقى انت عايز ايه اصلا غير عربية قطع غيار رخيصة مووووووووت واستهلاك بنزين قليل وفى نفس الوقت قوية ............

اللى بيقول ان دايو زاز فشلت معلش يبقى مش فاهم لانها عربية مانزلهاش اعلانات كتير...او حد منكم يفتكر 2001 او 2002 انه سمع عن دايو زاز؟؟؟؟؟؟؟؟
بالتاكيد لا
بس هية كانت عايزة ترويج كويس او حملة اعلانات كتيرة وهو ده بقى خلى الناس تقولك انها فشلت واسمها غريب وابعد ......غلط غلط غلط....انصح اى حد بيدور على المواصفات اللى انا كاتبها ومع شكل تحس انه اسبور او شيك بمعنى اصح .....مايترددش ويشتريها

رد: ما هى الدايو زاز ؟؟؟ و ماهى ميزاتها و عيوبها
 

انا معاية دايو زاز و قطع الغيار موجودة يس غلية شويا وانتظرو تعديل دايو زاز 2001 وهى سيارتى قريبااااااااااااااااا:cra zyW14: