رد: حد عنده فكرة عن المشكلة دي ( فتيس اوتوماتك )
 

شكرآ يا باشمهندس لاهتمامك
فعلآ أنا زودت الزيت في محطة بنزين
بس خطوا نص كيلوا بس
هوه كان قالي زود كيلو
و قسته في محطة تانيه قالوا لي مظبوط
بس انا حاولت اقيسه فشلت
لانالزيت لونه شفاف و المقاس لونه ابيض
بادور العربيه و اجيب المارشديل و اشد فرامل اليد و اقيس
بس بصراحة مش متاكد الزيت في انهي مستوى !!!!!!!!
اعمل ايه عشان أتاكد من عوع الزيت لو سليم و لا لأ ؟
و هل في نوع ممتاز يعني ننهي بيه الشك ف نوع الزيت انا حطيت موبيل الغريب انه اول مره كان لونه شفاف لكن لما جم يزودوه ف المحطة كان لونه مائل للحمرة
و بعدين مشكلةالسخونة دي ممكن اعمل فيهاايه عشاناطمن اذا كانت العربية سخنة فعلآ زياده و لا لأ ؟؟

رد: حد عنده فكرة عن المشكلة دي ( فتيس اوتوماتك )
 

غير زيت الفتيس كله

لأن زيت الفتيس الصح

بيكون أحمر

واضح أن نوعية الزيت الحالى عندك غير مناسبه

غيره لزيت فتيس أوتوماتيك من أنتاج شركة موبيل مثلا

رد: حد عنده فكرة عن المشكلة دي ( فتيس اوتوماتك )
 

السلام عليكم ورحمة الله وبركاته

بما اني املك نفس السيارة
اعتقد ان المشكلة هتبقي فعلا في الزيت ونوعه
زي ما قال استاذنا م/ سمير

لان زيت الفتيس لونه احمر مش شفاف

فلازم تغير الزيت كله لزيت فتيس اتومامتيك من شركة موبيل او ايسوا وهما الاتنين زي بعض

ويا ريت لو اللي يغير الزيت يكون ميكانيكي ويا سلام لو متخصص في الفتيس يبقي كويس قوي

وبرده حضرتك لازم تقيس زيت الفتيس علي القياس الساخن مش البارد

يعني بعد ما تمشي بالعربية شوية وتنقل الغيرات وراء وقدام وكده
وبعد كده قيس الزيت

وان شاء الله ما يكونش عندك مشكلة في الحساسات

رد: حد عنده فكرة عن المشكلة دي ( فتيس اوتوماتك )
 

أن شاء الله هاغيرزيت الفتيس واقولكم على الوضع
و شكرآلاهتمامكم

رد: حد عنده فكرة عن المشكلة دي ( فتيس اوتوماتك )
 

النهاردهرحتعند الميكانيكي قدرآ
طلبت منه يقيس زيت الفتيس قاليناقص
كملته نص كيلوا قاسه لقاه تمام
العربية نقلت غيارات كويس بس شويهو رجعت تخرف تاني
النهارده لاحظتان الحرارةواضحانها عاليه جدآ بدليل وجود ضغط كبير في خراطيم الميه لكن المروحه ما اشتغلتش
و بعدينالمروحتيناشتغلوا سوا لمدة بسيطةو بعدين فصلوا سوا
واضح انه في مشكلة في التبريد
الأول كانت مروحة واحده بتشتغل و لما الحرارة بترفع جامد التانيه بتشتغل تساعدالاولى
لكن دلوقتي الاتنين بيشتغلوا مع بعض لما الحرارة بترفع جامد
اعتقد مطلوب مشوار للكهربائي
كانالمفروض اروحله النهارده عشان بكره الاحد بس اتشغلت جدآ و ما لحقتش
و بعدين لما الميكانيكي قاس الزيت لاحظت ان لونه مائل للحمرة .. روز يعني
هاروح للكهربائي الاول و اقولكم عالنتيجة

رد: حد عنده فكرة عن المشكلة دي ( فتيس اوتوماتك )
 

رحت عند كهربائي عشان يشوف مشكلة المراوح ايه
الراجل قالي تشتري صباع حرارة جديد
عملت المطلوب
جبته ب 85 جنيه
بعد ما ركبه الوضع ظل على ما هو عليه
العربية سخنة جدآ المؤشر اقل من النص بشويه بس المراوح مش بتشتغل
و فجأة المروحتين بيشتغلوا سوا لمدة بسيطة و بعدين بيفصلو سوا
بيشتغلوا حوالي خمس ثواني بس
و يفصلوا مدة كبيرة
سيبته و رحت لكهربائي تاني طلب تغيير صباع الحرارة
حاولت افهمه اني لسه مغيره و هوه مصمم انه العيب في صباع الحرارة
طيب الجديد و القديم نفس المشكلة بالملي اذاي ؟؟؟؟؟؟؟؟
لكنه قالي على معلومه مهمه
قالي انه في صباع حرارة تاني في كوع المية
فعلآانا شفته بس لما حاول يفهم هوه ليه فشل
شال فيشته ماحصلش حاجه
و لا حتي امبير الحرارة اتأثر
عمله توصيلة ببعضه محصلش حاجه
تفتق ذهنه عن انه ممكن يكون في حساس حرارة تاني جوه الكوع مش شغال
حساس ملوش و لا سلكه داخله و لا خارجه !!!!!!!!!!!!!!!!!!!!!!!!! !!!!!!
طلب مني اروح عند ميكانيكي عشان افك كوع الميه المعدن و اشوف الحساس الي جواه
قالي العربيات الخليجي بيكون فيها حساس ميه جوه الكوع
طب م الحساس ده ظاهر قدامك اهه و ف الكوع برضه
قال لا في حساس تاني جوه الكوع
بس بصراحه هوه ماكنش صاحب الورشة
صاحب الورشة معلم بس هوه مكنش موجود
هاحاول اعدي تاني بكره ممكن الاقيه
لو حد من الزملاء بالاخص ابو سهيلة ممكن يعرفني شغل المراوح دي بيكون عنده لمدة اد ايه و الاتنين معآ و لا واحده بس
يقولي
و شكرآ

رد: حد عنده فكرة عن المشكلة دي ( فتيس اوتوماتك )
 

حاول تجيب ترمومتر وتحطه فى القربه وتبته صح على زور القربه بأى وسيله

بحيث يستمر بعيدا عن الخوص فى القربه نظرا لعمقها الكبير عن طول الترمومتر

يادوب الترمومتر يبقى مغمور فى مية القربه أو الردياتير

( حسب الوضع عندك ) لغطاء تنفيس وضغط دورة التبريد

وسخن العربيه وأنت واقف

وشوف درجة الحراره حتعمل معاك كام

فى وضع أستقرار الحراره العادى على عداد الحراره

جايز فعلا تواجد مشكله خفيه عندك فى دورة التبريد

ممكن يكون سببها أى مكون فعلا فى دورة التبريد

قيس الحراره أولا

علشان نشوفها مقبوله ولا لا

وبدون تشغيلك للتكييف