رد: عربيتك البروتون ... تقدرها بكام؟
 

يا صلاح باشا أنا سبق و قلتلك إنك الأب الروحى للساجاوية
يعنى إنت كبير الساجاوية بلا منازعyesyes
أنا عايز بس باقى الأسود تقول رأيها علشان لو فى وجهات نظر مختلفة الكل يستفيد
و شكراً على متابعتك

رد: عربيتك البروتون ... تقدرها بكام؟
 

انا اللي قلت انها متستاهلش 85 الف!!!
نيجي بقى للاسباب
مقارنة بسيطه بينها و بين الكوري نجد ان اغلب الكوري في الفئة دي بسعات محرك اكبر و كماليات قد تكون اكثر و لكن بنقص الوسائد الهوائية ( وسيلة الامان الوحيدة في الساجا)
اللوجان منافس شرس الفئة الفل اوبشن بها وسائد هوائية و جميع الكماليات في الساجا بسعة محرك 1600 و استهلاك وقود اقل من الساجا ارتفاع عن الارض مشهود له و وزن و ثبات لا غبار عليه بسعر 68 الف و توكيل EIM كلنا عارفين مدى التزامه و احترامه لعملائه و مشهود له من الجميع!!! فلو الساجا زادت عن 65 الف جنيه واحد يبقى من الاخر بتلعب لزيادة ربح رينو على حساب غبائها التسويقي!!!
(للعلم قبل ما حد يقول لوتس , لوجان تعتمد شراكة رينو و نيسان و داتشيا مجتمعه!!!) يعني لو ما كانش احسن تبقى متساوية في الجودة! دا غير اتساع صالون السيارة لصالح اللوجان!
المنافسين الشرسين (لانوس و فيرنا ) برغم ان كمالياتهم قد تكون اقل و عدم وجود وساده هواءية اللا انهما يظلان السيارتين الاكثر مبيعا في فئة تحت ال 70 الف فلو الساجا فكرت تقرب من حاجز ال 70 الف يبقى قول باي باي و معروف في السيارتين توافر قطع الغيار و رخص ثمنها جوه التوكيل و برا التوكيل ببلاش و كفائة تكييفها و سهولة اضافة اي كماليات لها و سهولة صيانها و احتفاظها بسعر اعادة بيع فوق الممتاز و سرعة بيعها عند الحاجة لكثرة الطلب عليها!!!
ثالثا! منافس من القارة الاسيوية ايضا ( و ان يعيبه توكيله ايضا و هو وليد توفيق ) نجح وامكو ( وليد توفيق ) زكيل كيا السابق في الحصول على توكيل اقدم و اكبر شركة سيارات في الصين فاو و بالرغم من الماخذ على توكيل وامكو اللا انه تميز بتسويق سيارته الناجحة عالميا فاو ( تسوق بنسب مبيعات مرتفعه في امريكا الجنوبية و المكسيك و روسيا ) فاو فيتا بسعر 60 الف جنيه للسيارة الفل اوبشن ( جنوط + 2 وساده هوائية + فرامل اي بي اس + اي بي دي + سي دي + يو اس بي + حساسات ركن + تكييف + سنتر + ريموت + انذار + عداد ار بي ام + قطع غيار مجانية للصيانات هدية مجانية للعملاء المتميزين) بمحرك و عفشة و ميكانيكا تويوتا بالكامل حيث انه الشريك الاستراتيجي لتويوتا عالميا ( و مازدا و فولكس فاجن ) اي ان البودي و الشاسيه فقط تصنيع صيني ذاتي و اثبت نجاحه في اختبارات السلامة الصينية و الروسية و المكسيكية و نال رضا و قبول ملاكها بلا اشتثناء و تتميز بامكانية استخدام قطع غيار تويوتا اليابانية فيها و يعيبها فقط ضعف التكييف نسبيا ( استغراقه وقت اطول للتبريد )
بسعر 60 الف فقط للهاتش باك و 64 الف للسيدان! مع رخص قطع غيارها بسكل ملفت داخل التوكيل ( حازت السياره على دعاية في الصحف الرسمية لتوضيح اسعار قطع الغيار في التوكيل)
همممممم هه ايه رأيك؟ نتكلم عن البي واي دي و الاسبيرانزا؟

القرار ايه ؟ نزود الساجا لحد 85 الف؟

رد: عربيتك البروتون ... تقدرها بكام؟
 

عزيزى ... مبدئياً الساجا فيها دعامات صلب بالشنطة و الأبواب و التابلوه و بها إيمبولايزر فى نظام الإنذار مما لا يجعلها فريسة لكل من هب و دب و كان صبى كهربائى ثم إنحرف:06A7D5~132:
ثم مين قال إن الرينو لوجان قيمتها مش عالية؟!...العربية ممتازة وقيمتها عالية و لكن يعيبها عدم وجود النموذج الأوتوماتيك منها و حضرتك تعرف شوارعنا دلوقتى عاملة إزاى
العيب الحقيقى فى السوق هو سعر الفيرنا و اللانوس اللى ينرفز و شادد معاه السوق كله (بلغة رجال التسويق)
يعنى إيه عربيات بقالها أكتر من سبع سنوات مازادش فيها مسمار و سعرها بيزيد كأنها يتم تطويرها؟!...
يعنى إيه الفيرنا تتجمع فى مصر و تتباع بالسعر ده؟!...:hech:
سيدى الفاضل الفيرنا عيبها مش عدم وجود وسائد هوائية فقط و لكن يعيبها إن موتورها قوى جداً و لا يتناسب مع هيكلها (بتبقى كفتة فى معظم الحوادث لا قدر الله) و طبعاً العفشة مش مصممة للسرعات دى و بالتالى ثباتها (مراجيح) و أخيراً فراملها بسكليتة (واحد صاحبى كان فاضل يطلع رجلة يفرمل بيها فى الأرض علشان يوقفها)
يعنى أدى حضرتك صباع ديناميت و أقولك ده أحسن من صواريخ رمضان
بالله عليك مش حاجه تغيظ :fun_36_1_28[1]:
و اللانوس موتور 8 صباب و أصلا متاخد من أوبل (مش فاكر أى موديل) أواخر التسعينيات
ما بتحسش إنك بتستغل لما تدفع فى عربية موتورها مصنع بتكنولوجيا أواخر التسعينيات 70 ألف جنيه؟
المشكلة إننا بنقلد بعض و ده اللى عمل سعر للعربيات دى و طبعاً رخص قطع غيارها و سهل صيانتها
و أخيراً الصينى زى الفل إلى أن يثبت العكس ... بس بصراحة لما شفت الكراش تست بتاع كام عربية صينى و إتمنعت من دخول الإتحاد حسيت إن المخاطرة غير محسوبة
يعنى الأيه بى إس وإيه بى دى و الإيرباج و حتى لو حطلك صعايدة فى العربية يحضنوا عليك ... ممكن كل الهيلمان ده يجيى وقت الجد و يطلع فشنك
يعنى الموبايلات الصينى اللى بيقولوا إنها حتى بتعمل نسكافيه ... ما تسمعش منها كلمتين:cry2W9:
سيدى الفاضل إرتفاع القيمة ليس قاصر على بروتون وحدها ... و لكن لازم أكتب بروتون لإن حضرتك فى منتدى بروتون
و أنا بروتوناوى أصيل:THUMB_~112:
شكراً:fun_36_1_39[1]:

رد: عربيتك البروتون ... تقدرها بكام؟
 

بصراحة الدنيا كلها نفسها العربيات سعرها يقل اللا هنا كله عايز العربيه سعرها يزيد! مش فاهم ايه مدى او الغرض من الفكر ده؟ جبت عربيه بسعر رخيص بس عايزها تغلى علشان الناس يقولوا راكب عربيه غالية؟ ايوة قيمتها فيها كلمه معقولة بس عربيه ب 60 الف تقول قيمتها تسوى 80 الف انا مش فاهمها! لما البي واي دي زادت من 64 الف الى 67 الف مالكيها اول ناس هاجموا الزياده دي لانهم فاهمين الدنيا صح و عارفين ان مهما عربيتهم حلوة و عملية و يتقال فيها شعر ملهاش حصه كبيرة في السوق ( و اسمها في مشروع احلال التاكسي ) لانهم عارفين ان زيادة سعر عربيتهم مش في مصلحتهم هما شخصيا, يعني مش حيقول انا راكب عربيه ب 70 الف و خلاص! الطلب على العربيه حيقل و المبيعاتها حتقل و ممكن تفشل تسويقيا (زي عربيات كتير ) و تبص تلاقي بعد 5 او 6 سنين الموديل ده او العربيه دي مفيش منها في مصر اللا بضع مئات من السيارات فبالتالي التجار مش حيوجعوا دماغهم يسافروا يجيبولها قطع غيار واللا يطلبوا من مصانع قطع الغيار يعملولهم تقليد ليها علشان الطلب! حتلاقي نفسك بتدوخ السبع دوخات على ما تلاقي قطعة غيار بسعر مبالغ فيه و متلاقيش اللا محلين او تلاته عندهم يودوك و يجيبوك زي ما هما عايزين
و ثم العربيه تمنها من بلدها بعد اضافة الجمرك و المكسب 61 الف ليه نتمنى انها تتباع ب 80 او 85 الف؟ بنحب التوكيل قوي كده انه يجني ملايين على حساب الناس الغلابة اللي نفسها تركب عربيه محترمة؟
عموما كلامنا كلنا ملوش لازمة لانها حقيقة ثابتة! انتشار ال 516 و اللوجان و الساجا نتيجة سعرهم المنافس فقط لا اكثر! لو كانت الساجا ب 85 الف كنت انت اول واحد مش حتفكر فيها حتى!
و لما كانت اللوجان ب 71 الف فضلت في معارض السيارات سنتين متبعش منها 3 عربيات على بعض
صح واللا ايه؟

تحياتي :THUMBS~220:

للعلم احنا معانا لانسر الايموبيلايزر فعلا حلو بس لما العربيه بتتنظر انها تتسرق برضه بتتسرق و ياما هوندات و بي امات اتسرقت من تحت بيوت اصحابها في ثواني و فيها اللي فيها! ربنا يسترها بس كل الصيني نازل ايموبيلايزر ! ساعات بحس ان الغرض منه في مصر انه يعقدك! المفتاح يضيع يبقى لازم تغير الكمبيوتر او تعمل نسخة من الاستبن ب 300 جنيه!!!!

رد: عربيتك البروتون ... تقدرها بكام؟
 

مين قال إننا نفسنا إن العربيات سعرها يزيد؟!...
كل الحكاية إن فى عربية لو زاد ثمنها كام ألف حتقول ... مش خسارة فيها
و عربية أصلاً ثمنها كتير عليها
شكراً على مشاركتك الجميلةGIFT4U

رد: عربيتك البروتون ... تقدرها بكام؟
 

شكرا ليك انت كمان! شخص محترم و فعلا العربيه محترمة! اقولك سر؟ شهر فبراير اللي فات انا اديت عربيتي ال 128 لاخويا و كان معايا 35 الف عاملهم ميزانية لشراء عربيه تانية يا اما مستعمل في حدود السعر!

المهم كانت عيني على الجديد: الساجا بسعرها الاول 62000 كانت حتحول عيني و فعلا قارنت بينها و بين اللوجان و الفيرنا و اللانوس و الدايهاتسو سيريون وان و البيكانتو (تجاهلت الصيني كله ما عدا الفاو فيتا لانها شركة عريقة ) و بصراحة الساجا كسبت لدرجة انني رحت معرض جنب البين و اتكلمت انني اجيبها ( و فعلا رتبت مع الاسرة انهم يكملولي المبلغ سلف و اسدده لاحقا) بس في اخر لحظة ربنا وفقني في السيارة اللي امتلكها حاليا بسعر مناسب و حاله فوق الممتازه!! فصرفت نظر عن التسلف

و زعلت لما باقت ب 64 الف و لما غليت تاني!
لاني كنت بفكر اجيبلها لو حبيت اجيب عربيه تاني!!! بس انا بكره الاسغلال و لو حركب مواصلات! طالما مفيش تعديل و لا اضافه في السيارة انا اعترض على رفع سعرها!!!

رد: عربيتك البروتون ... تقدرها بكام؟
 

بصراحة عندك حق تزعل لإن العربية تستاهل
أنا فاهم وجهة نظرك إن الحاجة النهاردة ب 10 و هى هى بكرة ب 11 ليييه؟!...:w6w20050411224 5306e
و ده هو اللى مخلينى متضايق من الفيرنا و اللانوس
بس بصراحة مش خسارة فى الساجا
و ربنا ينولهالك إن شاء الله:w6w2005041122473461
و شكراً تانى مرة لذوق حضرتك:1463B6~153: