مصر موتورز مجتمع السيارات - ازاى مكنة الباك فير بتتركب ؟

مصر موتورز مجتمع السيارات (https://www.masrmotors.com/vb/index.php)

- التعديلات الشكلية (https://www.masrmotors.com/vb/forumdisplay.php?f=127)

- - ازاى مكنة الباك فير بتتركب ؟ (https://www.masrmotors.com/vb/showthread.php?t=45786)

رد: ازاى مكنة الباك فير بتتركب ؟

انا النهاردة جبت بوبينة وبوجية ووصلتهم ببعض وايديت للبوبينة كهربا وان البوجية يطلع شرارة مفيش طيب روحت مديها ارضى وكهربا سالب وموجب انها تطلع شرارة بردو مفيش طب انا عامل اية غلط ميش عارف

رد: ازاى مكنة الباك فير بتتركب ؟

ياباشا معلش سامحنى أنا مش عارف أرد ولا حتى أدور على معلومات عن الموضوع علشان الأمتحانات وكده.

المفروض أن الموبينة طرف بيتوصل بالقطب الموجب للبطارية والطرف التانى أرضى.

والمخرج اللى فى النص هو اللى بيطلع الشرارة للبوجيه, ولو لاحظت صورة البوجيه كويس, لازم البوجيه يكون متوصل أرضى من تحت الصامولة, وده بيحصل وهو راكب فى الموتور بأن الموتور بيكون الأرضى للبوجيه.

http://img387.imageshack.us/img387/7294/31331bg8.jpg

دى مقالة بالأنجليزى بتوضح كيفية تنفيذ المشروع بالظبط:-
http://www.freecarkits.com/flamethrower.htm

والبوجيه هيبركب قبل علبة الشكمان بشوية, أو بعدها, المهم يكون فى الشكمان..

أنا بحاول أساعدك على قد ماقدر ياباشا, بس أما طبعا مش خبير, ودى معرفة عادية مش خبرة يعنى.

وعلشان الفكرة دى تنجح لازم يبقى فى وقود يشتعل أصلا, وده يا أما بمصدر وقود زى رشاش بنزين أو بروبان, أو أن العربية تبقى بتطلع بنزين زيادة الى الشكمان, فى حالة أنك بتدوس بنزين جامد مثلا.

وحاجة تالتة ياباشا معلش, زى ماحضرتك عارف العدد دى اللى بيركبها فى عربيته قليل جدا بره وهنا, بالتالى مافيش مرجع موثوق فيه نقدر نجيب منه معلومات دقيقة عن الموضوع, فبالتالى الموضوع حضرتك بتعمله كتجربة أكثر منه كمشروع:(

وأسف مرة تانية على التأخير, الأمتحانات والجامعة.

رد: ازاى مكنة الباك فير بتتركب ؟

يا حبى ولا يهمك انا باخد رائيك ك اخ ليا وبيفهم اكتر منى وبعدين لو ربنا كرم واشتغلت مصلحة للكل يبقى كلة ماشى بيطلع نار :crazyW14:والف شكر على الرد يا معلم

رد: ازاى مكنة الباك فير بتتركب ؟

اقتباس:

المشاركة الأصلية كتبت بواسطة Injection (المشاركة 339131)

أنا بحاول أساعدك على قد ماقدر ياباشا, بس أما طبعا مش خبير, ودى معرفة عادية مش خبرة يعنى.

مين ده !!!! يا باشـا ده انت خبيــــــــــــــــــــــ ـــــــــــــــــــــــــ ـــــــر لبكره الصبح
تحيـــاتى

رد: ازاى مكنة الباك فير بتتركب ؟

السلام عليكم اللى عايز يركب باك فاير فى سيارتة سواء كانت انجكشن او كربراتير يراسلنى على الايميل virus20010@yahoo.com او على الفيس بوك بنفس الايميل وعندى فيديو لسيارات بيجو 504 ولانسر معدلة ايفو متركبلهم باك فاير والسلام عليكم ورحمة الله وبركاتة............