مصر موتورز مجتمع السيارات - شيفروليه سبارك الجديدة كليا

انا لفيت جامد عشان عايزة اجيب سيارة جديدة و لقيت الفئة المتاحة بالنسبة لي هي البيكانتو و i10 و السبارك وكلهم في رنج واحد تقريبا و كلهم شكلهم مش جذاب نهائي خصوصا من جوا لما شفت اسبارك الجديدة لقيتها جذابة جدا من الداخل و الخارج تفوقت على ذويها لما تبقى المواصفات واحدة تقريبا و السعر متقارب يبقى هي احسن يعني مثلا سبرانزا دي فاشلة بكل المقاييس و سعرها كويس كان عندنا اسبرانزا A13 اللي بشنطة مش هاتش باك و لما وصلنا 100 ألف كم كانت خلاص عايزة تتغير كلها اصلا و هي جديدة غيرنا مساعد و علبة شكمان عيوب تصنيع و بعناها 35 ألف بعد عذاب كمان و احنا كنا مهتمين بمواعيد تغيير الزيت و السيارة كانت فبريكا مافيها خدش واحد هي عملت كلوات كتير لأن الشغل كان في برج العرب فكل يوم عدد من الكيلوات و أنا شايفة ان دا ارحم من السواقة في نص البلد اللي بتكلبش السيارة فدي كويسة !! و سعرها مناسب !! المهم حتعيش قد إيه ... في مصر ماحدش بيغير السيارة كل يوم فأعتقد ان سعرها مناسب بالنسبة لذويها دا رأيي بعد ما لفيت و شوفت كل الفئات لقيت ان اتكتب علينا في مصر ناخد السيارة بسعر خيالي فلو قلنا ماتستهلش سعرها مش حنشتري اصلا