|
رد: ماحستيش فيوم ان عربيه حيه ؟
اما انا بقي فكان عندي حاجه غربيه بتربطني بعربتي الاكسيل لازم كل يوم الصبح اصبح عليها وابوس دركسيونها ولو يوم مطلعتش بيها ابص عليها فالجراج واقعد فيها شويه ولما اكون متضايق قوي اقعد فيها بس واحس بعد كده ان الدنيا زي الفل وتمام لدرجه والله ان العربيه لما كنت اسافر الصعيد ايام الكليه وبابا يوصلني والله تيجي فنص السكه عالسريع وتبطل ومهما عملنا فيها استحاله تدور ولما ايأس منها واخد عربيه من عالطريق مكملش ربع ساعه والاقي بابا يكلمني ويقوللي العربيه دارت عادي جدا وروحت بيها مع العلم ان العربيه قعدت معايا 4 سنين مافكتش فيها مسمار غير مسمار طبه الزيت حتي عمري مافكيت فرده كاوتش عشان اتخرمت ولا حاجه ولا عمرها كسفتني كنت بشد بيها مع لانسر وتويوتا وعمرها ماكسفتني حتي صحابي كانوا مفكرنها ملبوسه ولا حاجه ولما بعتها وجبت الانجلون عيطت عياط وزعلت عليها قوي .
|
رد: ماحستيش فيوم ان عربيه حيه ؟
واوعي اي حد يفتكر دي تهيوئات ابدا
بدليل ان ربنا سبحانه وتعالي بيعبده ويسبحه الجماد يبقي اكيد فيه حاجه بتحس بس احنا مش ملاحظنها اوعرفنها |
رد: ماحستيش فيوم ان عربيه حيه ؟
فعلا ً ممكن احس بالموضوع دة خاصة فى عربيتى القديمة الاكسنت
كنت لما بغسلها غسلة حلوة برة وجوة بنفسى بلاقيها فاقت وعملت دماغ عالية يمكن مجرد احساس لكن كنت دايما بلاحظ دة وشكرا اخى عالموضوع |
رد: ماحستيش فيوم ان عربيه حيه ؟
:playing_music:
|
رد: ماحستيش فيوم ان عربيه حيه ؟
انا كنت فاكر نفسى مجنون بجد انا بحب عربيتى اوى
فكرت ابيعها مرة ورتنى الزل الوان مرمطتنى ولما شيلت الفكرة من دماغى كائنى راكب مرسيدس حمالة اسية مفيش مرة هانتنى فى الشارع مبستحملش عليها حاجة لحد لما الميكانيكى الى انتة موسوس بتعامل معاها كانها كان حى مبحملهاش فوق طاقتها الحمد لله على النعمة الى ربنا انعم عليا بيها والحمد لله انى مطلعتش مجنون هههههههههه :crazyW14: |
رد: ماحستيش فيوم ان عربيه حيه ؟
الموضوع ده صحيح اول عربيه جبتها فى حياتى كانت فيات 1100 فعلن كانت اصيله يوم متعطل بنزين او كاوتش لازم تكون جنب بنزينه اوبتاع كاوتش وبعد 6 سنين على الحلوه والمره حسيت انى هبعها واتجوزواحده تانيه قلتلى ورينى نفسك لوراجل اعرف تبعنى مع العلم ان كل المنطقه كانت بتحسدنى عليها لدرجت ان هيا كانت هتموتنى بس ماكنتش هتعبينى فى كياس دى كانت هتلزقنى فى الاسفلت زى الصرصار وبلاش تعرف افترقنا ازاى:14BFD8~148:على فكره صورته فى لوجو التعارف والله وحشنى اوىىىىىىىىىىىى
|
رد: ماحستيش فيوم ان عربيه حيه ؟
انا عربيتى الشاهين اسلوبها مختلف شوية,
مرة فكرت ابيعها لاقيتها بتسحب معايا بزيادة و بتتجاوب و كأنها بتقولى متبعنيش انا احسن من العريبة اللى انت هتجيبها, لما اكون مزاجى رايق و خارج تسحب معايا و تتجاوب و مزاجها يكون رايق و تنساب بين السيارات الاخرى برشاقة و خفة. |
| الساعة الآن 08:27 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017