رد: i10 2011
 

اولا دي مشاركتي الاولي في منتداكو ،GIFT4U

ثانيا الكلام بتاع الi10 ده هينزل مصر امتي ان شاء الله ؟
احنا طول عمرنا متعودين من الوكلاء المحترمين بتوعنا ان الموديل بينزل في العالم كله و بعدين ينزل عندنا بعدها ب سنة علي الاقل .
الحاجة التانية ان علي معلوماتي موديل 2011 نزل فعلا من غبور و مفيش تغيير عن 2010 .
الحاجة التالتة ، تفتكرو ان غبور ممكن ينزل abs في عربية بحجم الi10 ؟؟؟؟؟؟؟؟ ده طبعا مع ملاحظة ان ال accent rb الجديدة مفهاش.
ياريت لو حد عنده معلومات عن 2011 اللي نزلت يفيدنا


و اسف للاطالة

رد: i10 2011
 

العربية خلاص هاتنزل الدفعه اللى جاية هاتتسلم من الشكل الجديد
وده مش شكل جديد هو اسمهFACE LEFT يعنى تغير طفيف فى الفوانيس مثلا او الاكصدمات
لان الشركه فى كوريا اصبحت من احسن الشركات فى العالم وهى متبعه سياسة حلوة
هى سياسة تثبيت الشكل عشان تحافظ على سعر اعادة البيع بس من وقت للتانى بتزود رتوش بسيطه عشان الناس متملش
اما بالنسبه لموضوع ان العربيات بتنزل عندنا بعد فترة
ده باختصار شديد يرجع لان الكوريين بيعملوا عربية مخصوصه لكل بلد رايح لها
من الموتور والسى سى واستهلاك البنزين ويترى يمشى سولار ولا لأطب البوزين نوعه ايه اى هايستعمل
ولاحظ ان الافانتى منزلتش ولا فى الخليج ولا فى شمال افريقيا لان الموضوع مش باييد الوكيل
اخيرا الABS مع الاير باج بيزود تمن العربية
يعنى لو قولتلك العربية الاى 10 بالايرباج سعرها 82500 اوتوماتيك كامله هاتشتريها؟؟؟؟؟؟؟؟؟؟؟؟؟؟؟
كانت الناس اشترت دايهاتسو سيريون
زى خدعة التويوتا الياريس اللى 1300 سى سى بتباع ب112000
وعلى فكرة بخوص اكسنت ار بى هاينزل فيها ايرباج وايه بى اس
ممكن تعرف التفاصيل من هنا
http://www.masrmotors.com/vb/showthread.php?t=45583

رد: i10 2011
 

معاك حق في حكاية السعر دي فعلا بس ماهي العربيات دي بتتباع كده في كل الدول برة مصر بس جايز عشان الجمارك عندهم قليلة مش بيبقي مبالغ في سعرها ،

بس حضرتك متأكد ان الدفعة الجاية مختلفة ؟ يعني انا لو حجزت i10 من غبور دلوقتي هستلم اللي بشكل الفوانيس الجديد؟؟؟؟ ياريت معلومة اكيدة عشان الموضوع ده مهم بالنسبالي ، و لو كان كده فعلا حضرتك ماتعرفش هاتنزل بنفس ال 3 فئات اللي بينزلو دلوقتي ولا لأ ؟ ولو تعرف حاجة عن الاسعار يبقي كتر ألف خيرك

رد: i10 2011
 

((أسأل الله العظيم أن يفك هذا الكرب ويجعل كيد كل من اراد الخراب فى نحره )):playing_music::playing _music:

رد: i10 2011
 

فينكو يا جماعة مفيش اي معلومة بخصوص شكل موديل 2011 ، ياريت لو حد يقدر يتصل بأي موزع معتمد و يسأله عن الشكل و الاسعار

رد: i10 2011
 

ايه يا جماعة فين النشاط ؟ مفيش ولا رد النهاردة !!!!! ياجماعة ضروري لوسمحتو عايز احدث اسعار i10 عشان الاسعار بتاعتها اللي علي contact cars مش مظبوطة و ياريت حد يعرف حكاية الشكل الجديد ده هينزل امتي في ناس بتقول هيتسلم الدفعة الجاية !!!!!!