رد: رينو 21
 

الماتور 1800

رد: رينو 21
 

باشا انا اسف جدا انى اتأخرت عليك بس فعلا كل ما اسأل حد على قطع غيار للعربيه دى يقولى مش موجود غير استيراد
وبصراحه لقيت واحد وانا فى التوفيقيه عنده قطع الغيار بتاعتها بس غاليه جدااااااااا
يعنى تيل الفرامل الامامى ب320
فى حين ان التيل الامامى بتاعى ب175 وكنت مستغليه جدا
وسألت على جوان غطا التاكيهات ب90 جنيه عندى ب50
وبصراحه انا حاسس انها اسعار غاليه عليها
رأى الشخصى بلاش منها
مع مراعاه انها عربيه ممتازه جدا

رد: رينو 21
 

thanx aweee aweee

رد: رينو 21
 

انا والحمد لله اشتريت العربيه ديه من يومين .. عاوز اعرف اظبطها فين .. عاوز حد كويس يفهم فى الميكانيكا بتاعها , والتكييف و العفشه والكهربا ويكونو حنييين عليا شويه ,, وعاوز اعرف بردو اجيب قطع غيارها منين سواء جديده او استعمال خارج .


ارجوكو افيدونا يا بتوع الرينو يا جامدين .., يا ريت يا اخ بوب ترد عليا بالتفصيل .. العربيه ديه جامده اوى وعاوز اظبطها ظبطه حلوه علشان توعد معايا شويه حلوين .... وشكرا .

رد: رينو 21
 

اولا يا باشا
الميكانيكا انا بتعامل مع ميكانيكى كويس(مش متخصص رينو) بس هو كويس جدا وبيشتغل بما يرضى الله
ولو عايز تعرف ميكانيكيه الرينو انا ممكن اوصفلك تجمع ليهم فى صقر قريش بس انا لا احبذ الموضوع ده التجمعات دى بيبقى فيها نصابين كتير وانت لسه جديد ومتضمنش لو كده ممكن تروح مركز خدمه يكون كويس وتمنه فى الحنين فيه واحد جنبنا فى فيصل (لو احتجت عنوانه اجيبهولك ونروح مع بعض كمان عشان متوهش)
التكييف اى صنايعى تكييف مفيش حاجه اسمها تكييف رينو وتكييف بيجو ولا دايو كلهم دايره تكييف بس برضه تدور على واحد كويس وانا اعرف راجل كويس وده مكانه فى شبرا(وبرضه لو محتاج الوصف)
العفشه فيه عفشجى كويس جدا اعرفه وبرضه فى شبرا ptmnlo123per1127
الكهرباء دى بقى بصراحه معنديش حد معين هو انا ليا واحد بفضل اتعامل معاه انما هو مش متميز
قطع الغيار الجديده هتلاقيها عند واحد اسمه ميشيل(رينو هوم) ليه فرعين فى شبرا وفى عين شمس
الاستيراد اكيد الوكاله
وفيه برضه واحد جنبى فى فيصل
واى حاجه محتاجها انا تحت امرك يا باشا
اخوك بوب الجامد