رد: رابطة مالكي الكيا سيفيا فيد واستفد ( صداقة - نقل خبرات )
 

>>>> دي يا باشا صوت البلوف ( التكاهات ) هو اللي بيعل الصوت ده ، وظهر عندي مأخراً ( بصره ) وكده عاوزين تغيير ، اهتم بالزيت وماتسيبوش كتير ، انا عن نفسي مش بسيبه اكتر من 2000 كم ، والمره اللي بعديها بغير معاه فلتر زيت ، لما تيجي تدور الصبح ، ماتدوسش بنزين خالص سيبها هي مع نفسها تسخن لحد ما المؤشر بتاع الحراره ، هه يبتدي يطلع
..... و فى مشكله مع المروحه ما بتشتغلش أوقات و
بتعلق >>>> خد بالك من النقطه دي مهمه جدا عشان ما تضيعش الماتور حرام ،،،، امشي مع السلك اللي طالع من المروحه حتلاقيه شابط في الماتور بفيشه بلاستيك بيضة ( حساس الحرارة ) ،،، غالبا حتلاقي عليه ترشيح زيت من غطى التكاهات وممكن تكون الفيشه بتاعته بتعلق السلك ملمس جواها ساعات يشتغل وساعات يعلق ،، ده وطبعا في في نص السيلك اللي بين المروحه والماتور فيشه بردو تانيه طويله شويه ، هي كمان ممكن تكون بتلمس ساعات وتفصل ، اول ما الحراره تيجي على النص اقف فورا وسيبها لحد ما تبرد ( الطبيعي تحت النص بشرطة ) وشيك على السلك اللي بقولك عليه ده

وطبعا المشكله المشهوره بتاعة السيفيا التابلووووه حله ايه >>>> انا عن نفسي اعتقد تجربة اخونا Sharooo هو اللي حعمله عندي

[/QUOTE]

رد: رابطة مالكي الكيا سيفيا فيد واستفد ( صداقة - نقل خبرات )
 

ياريت تقبلونى معاكو فى الرابطه
وانا معايا كيا سيفيا موديل 2001 بقلها حوالى 6 سنين
خبرتى والحمد لله فيها كبيره
وهبقى سعيد انى اشارك معاكوا باى معلومات وافيد واستفيد منكوا

وياريت لو فعلا اتعرف على الناس الجميله الى هنا GIFT4U

رد: رابطة مالكي الكيا سيفيا فيد واستفد ( صداقة - نقل خبرات )
 

السلام عليكم
اولاً انا خبير جامد جداً في السيفيا بس المشكله ان ظهر عندي صوت في عربيتي من الجنب اللي قدام شمال ومش عارف ايه هو اتلسبب
صوت عبارة عن تكتكة بس بتظهر لما بمشي بالعربيه حوالي 20 او 30 كيلو يعني الصوت ده مش بيظهر اول ما بمشي والصوت ده عبارة عن صوت زي ما يكون الكوبلن بايظ يعني بيطقطق غيرت الكوبلن كله وغيرت دوشمة الفرامل ونقلت المساعد الشمال مكان اليمين ونقلت الفرده اليمين مكان الشمال مش باقي غير اني اقص العربية نصين وانقل اليمين مكان الشمال لفيت كتير وشوفت اكتر ومش عارف الصوت ده جي منين ياريت لو حد حصل معاه الموضوع ده يقولي

رد: رابطة مالكي الكيا سيفيا فيد واستفد ( صداقة - نقل خبرات )
 

مش عارف حاسس كدة ان الصوت اللى عندك دة من الزجاج الامامى اصلو لما يفك اللاذك يعمل صوت

رد: رابطة مالكي الكيا سيفيا فيد واستفد ( صداقة - نقل خبرات )
 

لا يا جماعه...الصوت ده عندي برضه وغالبا اسبابه احد الاحتمالات ده:
1-الجلبه الخلفيه(ام جناح) للمقص الشمال عايزه تتغير
2-البيضه الشمال عايزه تتغير
3-الكوبلن الداخلي الشمال او اليمين عايز يتغير(لان الفتيس في الجني الشمال) وده غالبا هيكون السبب الحقيقي للمشكله فياريت تكشفو عليهم الاول.
يارب اكون فدتكم

رد: رابطة مالكي الكيا سيفيا فيد واستفد ( صداقة - نقل خبرات )
 

انا معايا سيفيا 99 اوتوماتيك وكان بيظهر لمبة على التابلوه o/d off وبعد الاستفسار من اعضاء المنتدى عرفت انها خاصة بالفتيس وان به مشكلة وكان ذلك بسبب رداءه الزيت فلما قمت بتغيير الزيت اتحلت المشكلة......ولكن نصيحة مني لكل من يمتلك فتيس اوتوماتيك ان يتأكد من جودة الزيت اللي سوف يضعه في العربية ويتأكد تماما انه خاص للفتيس الاوتوماتيك

رد: رابطة مالكي الكيا سيفيا فيد واستفد ( صداقة - نقل خبرات )
 

مرحبا المروحة مابتشتغل مرات مريت انا فيها وطلعت من الحساس للمروحة ( يسمونها زطمة )بالاضافة بنصحك تعمل قياس للضغط البساتن