رد: رينو فلوانس ولا مازدا 3
 

بص xiozio العربيتين ملهموش سوق دور على اليبانى سعر قطع الغيار ممتاز والصيانه واعاده البيع سهله اما ان كنت تبحث (what)عن التميز داه موضوع تانى وممكن يكلفك شويه فلوس

رد: رينو فلوانس ولا مازدا 3
 

كفروقات محورية فى المحرك والاداء مافيش لكن الفروقات فى نقطتين لو بتحب تغير وبيتهيالى انك ذكرت انه لا يبقى بلاش الفولنس بسبب سعر اعادة البيع بتاعها ضعيف فى حين المازدا مش قوى للدرجة بس نسبة وتناسب وكمان غبور معاه مازدا مؤخرا فحتقوم غبور قادر انه يبعها

الفلوانس تقفيل تركى والمازدا تقفيل يابانى ودى نقطة فى رائ محورية جدا

فعلا المازدا 3 من ورا ضيقة زى ماذكر احد الاخوة الاعضاءبس من قدان كيسة جدا

وانا شخصيا برجح المازدا 3

رد: رينو فلوانس ولا مازدا 3
 

هات فلكس فاجن جيتا او فيات برافوا
و لو انت محتار اختر ماذدا3

رد: رينو فلوانس ولا مازدا 3
 

رد: رينو فلوانس ولا مازدا 3
 

كدة كترت الآراء وضاع القرار عارف إيه الي هيحكم الأسعاااااااااار فعلا هيا الي هتقولك إنتا هتشتري إيه وبما إني مش في مصر دلوقتي فا السوق مضيع من دماغي دلوقتي وهوا دا الي خلاني أقترح عليك السيفك مع إنها برا شريحتهم السعرية.
علشان كدة إنتا ممكن تقولنا إيه الي إنتا ممكن تفضله من العربيات وسعرهم ونحاول نطلع مين فيهم الي إمكانياته مناسبه لسعره.
عندك مثلا ... شيفروليه كرووز, ميتسوبيشي لانسر طبعا القديمة, مازدا 3 هوندا سيتي بقى لو السيفيك طلعت غالية قوي كدة, كيا سيراتوا أو كارينز, تيوتا كرولا, وممكن تفكر في النيسان التيدا أو الصني سوبر صالون,,,, حاجات كتير ممكن تختار منها بس ماتزنقش نفسك بس في عربيتين وسع قاعدة إختياراتك علشان تعرف توصل لقرار صح.
وحدد شريحة سعرية كمان علشان ماتوهش.
وربنا يوفقك إلى مافيه الخير إنشاء الله ومبروك مقدما.

رد: رينو فلوانس ولا مازدا 3
 

أسمحلى تعليق على كلام حضرتك
انا بشوف الفلوانس كتير جدأ ونادرأ ما أشوف المازدا (الجديده)
بالنسبة لصاحب الموضوع (أنت عندك عائلة يبقى فلوانس)
شاب يبقى مازدا خلص الكلام (السيارتين ممتازين) بس أهم حاجة تحافظ عليهم ومتبعشى غير بعد 3 سنوات على الأقل علشان سعر أعادة البيع متخسرشى كتير
لو هتشترى الهاى لاين - أنصحك بسيارة ثالثة (ٍسيات ليون) أفضل من الأثنين